لعبة القدر
( الفصل العشرون )
دارين وادم دخلوا وقعدوا لين كانت قلقانة دارين مسكت ايديها وبصتلها ؛
دارين : متقلقيش يالينو مش عايزاكي تقلقي من حاجة كل اللي تفكري فيه دلوقتي فستان كتب الكتاب والفرح والتحضيرات وبس .
لين بصتلها وهزت راسها وحضنت دارين جامد.
فون دارين رن ردت ومش بتتكلم وشوية وقالت اوك سلام وبصتلهم ؛
دارين : جماعة لازم امشي الوفد الفرنسي جاي ولازم اكون هناك دلوقتي .
ديجا : طب يلا بينا لين وجو هتيجوا معانا ؟
يوسف : ثواني مش الوفد ده اللي قابلناه ف اميركا ؟
ديجا : ايوه هو بتسال ليه !
يوسف بص لدارين ؛
يوسف : لا ولا حاجة .
وبص يوسف لادم ؛
يوسف : انا للاسف مش هاجي عشان مواعد لين اخرجها بس ادم كدة كدة رايح الشركة وجاي معاكم ولا ايه يا ادم ؟
ادم بص ليوسف واستغرب لان يوسف عارف ان الشغل عند ادم النهاردة خفيف وهو خلصه كله وانه مش رايح الشركة يوسف بصله انه يجاريه يعني فآدم هز راسه وبص لدارين ؛
ادم : ايوه فعلا يلا بينا نتحرك عشان متتاخروش.
دارين وديجا هزوا راسهم وقاموا ومراد معاهم والبنات بيسلموا ع بعض ادم شد يوسف ؛
ادم : ايه ياجو ؟
يوسف : الوفد ده فيه مديره لبناني رخم و بيحاول يستظرف مع دارين و تصرفاته ونظراته مش حلوة وانا لما لقيته كدة اخدت كورسات تصميم عشان اكون معاها ف شغلها عشان كدة بس ده واحنا ف اميركا دلوقتي احنا ف مصر وانت موجود يعني الزوج لازم يشيل عن الاخ شوية لان الاخ عنده مزة برده يهتم بيها بس ادم ارجوك لو حصل اي حاجة سيطر ع نفسك متعملش اي تصرف تخسرها بيه وهبقى اكلمك اطمن عليك وعليها اتفقنا !
ادم بصله و من جواه بيأنب نفسه انه ازاي كان بيكره يوسف ، يوسف جدع جدا وبيحب الخير للي حواليه ازاي الشخص ده يتكره ادم خد نفس عميق وبص ليوسف ؛
ادم : اتفقنا ..يوسف اسف بجد ع كل حاجة وع الشهور اللي عدت اللي كنت بعاملك وبكلمك فيها وحش.
يوسف ابتسم وخبط ع كتف ادم ؛
يوسف : خلاص يا ادم بقى امبارح مات بكل تفاصيله وبعدين ماحنا دلوقتي اهوه بقينا نعرف كل تفصيلة عن بعض فمتفكرش ف حاجة غير انك ازاي تحافظ ع دارين اوك ؟
ادم ابتسم : اوك.
سلموا ع بعض كلهم وخرجوا دارين وديجا وادم ومراد ادم بص لمراد وضحك وغمزله ؛
ادم : ايه يامراد انت مش اجازة النهاردة ؟
مراد وهو بيجز ع اسنانه : لا ماهو طلعلي شغل مهم ولازم اروح.
دارين وديجا بصوا لبعض وضحكوا ادم ضحك ؛
ادم : طب يلا بينا.
مراد : لا ديجا هتركب معايا.
ديجا : اشمعنا يعني ؟
مراد : الله ايه رخامتك دي اتنين متجوزين هتركبي معاهم ليه ده انتي كمان المفروض تشكريني اني هوصلك معايا يعني بطلي صداع بقى وتعالي اركبي خلصينا.
ومسك ايدها وشدها للعربية وفتحلها الباب ركبها ولف ركب وديجا اصلا كل ده تحت الصدمة ودارين وادم ميتين ضحك ادم بص لدارين ؛
ادم : احم اتفضلي.
دارين بصتله وهزت راسها ادم فتحلها الباب وهي شكرته وركبت وهو ابتسم وقفلها الباب ولف ركب هو كمان والعربيتين اتحركوا و وصلوا الشركة نزلوا كلهم وطلعوا ع قسم دارين ديجا ومراد راحوا ع مكتب ديجا وادم راح ورا دارين ع مكتبها دارين بصتله ؛
دارين : احم مش كان وراك شغل ؟
ادم : اه هعمله من عالفون عادي .
دارين ابتسمت : مممممممم ماشي اللي يريحك.
ادم ابتسم ع ابتسامة دارين ، دارين راحت لماكينة القهوة وبصتله ؛
دارين : تشرب قهوة ؟
ادم : ياريت .
دارين ابتسمت وعملت فنجانين قهوة وجت حطتله قهوته وراحت قعدت عالمكتب بتحضر اوراق الوفد وبتشرب قهوتها تحت تأمل من عيوم ادم.
شوية والوفد الفرنسي جه ميرا سكرتيرة دارين خبطت ودخلت ؛
ميرا : استاذة دارين الوفد الفرنسي وصل .
دارين بصتلها وهزت راسها ؛
دارين : تمام ياميرا استقبليهم ف غرفة الاجتماعات وانا جاية ع طول .
ميرا : حاضر.
و راحت ميرا استقبلتهم ف غرفة الاجتماعات دارين قامت اخدت الايباد والفون وهتطلع ادم بصلها ؛
ادم : ممكن احضر معاكي الاجتماع ؟
دارين بصتله : بس...
ادم : متقلقيش .
دارين بصتله شوية وبعدين هزت راسها ادم ابتسم وقام مشى جنبها وراحوا لغرفة الاجتماعات اتقابلوا مع ديجا ومراد عالباب ودخلوا الاربعة سوا دارين كانت لابسة ده :
YOU ARE READING
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
