Йой! Нажаль, це зображення не відповідає нашим правилам. Щоб продовжити публікацію, будь ласка, видаліть його або завантажте інше.
مدير الوفد استاذ نزار اول ماشاف دارين ابتسم ابتسامة واسعة و قام وقف قرب وقف قدامها؛
نزار : وانا عم قول شو هاد النور اللي اجا فجأة طلع هاد نورك دارين خانم .
دارين ابتسمت ابتسامة خفيفة ؛
دارين : ميرسي مستر نزار ده من زوقك.
نزار بص وراها ملقاش يوسف فرح اوي ؛
نزار : منيح ان مستر يوسف مانو هون بحسه هيك ما عم يطيقني المهم انا انبسطت كتير لما عرفت اني رح اجي اشوف هالقمر مرة تانية.
ادم بصله ومش طايقه دارين بصت لنزار وبصت لادم :
دارين : اعرف حضرتك يا ادم ده مستر نزار مدير الوفد الفرنسي اللي متعاقد معانا .
ادم مد ايد لنزار ؛
ادم : اهلا وسهلا .
نزار مد ايده وبص لادم : اهلين انت بتكون مين !
ادم اتك ع ايد نزار جامد ومد ايده التانية حطها ع وسط دارين وضمها لحضنه وبص لنزار بثقة وشراسة ؛
ادم : انا ادم الهواري زوج مدام دارين المحمدي اللي حضرتك من الصبح عمال توصف قد ايه انت مبسوط انك شوفتها.
نزار اتصدم و اتحرج جامد واتوتر وبص لادم ؛
نزار : ااااااا انا بتأسف كتير ماكنت بعرف انها مجوزة.
ادم اتك ع ايده اكتر ؛
ادم : واديك عرفت .
وش نزار احمر من الوجع مراد قرب وهمس ف ودن ادم ؛
مراد : خلاص الراجل هيفرفر منك.
ادم بهمس : راجل اه .
وساب ادم ايد نزار وبص لدارين اللي ماسكة ضحكتها بالعافية دارين بعدت عن ادم ورحبت بالوفد هي وديجا وقعدوا كلهم وبداوا شغلهم ودارين طبعا بتتكلم ونزار بيبصلها بنظرات اعجاب ومركز مع كل تفاصيلها وادم مركز مع نزار وهيموت ويقوم ويخزقله عينه اللي بيبص بيها ع جوهرته الخاصة .
الاجتماع خلص ودارين وديجا سلموا عالوفد نزار كان ف الاخر وكان قاصد يبقى ف الاخر الوفد خرج واتبقى نزار ودارين وديجا ومراد وادم بس ادم جاله فون اعتمد ع مراد وديجا انهم موجودين وخرج يتكلم مراد ميعرفش اللي يوسف حذر ادم منه فاخد ديجا وخرجوا برا غرفة الاجتماعات نزار قرب من دارين ومد ايده ليها ؛
نزار : عنجد رح اشتقلك كتير انتي كتير مهضومة وتنحبي وانا حبيت مصر واهل مصر عمشان انتي منهن .
دارين مدت ايدها سلمت عليه ؛
دارين : ميرسي مستر نزار .
نزار حط ايده التانية ع ايديها وقرب اكتر منها ؛
نزار : بس انتي عنجد جميلة..
وهيقرب اكتر كان ادم بيديله بالبوكس ف وشه نزار وقع ونزل دم من انفه ادم مسكه وقومه وادم كان وشه احمر من العصبية ؛
ادم بعصبية وصوت عالي : قوم قوم ياحيوان بتغازل ف مراتي وبتحاول تقربلها قوم ده انا هموتك النهااااااردة .
دارين بتحاول تبعد ادم عن نزار ؛
دارين : ادم ارجوك اهدى ارجووووك .
ادم مش شايف ولا سامع دارين كل اللي ف دماغه انه يموت نزار وطبعا عمال يضربه بكل قوته ومش سايبه الموظفين دخلوا عالصوت وبيحاولوا يبعدوا ادم عن نزار مش عارفين ولا قادرين يسيطروا عليه ادم كان زي الثور الهائج مش شايف قدامه واحد من الموظفين جرى نادى ع مراد مراد جه وشاف المنظر اتصدم وجرى بسرعة ع ادم مراد عارف ازاي يسيطر ويتعامل مع ادم واخيرا مراد قدر يبعد ادم عنه ؛
ادم : اوعى يامراد اوعى انا لازم اعلم الحقير ده الادب .
نزار : انا حقير انا رح وريك منو هو الحقير نحنا رح نفسخ هاد العقد ما بدنا منكن شىء ورجوني كيف رح تعوضوا هي الخسارة .
ادم هيندفع ناحيته مراد مسكه تاني ؛
مراد : ادم اهدى وشوف دارين بص واقفة ف الزاوية وخايفة ازاي انت عارف انها بتخاف من الصوت العالي والزعيق من ساعة صدمتها لما باباها ضربها وفقدت صوتها اهدى يا ادم.
ادم ملامحه لانت وافتكر دارين بص عليها لقاها منهارة جرى عليها وحسس ع خدها ؛
ادم : دارين انا اسف حبيبتي انا اسف والله مش هزعق تاني انا اسف سامحيني اسف اسف.
دارين كانت بصاله والدموع بتنزل من عيونها و فجأة فقدت الوعي و وقعت بين ايد ادم ؛
ادم بصدمة : داااارييين.
مراد صرخ فيه : ادمممم قوووووم شيلها عالمستشفى يلا .
ادم فاق وشالها بسرعة ونزلوا ركبها العربية وديجا جنبها وركب هو وادم وادم اصر يسوق هو و كان بيسوق بسرعة كبيرة جدا وصلوا لاقرب مستشفى نزل وشال دارين و دخل الطوارئ و وراه ديجا ومراد الدكاترة خلوه يحط دارين ع سرير متحرك وخدوها منه وهو باصص عليها وهم بياخدوها ولاول مرة ف حياته كلها دموعه تنزل من قلقه عليها ع حب حياته ❤
ديجا وقفت قدامه وهي بتعيط ولسه هتبهدله وتزعقله شافت منظره اندهشت رجعت ورا و وقفت ع جنب وفضلت تعيط من سكات بعد ساعة عائلة سامر المحمدي وسليم الهواري كانوا وصلوا المستشفى دخلوا الطوارئ وجريوا ع ادم ومراد وديجا ؛
سامر بضعف : فين بنتي ؟
مراد : الدكاترة خدوها من ساعة ومقالولناش حاجة لحد دلوقتي .
سامر بص لادم وقرب وقف قدامه ؛
سامر : لو بنتي حصلها حاجة يا ادم مش هسامحك المرادي بجد مش هسامحك.
ادم بصله ودموعه نزلت الكل قاعدين حالتهم صعبة جدا وخايفين ع دارين بعد نص ساعة الدكتور خرج الكل اتلم حواليه ؛
ادم : خير يادكتور مراتي عاملة ايه دلوقتي ؟
الدكتور : هو حضرتك جوزها ؟
ادم : ايوه يادكتور.
الدكتور : اطمن يا استاذ متقلقش اللي حصلها شوية اضطرابات طبيعية بسبب الشهور الاولى.
ادم باستغراب : شهور اولى ايه ؟
الدكتور بابتسامة : شكلكم لسه مش عارفين طيب مبروك عليكم المدام حامل ف الشهر التاني ....
نهاية الفصل العشرون .
ВИ ЧИТАЄТЕ
لعبة القدر ❤️
Романтикаنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
