احببتك يا سبب معاناتي *بقلم/مها أحمد

تكمله*

اسفه ع التأخير 😇 مين بيشتم هناك🧐 ع العموم الله يسمحك، وبعدين لو كنتو بتسألوا كنتو عرفتم اني مريضه بس عادي اصلا الاهتمام مبيطلبش 🥺😂😂 حالياً ممكن تكونو بتقولو مالها دي؟! شكلها اخدت علينا صح😉😂😂 وفيها ايه لما تجبرو بخاطري وتقولو الف سلامه ها......هقولكم الله يسلمكم من كل سوء عادي😂😂، إلا الشبشب عيب....عيب دا انا حتي زي اختكم، خلاص... خلاص هبدأ اهو أنا عارفه عاوزين تعرفوا ايه المفاجأة صح😉، بس ياريت تقولو رأيكم فيها عشان منزعلش من بعض بعدين 😇😇.
يلا تبدأ بسم الله 🥰🥰 وما يحلى الكلام إلا بذكر الحبيب المصطفى صلى الله عليه وسلم ❤️❤️
اكششششششن..........
*********************
قلبي لا يقع خلفَ أضلُعِي..
قلبي يقع خلفَ جُمجُمَتي..!

فأحبني بذكائي.. وأقنعني..
ف أنا لا تستدرجني الكلمات..
إنما تستدرجني المواقف..!

أمام باب الغرفه التي جهزها حمزه لندي لتقضي فيها تلك الأشهر التي سوف تمكث فيها في فيلا حمزه.......

ندي بعد أن توقف حمزه أمام الغرفه: يلا هوينا...!!
حمزه بتعجب: الي هو ازاي....؟!
ندي: يعني يلا اتفضل من غير مطرود..، مش دي هتكون اوضتي....؟!
حمزه: اه اوضتك، بس امشي ليه...؟!
ندي بقلة صبر: يابني انت مُتخلف....!! يعني ايه امشي ليه....؟! أنا قولتلك اني هقعد في اوضه لوحدي واهو انت عملت اللي عليك و وصلتني اتفضل بقا.
حمزه مع نفسه: اومال لما تعرفي اللي انتي داخله عليه هتعملي ايه؟!
حمزه بمرح على غير عادته: هو أنا مش قولتلك.....؟!
ندي بتعجب: لأ!!!
حمزه: والنبي ما قولتلك...؟!
ندي بتعجب اكبر: لا وربنا ما قولتلي.
حمزه: يقطعني هههههههه...
ندي بتعجب شديد: حمزه مالك انت بخير!!! ومالك قلبت على سلطان ف العيال كبرت كدا....؟! أنا مش مستريحالك من وقت ما بقيت تهزر، يا تري ناوي على ايه يا هريدي هههههه..!!
حمزه بمكر: كل خير..... كل خير، اتفضلي لما افرجك على اوضتك.
ندي بهمس: واللهي أنا مش مطمنه، بس خليك ورا الكداب...ههههه
حمزه: بتقولي حاجه...؟!
ندي بتوتر: ها...؟! لأ اتفضل.

دخل حمزه الغرفه وندي خلفه وكانت هنا المفاجأة..... فقد كانت الغرفه عباره عن غرفتين متصلتين ببعضهما وهناك جدار فاصل بينهما وباب مُنفذ للغرفه الثانية التي ستكون مِلك لندى أما الغرفه الأخري فهي بدون مقدمات مِلك لحمزه ولكل غرفه حمام خاص؛ اي أنها تعد غرفتين داخل غرفه واحده ولكن المشكله أنه لا يوجد لها سوى باب واحد للخروج وهذا الباب في الجزء الخاص بحمزه، وفي هذه الحاله سيتوجب على ندي المرور على غرفة حمزه حتي تتمكن من الخروج، اي وكأنها تأخذ أذنه للخروج أو الأصح تكون هي بذلك تحت مراقبة من حمزه طوال الوقت.
حمزه بخبث: ها..... ايه رأيك ف اوضتك؟!
كانت ندي في حالة صدمه و ذهول وغير مدركه لما فعله ذلك النمر هل تلك هي المفاجأة التي أخبرها عنها عندما كانو ف الاسماعيليه.....؟!!
حمزه: الظاهر أن العيار كان تقيل عليكي حبتين ولا ايه؟!..... ندي... نددددددي!!
ندي: ها..... مين بينادي؟!
حمزه: هو ايه اللي مين بينادي؟!! بقول ايه رأيك في الأوضه....؟!!
ندي بغضب وصوت عالى نسبياً: هو أنا كنت مستنيه منك ايه غير كدا هااا..؟! بجد طلع اسم النمر دا مش من فراغ، قولت ليكي اوضه لوحدك وفعلاً صدقت لكن انك تكمل الخير للآخر .... دي حاجه مستحيله، بقا عندي اوضه لوحدي وف نفس الوقت مش لوحدي لأنك ضميت ليها اوضه تانيه عشان تراقبني كويس و بكدا تكون اد كلمتك فعلاً وضربت عصفورين بحجر واحد نفذت كلامك وأنا طول الوقت تحت عينك؛ وحتي لو كان في فاصل بيني وبينك اللي هو الباب و الحيط ده، بس هتفضل الغرفه مشتركه و عمري مهكون
على راحتي أو واخده حُريتي، دا غير اني لازم اخد اذن من حضرتك عشان اخرج....دا كله ليه ها..!! مفكر أنك بكدا هتمنعني من الهروب واني هكون تحت عينك طول الوقت...؟!
كل ده ملوش اي لازمه لأن الاوضه دي ف الدور التاني(( بالمناسبه الطابق التاني من الفيلا عباره الاوضه المشتركه بين حمزه وندي، و الاوضه الأساسية بتاعة ملاك وحمزه، و اوضه ميار واوضه للضيوف و اوضة مكتب حمزه أما الطابق الارضي عباره عن غُرف الخدم(٢) ومطبخ وغرفة والدي حمزه وميار و اوضه زياده للضيوف وكل غرفه منهم مزوده بحمام خاص))...وحتي لو ممكن أخرج من الشباك ف دا مستحيل لأن الاوضه ارتفاعها عن الأرض مش قليل، ولو فرضنا اني عرفت انط و اهرب من الشباك في كلاب تحت، دا غير الحراسه اللي ع الباب وكاميرات المراقبه اللي شوفتها بره؛ ده كله مش خطر على بالك....؟!ثم أكملت بحزن و آسى...
خلينا نفرض مثلاً اني عرفت أتجاوز ده كله و هربت من البيت؛ هروح فين بعد كدا....؟!!! اهلي و كرَهَتُهُم فيا مع أن كل حاجه بعملها عشانهم، هروح فين هااا....؟!
أنا دلوقتي اتأكدت انك اناني ومش بتفكر غير ف نفسك....دا كله عشان مراتك اللي هي كل حياتك صح....؟! ولا نقول نفسك زي ما انت بتقول؛ ف انت لازم تنقذ نفسك عشان تعرف تعيش حتى لو كان دا على حساب حياتي أنا، دا كله على حساب حُريتي وكرامتي انا، كرامتي هأ ه‍أ تقريباً الكلمه دي مش موجوده عندي، واحده قبلت على نفسها الذل والخضوع مينفعش تتكلم عن الكرامه، قبلت أنها تخسر أهلها عشان واحد بيفكر ازاي يخليها تتبرع بقلبها أو خلينا نقول تضحي بحياتها عشان تنقذ حياته هو؛ مع اني وافقت وطلبت اني اكمل ايامي الباقيه وسط اهلي وصحابي وكل اللي بيحبوني و احبهم، بس ازاي..!! حتي دي استكترتها عليا، دا مش جديد على واحد حط مكان قلبه حجر، شخص معدوم الإحساس.......