ﺭﺳﺎﻟﺘﻲ ﺍﻟﺞ ﺣﺘﺮﺍﻓﻘﺞ ﻃﻮﻝ ﺣﻴﺎﺗﺞ ﺍﺫﺍ ﻓﺘﺤﺘﻲ ﮔﻠﺒﺞ ﻭﻋﻘﻠﺞ ﺳﻮﻩ ﻭﻗﺮﻳﺘﻴﻬﺎ ﺻﺢ ...
هذا الحجي مياخذ منج بس دقيقتين 🙋💚
كل بنية منكم جوهرة ان جانت ضعيفة سمينة سمرة بيضة اكوللها انتِ جوهرة
ﺍﻟﻰ ﻛﻞ ﺑﻨﻴﺔ ﺗﻌﺒﺖ ﻋﻠﻰ ﻧﻔﺴﻬﺎ ﻭﺩﺭﺳﺖ ... ﺣﺘﻪ ﻟﻮ ﺳﻨﺔ ﻟﻮ ﺳﻨﺘﻴﻦ
ﺍﻟﻰ ﻛﻞ ﺑﻨﻴﺔ ﺑﺎﻭﻋﺖ ﻋﻠﻰ ﺭﻭﺣﻬﺎ ﺑﺎﻟﻤﺮﺍﻳﺔ ﻭﺷﺎﻓﺖ ﺷﻲ ﺣﻠﻮ ﺑﻴﻬﺎ
ﺍﻟﻰ ﻛﻞ ﺑﻨﻴﺔ ﺣﻔﻈﺖ ﻗﺼﻴﺪﺓ ... ﻣﻘﻮﻟﺔ ... ﺍﻭ ﻧﺺ .
ﺍﻟﻰ ﻛﻞ ﺑﻨﻴﺔ ﻭﻛﻔﺖ ﻭﺻﻠﺖ ﺑﮕﻠﺐ ﺧﺎﺷﻊ ﻭﺷﺎﻓﺖ ﺭﻭﺣﻬﺎ ﻧﻈﻴﻔﺔ ﻭﻧﻘﻴﺔ ﻭﻫﻲ ﻭﺍﮔﻔﺔ ﻛﺪﺍﻡ ﺭﺑﻬﺎ
ﺗﺬﻛﺮﻱ ﺷﻲ ﺣﻄﻲ ﺑﺎﺫﻧﺞ ﺗﺮﭼﻴﺔ
ﺍﻟﻠﻪ ﺧﻠﻘﺞ ﺍﻧﺜﻰ ... ﺷﻲ ﻧﺎﺯﻙ ﻭﺭﺍﻗﻲ ﻭﻣﺮﻏﻮﺏ ...
ﻣﻬﻤﺎ ﻛﺎﻥ ﻋﻤﺮﺝ ﻟﻮ ﺣﺎﻟﺘﺞ ﻣﻬﻤﺎ ﻛﺎﻥ ﻭﺿﻌﺞ ﺑﺎﻟﺒﻴﺖ ﻣﻬﻤﺎ ﻛﺎﻥ ضرﻓﺞ ﻭﺣﻴﺎﺗﺞ
ﺣﺘى ﻟﻮ ﺍﺣﺪ ﻣﻦ ﺍﻫﻠﺞ ﻣﺄﺫﻳﺞ ﺣﺘى ﻟﻮ ﺍﻛﻮ ﺗﻔﻜﻚ ﺍﺳﺮﻱ ﺣﺘى ﻟﻮ ﺟﻨﺘﻲ بلا ﺃﺳﺮﺓ
حتى ﻟﻮ ﻛﻞ ﺍﻟﺒﻨﺎﺕ ﺍﻟﺘﻌﺮﻓﻴﻬﻢ ﻫﻴﺞ ﺳﻮﻭ حتى ﻟﻮ ﻛﻞ ﺍﻟﺸﺒﺎﺏ ﺗﺮﻛﺾ ﻭﺭﺍﺝ
ﻣﺎﻛﻮ ﺷﻲ ﺑﺎﻟﺪﻧﻴﺎ ﻛﻠﻬا ﻳﺴﺘﺎﻫﻞ
ﺗﺨﻠﻴﻦ ﻧﻔﺴﺞ ﻓﺮﺻﺔ #ﻟﻌﺐ ﻟﻮﺍﺣﺪ ﻣﺎ ﺗﻌﺐ ﻟﺤﻈﺔ ﻭﻓﻜﺮ ﺑﻌﺮﺿﻪ ﻗﺒﻞ ﻣﺎ ﻳﻠﻌﺐ ﺑﺒﻨﺎﺕ ﺍﻟﻨﺎﺱ
ﻭﻻ ﻭﮔﻒ ﻟﺤﻈﺔ ﻭﻓﻜﺮ ﺑﺨﻮﺍﺗﻪ او ﺍمه او ﺑﻨﺎﺗﻪ ﺑﺎﻟﻤﺴﺘﻘﺒﻞ ﻗﺒﻞ ﻻ ﻳﻮﻋﺪ ﻭﺣﺪه ﺑﺸﻲ ﻭﻫﻮ عرض ﺷﻲ ﺛﺎﻧﻲ ﻻ ﺗﺘﻬﺎﻭﻧﻴﻦ ﺑﻨﻔﺴﺞ ﻭﻟﺘﺼﺪﮔﻴﻦ ... ﻏﻴﺮ ﺍﻟﻴﺠﻲ ﻳﺪﮒ ﺑﺎﺑﺞ ...ﻣﻮ ﺍﻟﻲ ﻳﮕﻠﺞ #ﻧﺎﻭﻱ ﺍﺩﮒ ﺍﻟﺒﺎﺏ
ﻋﻴﺸﻲ ﻏﺎﻟﻴﺔ ... ﺣﻴﻞ ﻏﺎﻟﻴﺔ
ﻭﺍﻟﻲ ﻳﮕﻠﺞ ﺷﺎﻳﻔﺔ ﺭﻭﺣﺞ ﻣﻌﻘﺪﺓ ﺣﻘﻨﺔ ﮔﻮﻟﻴﻠﻪ ﻭﻧﺼﻴﻦ ...ﺍﺫﺍ ﺍﻻﺧﻼﻕ ﻭﺍﻻﻋﺘﺰﺍﺯ ﺑﻜﻴﺎﻧﺞ ﻳﺨﻠﻴﺞ ﻣﻌﻘﺪﺓ ﺗﻌﻘﺪﻱ
ﺻﺪﮔﻴﻨﻲ ﺧﻠﻲ ﻳﺘﻌﺒﻠﺞ ﻭﻳﻀﻮﮒ ﺍﻟﻤﺮ ﻟﺤﺪ ﻣﻴﻮﺻﻠﺞ
ﻻﻥ ﺍﻟﺘﻌﺐ ﻫﺬﺍ ﺣﻴﺨﻠﻲ ﻳﺘﺬﻛﺮ ﻃﻮﻝ ﻋﻤﺮﻩ ﺷﮕﺪ ﺗﻌﺐ ﻟﺤﺪ ﻣﺎ ﺣﺼﻠﺞ ﺍﻟﺘﻌﺐ ﺣﻴﺨﻠﻴﺞ ﻏﺎﻟﻴﺔ ﻫﺴﻪ ﻭﺑﻌﺪﻳﻦ
ﺍﻟﺘﻌﺐ حيضل ﻣﺤﻔﻮﺭ ﺑﺮﺍﺳﻪ ﻟﺤﺪ ﻣﻴﺸﻮﻑ ﺍﺣﻔﺎﺩﻩ ﻣﻨﺞ
ﻭﻫﻢ ﺭﺍﺡ ﻳﺴﻮﻟﻔﻠﻬﻢ ﻭﻳﮕﻠﻬﻢ ( ﺟﺪﺗﻜﻢ خذتها ﺑﻄﻠﻌﺎﻥ ﺍﻟﺮﻭﺡ )
ﻣﻮ ﻳﺎﻫﻮ ﺍﻟﻴﺠﻲ ﻭﺩﮒ ﮔﻠﺒﺞ ﺗﺤﺒﻲ ﺗﻌﺮﻓﻴﻦ ﻟﻴﺶ ؟ ﻻﻥ ﺍﻻﺧﺘﻴﺎﺭ ﺍﻻﻭﻝ ﻣﻮ ﺗﺠﺮﺑﺔ ﻭﺍﻟﺠﺮﺡ ﺍﻻﻭﻝ ﻣﻮ ﺗﺠﺮﺑﺔ
ﺍﻟﺠﺮﺡ ﻫﺬﺍ ﻣﺮﺍﺡ ﻳﻨﺰﻑ ﺑﮕﻠﺒﺞ ﺣﻴﻨﺰﻑ ﺑﻌﻴﻮﻧﺞ ﻭﻳﻌﻤﻴﺞ ﻋﻦ ﺍﻟﺰﻳﻦ ﻣﻦ ﻳﺠﻲ
ﺣﺘﺸﻮﻓﻴﻦ ﺍﻟﻜﻞ ﺑﻨﻔﺲ ﺍﻟﻨﻈﺮﺓ ﺣﻴﺨﺮﺏ ﺷﺨﺼﻴﺘﺞ ﻭﻳﺠﻮﺯ ﺗﺼﻴﺮﻳﻦ ﻣﺜﻠﻪ
ﺣﺘﺮﻭﺡ ﺍﻟﺒﺮﺍءه ﻭﺍﻟﻄﻴﺒﺔ ﻭﺍﻟﻔﻄﺎﺭﻳﺔ ﻭﻳﺠﻮﺯ ﺍﻟﻌﻼﻗﺔ ﺍﻟﻔﺎﺷﻠﺔ ﻫﺎﻱ ﺣﺘﻌﺮﻓﺞ ﻋﻠﻰ ﺑﻨﺎﺍﺕ ﻓﺎﺷﻼﺕ
ﻳﻌﻠﻤﻮﺝ ﺩﺭﺏ ﻓﺎﺷﻞ ﺗﻨﺴﻴﻦ ﺑﻲ ﺍﻟﺠﺮﺡ ﻭﺣﺘﻌﺮﻓﻴﻦ ﻭﺍﺣﺪ ﻭﺭه ﻭﺍﺣﺪ ﻭﺭه ﻭﺍﺣﺪ
ﻭﻳﺨﺮﺏ ﮔﻠﺒﺞ ﻭﺗﻤﻮﺕ ﺭﻭﺣﺞ ﻭﺗﻨﺎﻡ ﺫﻳﺞ ﺍﻟﺒﻨﻴﺔ ﺍﻟﺠﺎﻧﺖ ﻧﻴﺘﻬﻪ #ﺣﺐ
ﻧﺼﻴﺤﺘﻲ ﺍﻟﺞ ﺩﻭﺭﻱ ﺑﺪﺍﺧﻠﺞ ﻋﻦ ﺍﻟﺤﺐ ﺍﻫﺘﻤﻲ ﺑﻨﻔﺴﺞ ﻭﺣﺒﻴﻬﺎ
ﺑﺪﻝ ﻣﺘﺪﻭﺭﻳﻦ ﻭﺍﺣﺪ ﺗﺴﻮﻟﻔﻴﻦ ﻭﻳﺎﻩ ﻟﺰﻣﻲ ﻭﺭﻗﺔ ﻭﻗﻠﻢ ﻭﺳﻮﻟﻔﻲ
ﻛﺘﺒﻲ
ﺭﺳﻤﻲ
ﻃﺮﺯﻱ
ﺧﻴﻄﻲ
ﺷﺨﺒﻄﻲ
ﺍﺷﺘﻐﻠﻲ
ﺍقري ﻗﺼﺺ ﻭﻗﺼﺎﻳﺪ
ﺍﻗﺮﻱ ﺭﻭﺍﻳﺎﺕ ﻭﻛﺘﺐ تنمية بشرية
شاركي بفرق تطوعية نمي انسانيتج غيري افكارج وصيري انسانة واعية وراقية ومثقفة صيري مميزة
وخلي معناتج تميزج ابجي بس وراهه كومي وصيري اقوة خلي الناس تكول هاي البنية
عانت بس هيه قوية لتخلين احد يكول عنج #خطية
ومن تحجين وازني حجيج ﻭﻛﺒﺮﻱ ﻋﻘﻠﺞ ﺍﺣﺴﻦ ﻣﺘﻜﺒﺮﻳﻦ ﻛﻠﺒﺞ ﺑﺎﻟﻬﻢ ﻭﺍﻟﺘﻌﺐ ﻭﺍﻟﻘﻬﺮ
ﻣﻦ ﺗﻀﻮﺟﻴﻦ ﻟﺘﻌﻠﮕﻴﻦ ﺍﻏﺎﻧﻲ ﻟﻄﻢ ﻭﺑﺠﻲ ﻭﺗﺪﻟﻐﻤﻴﻦ ﻭﺗﺒﺠﻴﻦ ﻃﻠﻌﻲ مثلا فد ﻓﻠﻢ ﻳﻀﺤﻚ
ﻳﻤﻌﻮﺩﻩ ﻃﻠﻌﻲ ﻛﺎﺭﺗﻮﻥ ﺟﻨﺘﻲ ﺗﺤﺒﻲ ﻣﻦ ﺟﻨﺘﻲ ﺻﻐﻴﺮﺓ ﺳﺎﻋﺘﻬﻪ ﺣﻴﺼﻐﺮ ﺑﻌﻴﻨﺞ ﻫﻤﺞ
ﻟﻮ ﺍﻋﻠﻤﺞ ﻋﻠﻰ ﺩﺭﺏ ﻻﺯﻡ ...
ﮔﻌﺪﻱ ﺳﻮﻟﻔﻲ ﻭﻳﺎﻩ ...
ﻣﻨﻮﻩ ?
ﺍﻟﻠﻪ
ﻭﺝ ﺭﺑﺞ .... ﺷﮕﺪ ﺣﻨﻴﻦ
ﺍﺑﺪ ﻣﻴﻤﻞ ﺷﮕﺪ ﻣﺘﺤﺠﻴﻦ ﺻﺪﮔﻴﻨﻲ وهو يعرف كولشي بس حيسمعج ما يضحك على امنياتج من تتمنين و مثل البقية ﻭﻟﻮ ﺷﻮﻳﺔ ﺭﻛﺰﺗﻲ وصفنتي ﻭﺧﺸﻌﺘﻲ ﺣﺘﻠﮕﻴﻨﻪ ﻳﺠﺎﻭﺑﺞ
ﻳﻤﻜﻦ ﺑﺂﻳﺔ ﻭﻳﻤﻜﻦ ﺑﺼﻮﺭﺓ ﻭﻳﻤﻜﻦ ﺑﻤﻮﻗﻒ
.
#ﺧﻠﻴﺞ ﻋﺰﻳﺰﺓ
ﻭﺍﻟﻠﻪ ﺍﻟﻲ ﺗﺤﻂ ﺍﻟﻠﻪ ﻣﺮﺟﻌها بكل ﺻﻐﻴﺮﺓ ﻭﺟﺒﻴﺮﺓ
ﻣﻴﺸﻴﻠﻬﻪ ﻭﺟﻊ ﻭﻻ ﺳﺎﻋﺔ ﺑﻌﻤﺮﻫﻪ 💜
من وجد الله ماذا فقد ؟
ومن فقد الله ماذا وجد ؟
نبأ هديب☘
KAMU SEDANG MEMBACA
ريحانات🌱
Fiksi Umumلطفاً للنساء فقط "الدين لا يعني الابتعاد عن الحياة❤" __نصائح ،نقاشات،تطوير ،عناية،مهام .. كل ما يخصكِ.. تنويه:مايذكر منقول 🌱 تجدونها ايضا في تليجرام 👇 @halabnatt @rasel313
