لعبة القدر
( الفصل السادس والعشرون )
دارين قلبها هيقف من الخوف بس شمت برفانه بدأت تطمن ،
دارين : ......ادم ! ده انت ؟
ادم : ومين هيكون غيري ياعيون ادم .
النور اتفتح فجأة دارين لقت العيلة كلها موجودة سامر وعائشة و سليم وكاميليا و ميريام وكريم ولميس وديجا و مراد و لين ويوسف والبيت متزين بطريقة لطيفة و ماسكين بلونات كلهم قالوا ف صوت واحد Surprise دارين كانت مبسوطة اوي عائشة قربت حضنتها بحب وحنان ؛
عائشة : الف الف مبروك ياقلب مامي .
دارين : الله يبارك فيكي يامامي انا مبسوطة اوي .
بعدوا وكاميليا قربت حضنت دارين و وراهم ميريام وديجا ولين وبعد كدة سامر قرب حضن بنوته وباس راسها وباركلها وعيونه مدمعة و سليم جه طبطب ع ظهره بعدين ضم دارين لحضنه وباركلها وقعدوا كلهم يتكلموا ويضحكوا ،
دارين : عشان كدة بقى يا استاذ ادم كنت مشغول بالفون طول الوقت وتبص فيه وتضحك .
ادم رفع اكتافه مصطنع البراءة : اناااااااااا ! انا عملت ايه ده انا برئ والله .
دارين مسكت مخدة الانتريه حدفتها عليه ،
دارين : برئ اه ده انا شوية وكنت هرفع عليك قضية ف محكمة الاسرة بتهمة الخيانة .
كلهم ضحكوا كريم بص لادم ؛
كريم : ادم احذر لازم تاخد احتياطاتك كويس الفترة الجاية هاه الستات من دول ف الحمل بيكونوا مش طايقين اللي خلفونا لا وكمان مراتك ياحبيبي حامل ف تؤام يعني اضرب الهرمونات ف اتنين .
سامر : ده انت هتتنفخ يا ادم .
سليم : يلا الله يرحمه الفاتحة ع روحه ياجماعة .
الكل فضل يضحك عليه وادم باصصلهم و بيقول ف نفسه " احييييييييييييييييييييييييييييييييييييييه "
قضوا سهلة لطيفة اوي مع بعض ومشوا الفجر بعد ما عائشة وكاميليا اطمنوا ع دارين ونيموها ف اوضتها وعملولها اكل كتير وسابوه ف التلاجة وظبطولها البيت كله عشان متتعبش في حملها ادم غير هدومه وجع نام ف حضن دارين و حط ايده ع بطنها وهو مبتسم هي حطت ايديها ع ايده ومبسوطة ؛
دارين : مبسوط ؟
ادم بصلها وابتسم : عمري ماكنت مبسوط قد اللحظة دي دارين انا بحبك بحبك اوي .
هي ابتسمت وحضنته جامد وبعدها هو بعد وضمها لحضنه وناموا .
عدى الشهور المتبقية في حملها وكانت صعبة جدا عليها وع ادم ، ادم كان ممكن يصحى من النوم الفجر ميلقهاش جنبه ويلاقيها ف المطبخ قاعدة عالارض ونايمة وجنبها برطمانات نوتيلا ومخلل او ايا كان وكانت ع طول عصبية و زي اي واحدة حامل الهرمونات بتكون قايمة بشغلها ع اكمل وجه ،
وجه اليوم اللي الكل مستنينه وبيحضروله بقالهم كتير اوي 'يوم الولادة'
دارين كانت كل شوية تعيط ومتعلقة بحضن ادم وخايفة من العمليات والكل حواليها وبيحاولوا يطمنوها و ادم لما لقاها كدة صمم يخش معاها غرفة العمليات وفعلا دخل معاها و كان ماسك ايديها وبيطمنها وبيمسحلها عرقها و اخيرا دارين ولدت و نورت الدنيا بتؤام ولد وبنت زي القمر ادم اخدهم وراهم لدارين وباستهم وكانت عيونها مدمعة هو ابتسم وقرب باس راسها وادي التؤام للممرضة وفضل معاها لحد ماخرجت من اوضة العمليات ؛
بعد ساعتين دارين اخيرا فاقت لقت حواليها العيلة كلها ادم قاعد جنبها وماسك ايديها وعيونها ع عائشة وكاميليا اللي كل واحدة فيهم ماسكة بيبي وجنبهم سليم وسامر ولميس قاعدة ف النص بتتفرج عالبيبيهات القمرات وكريم ويوسف ومراد واقفين بيتكلموا والبنات قاعدين دارين ابتسمت واتكت ع ايد ادم فهو بصلها لقاها صحت ابتسم وقرب باس راسها ؛
ادم : حمدلله ع سلامتك ياحبيبتي .
دارين بتعب : الله يسلمك ياحبيبي .
الكل سمعهم وجم يطمنوا ع دارين و يباركولها ،
سليم : هاااا هتسموا التؤام ايه ؟
ادم باس ايد دارين : لا حبيبتي هي اللي هتسميهم .
سليم ابتسم : هتسميهم ايه ياحبيبتي ؟
دارين بصت لادم وابتسمت : امممم .. هسميهم ... جنة و عُدي .
الكل ابتسم ؛
سامر : اختيار موفق ياحبيبتي .
ادم قرب باس راسها وبصلها : خلاص الانتي عايزاه ياحبيبتي جنة وعُدي .
فضلوا قاعدين يرغوا شوية و بعدين ميريام صممت ان عائشة وسامر وكاميليا وسليم يروحوا يرتاحوا و كمان عشان يحضروا كل حاجة لرجوع دارين البيت فهم وافقوا و لميس رفضت تروح معاهم عشان تفضل مع اولاد خالتها التؤام الحلوين ،
اتبقى ف المستشفى مع دارين ادم وميريام وكريم ولين ويوسف و ديجا ومراد و لميس اللي واقفة بتتأمل ف التؤام .
ادم بص لميريام : ميريام انا هروح اسجل التؤام خلي بالك من دارين لحد ما ارجع .
ميريام : حاضر متقلقش يا ادم انا جنبها هنا .
ادم هز راسه ؛
كريم : استنى يا ادم جاي معاك .
ومشى ادم وكريم يسجلوا التؤام ؛
يوسف : انا هنزل انا ومراد نجيبلكم اكل انتو بقالكم كتير ماكلتوش حاجة .
لين : طيب وانا هنزل اجيب كوفي من الكافيتريا تحت وهاخد لميس معايا .
و لين اخدت لميس ونزلت الكافيتيريا ومراد ويوسف راحوا يجيبوا اكل .
شوية ودارين بدات تنام ديجا خلت الانوار خافتة عشان دارين وقعدت هي وميريام يلكوا شوية والباب خبط والممرضة دخلت ؛
الممرضة : معلش ياجماعة عايزين حد فيكم يجي يوقع ع شوية اوراق ف المستشفى .
ميريام بصتلها : حاضر انا جاية .
وقامت ميريام راحت مع الممرضة وسابت ديجا مع دارين اللي كانت نايمة .
شوية وفون ديجا رن كانت ميريام ؛
ديجا : ايوه ياميرا ؟
ميريام : ديجا نسيت بطاقتي معلش ممكن تجيبهالي .
ديجا : حاضر انا جاية اهوه .
وقامت ديجا اخدت البطاقة من شنطة ميريام وبصت لدارين لقيتها نايمة والتؤام نايم فخرجت و راحت لميريام شوية ادم و كريم رجعوا والاوضة كانت ازاز شبه شفاف ادم اخد باله ان في حد واقف جنب التؤام وشايل بيبي من التؤام و الاوضة خافتة ادم حس بقلق ميعرفش ايه سببه و دخل الاوضة و وراه كريم واتفاجئ ادم بواحدة شكلها مبهدل خالص و الواضح انها مش في كامل وعيها وانها مش طبيعية و شايلة البنوتة و لفت بصيتله وهي مبتسمة ابتسامة مرعبة ..
نهاية الفصل السادس والعشرون .
YOU ARE READING
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
