بعد غياب فترة طويلة قولت ارجع تاني ..
صغير اه بس اهوه بنسخن للي جاي 😂😂❤️
لعبة القدر
( الفصل الرابع والعشرون )
السهرة المرادي كانت مختلفة لأن العيلة كلها كانت متجمعة وكل كابل بيبصوا لبعض بنظرات عشاق حتى الكبار سليم وكاميليا وسامر وعائشة و نبيل ومريم اه عدى سنين كتيرة ع وجودهم سوا بس لسه حبهم لبعض زي اول مرة شافوا فيها بعض الاجواء كانت مليانة حب وعشق وغرام ولغة العيون هي اللغة السائدة ف القعدة الساعة ٣ الفجر خلصوا قعدتهم و نبيل خد مريم وديجا ومشوا و مراد مشى هو كمان كريم اخد مراته ميريام وبنتهم لميس ومشيوا برده كان اتبقى سليم وكاميليا وادم ودارين ف ڤيلا سامر وعائشة ؛
سليم : طيب كفاية كدة احنا كمان هنروح لازم نرتاح حبة.
سليم بص لادم ؛
سليم : ايه يا ادم مش هتمشوا انتو كمان !
ادم بصله : لا يا بابا احنا هنبات هنا النهاردة دارين اكيد وحشها اوضتها والقعدة مع اونكل وطنط فهنبات هنا النهاردة ده لو ميزعجش اونكل سامر يعني .
سامر ابتسم : اكيد ميزعجنيش ده البيت كله ينور بوجودكم .
دارين فرحت باللي ادم قاله سليم ابتسم ؛
سليم : طيب نستأذن احنا .
وقام سليم وكاميليا وسلموا عليهم ومشوا ادم بص لسامر ؛
ادم : بعد اذنك يا اونكل هنطلع اوضة دارين عشان هي لازم ترتاح تعبت كتير النهاردة .
سامر : اكيد يابني اتفضل .
ادم هز راسه وشال دارين وطلع ع اوضتها دخلوا حطها عالسرير وقفل الباب و جه قعد جنبها ع طرف السرير بصلها ؛
ادم : مبسوطة يا دارين ؟
دارين ابتسمت : مرتاحة و راحتي دي مخلياني مبسوطة.
ادم ابتسم وقام جاب هدوم مريحة من دولابها وجه ساعدها انها تغير هدومها وهو قلع جاكيت البدلة والقميص ونام جنبها واخدها ف حضنه وناموا بسرعة من التعب .
تاني يوم ادم صحي ملقاش دارين جنبه بس سمع صوت ف الحمام قام قعد ومسح وشه بايديه شوية و دارين خرجت لقته صاحي ابتسمت ؛
دارين : صباح الخير يا ادم .
ادم ابتسم : صباح الخير ياحبيبتي .
دارين : يلا قوم خد شاور انا طلبتلك هدوم وجت شوف اللي انت عايزه منهم.
ادم قام قرب منها مسك ايديها وطبع عليهم بوسة رومانسيه وبصلها ؛
ادم : حاضر ومتتعبيش نفسك اتفقنا ؟
هي هزت راسها قرب باس راسها وراح خد هدوم ودخل ياخد شاوره هي كانت مبسوطة نزلت تحت سامر و عائشة كانوا قاعدين بيفطروا دارين قربت منهم ؛
دارين : صباح الخير يا بابا صباح الخير يا ماما .
وقربت باستهم وقعدت ع كرسيها .
سامر : صباح الخير ياحبيبتي .
عائشة : اومال فين ادم !
دارين : ٥ دقايق وهتلاقيه نازل .
عائشة هزت راسها شوية وادم نزل سلم عليهم وقعد جنب دارين و عائشة صبت لادم قهوة و ادم شكرها وقاعدين بيفطروا .
فون ادم رن بوصول مسدچ جديدة مسك فونها وفتح شاف الرسالة واتصدم من اللي لقاه قام بسرعة وساب اللي ف ايده وخرج ركب عربيته واتحرك وسط طبعا قلق دارين وسامر وعائشة وهم عمالين بينادوا عليه وهو مش شايف قدامه دارين مستنتش وبصت لسامر ؛
دارين : بابا اديني مفتاح عربيتك .
سامر : بس....
دارين : يلا يا بابا متخافش .
سامر اتنهد واداها مفاتيح العربية خدتها وطلعت ع طول ركبت العربية و اتحركت وراه اتصلت بيه هو مكانش بيرد بس هي كانت متوقعة انه هيروح لرؤى و راحت ع طول ع ڤيلا الهواري .
زي ما دارين توقعت ادم كان راح ع هناك نزلت من العربية بسرعة ودخلت وراه لقيته ماسك رؤى من دراعها وبيزعق جامد و رؤى مرعوبة و سليم وكاميليا واقفين بيتفرجوا .
ادم بزعيق وصوت عالي : انتي تعملي كل ده يطلع منك انتي كل ده و يطلع كل اللي مريت بيه كله تخطيطك خططتي ازاي تدخلي حياتي و تحتليها وتخليني اقف قدام ابويا وامي والشخص اللي ف مقام عمي والناس كلها اجهضتي مراتي وخلتيها تفكر اني مشترك معاكي ف العاملة الوسخة اللي عملتيها فيها دي وخلتيها تبعد كل السنين دي وهي مفكرة اني انا اللي عملت كدة و كل ده عشان الفلوس لا وكمان بتشربي مخدراااااات انا مش هرحمك انا هدفنك حية وهعذبك عذاب يخليكي تتمنى الموت عشان تترحمي منه .
و بدأ ادم يضربها بكل قوته وهي وقعت عالارض وعمالة تعيط وتحاول تستنجد بأي حد .
دارين قربت بسرعة مسكته هو بدون قصد زقها هي رجعت لورا واتخبطت في التربيزة هو بصلها وجرى عليها بسرعة ؛
ادم : دارين دارين حبيبتي انا اسف والله معرفش انك هنا ومعرفش انك اللي مسكتيني .
دارين كانت اتعورت ف راسها وبدا ينزل دم ادم طلع منديل بسرعة ومسحلها الدم وعمال يتأسف ودموعه بتنزل دارين بصتله ؛
دارين : خلاص يا ادم عارفة انه غصب عنك زي ما برده كل اللي حصل زمان غصب عنك سيبها تمشي ارجوك .
ادم : سبيني يا دارين انا مش هسامح نفسي و لا هقدر اكمل ف حياتي غير لما اموتها .
دارين مسكته ؛
دارين : بس انا مسامحاك و ده المهم و بعدين انا مش هسيبك تورط نفسك في قتلها و البيبي يتولد من غير اب متعملش كدة فيا وفيه يا ادم ارجوك .
ادم ضعف بص لرؤى و بص ف عيون دارين ، دارين هزت راسها هو اخد نفس وبعد مسك رؤى من دراعها وقومها وبصلها بقرف ؛
ادم : انا سامحتك بس عشان خاطرها انتي فاهمة وياريت تعرفي الفرق بين قلبك الاسود وبين قلبها الابيض لان رغم اللي عملتيه فيها ده كله ولسه قادرة تسامح وتحب انتي تغوري من البيت ده وملكيش حاجة فيه لان كل حاجة ليكي هنا جايباها بفلوسي هتمشي زي مانتي كدة و ورقة طلاقك هتوصلك .
رماها ف الارض ؛
ادم : انتي طالق بالتلاتة .
ونادى ع الحراس جم شالوها وراموها برا وهو قرب حضن دارين وبصلها ؛
ادم : انا اسف ياحبيبتي قوليلي انتي كويسة وجعاكي طيب ؟
دارين ابتسمت : لا مش واجعاني متقلقش انا بقيت كويسة جدا .
ادم ابتسم وضمها لحضنه ..
نهاية الفصل الرابع والعشرون .
YOU ARE READING
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
