___________/
#عشقت_طبيبة_عسكرية
#الحلقة ١٤ _ Bölüm 14
من صدمتو قعد فلرض .. و دمعتو على خدو .. رافد تيليفونو بيدو لي ترعش .. أونفان بدنو كامل راهو يرعش .. عاود لفيديو زوج خطرات .. مع شافهم قراب لبعض ماتحملش .. و خبط تيليفون مع لحيط .. جابو طراف طراف .. بدا يدور رايح جاي فلاشومبغ .. آبخي دور لشكارة تاع لابوكس .. بدا يضرب و يضرب .. ما بردش زعافو .. ولا قلب كامل وش داير بيه .. حبس مدة .. يلهث .. وجهو حمر راح يتفلق .. عيط عيطة كان جا واحد معاه فدار .. راه طراش .. هذا شي كامل و ما بردش .. ضرب يدو مع لحيط .. شوية و ولا يتبسم .. تبسيمة ماتعبرش بكل على لخير
__________________
إكتفيت جُروحًا و عذابًا و ألمًا في (قلبي) فقرّرت الحياة بدونك . 🙌
__________________
جا وقت لي يلبسو لخواتم .. الكل كان داير بيهم .. ضحك و تمسخير داير حالة .. كانوا إلياس و إلين واقفين بحدا دفنة .. مين داك يخزرو في بعضاهم و مش فايقين بناس لي دايرين بيهم .. و بلكاميرامان لي حكم صورتهم هكاك و شحال من فوطو تبينهم كوبل حب ماش زوج عاديين .. لمهم جا لعم إسماعيل لبسلهم خواتمهم .. بعدها جات لاطارت .. قصوها تحت تصفيق و عياط لجمهور 😂 .. وكلو لعرسان لبعضاهم و شربو جي .. زادو صرفقو لحضور
في هذي اللحظة .. كان واحد من ورا إلين يخزر فيها بنظرات شهوانية .. و بدا يقرب منها .. لاحظو إلياس .. جبد إلين شوية لقدام و رجع هو وراها .. و خزر في هذاك لبنادم خزرة تع موت .. ولا حكم بلاصتو .. فهمت إلين لحكاية .. و عجبها لحال منعرف و علاه .. بصح بينت كي شغل مافهمتش وش كاين
إلين : غير لخير !
إلياس : ههههه ما كان والو
إلين : 🙂
إلياس : إن شاء الله لعقوبة ليك
إلين : ههههه و نتا تاني
هنا لحقت عليهم دفنة .. كان راح يهدر إلياس .. كان ما حس بحاجة تجبد فيه .. و هي أصلا شافتهم ديجا شحال من خطرة .. مرة هذي شدتهم .. هو و صاحبتها .. مدتلهم صحن فيه موغصو تع قاطو .. و زوج فراشط .. حبتهم يوكلو لبعضاهم .. خزرت فيها إلين تتوعدها بلجحيم 😂 .. و إلياس شد ضحكتو بسيف بسك عاجبو لحال .. دارت دفنة للجماعة .. تحوس على لومبيونص و هذا وش صرا .. حطلها إلياس طرف كبير في فمها .. و ضحك عليها .. جات دالت إلين باش تخلف تارها .. هزت طرف .. جات توكلو هو فتح فمو .. عاودت رجعت يدها .. خلات فمو معلق .. لكل ولاو يضحكو على تمهبيلهم .. شافت فيه و طلعت حاجبها علامة تع الإنتصار .. جات توكلو تاني عاودتهالو
إلياس : هههه يهديك ربي دوكا والله مانزيد نعاود
إلين : هههههه هكا نتفاهمو
في المرة الثالثة كملت لجاست .. لكل ولاو يصفقو .. غمزتلها دفنة تع منبعد و تحكيلي كلش .. و إلين تحركلها فراصها تع ماكاين والو
YOU ARE READING
♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡
Actionرواية جزائرية 🇩🇿🇩🇿🇩🇿 تحكي على أقوى إنتقام عمرك ولا قريت(ي) لي كيفو حرب الحب ☠👻 __________________________________________.......%🔫❗ و لأنني أحبّ الأشياء الراقية ، التي يصعب وصول الآخرين إليها ، أحببتك أنت ❤ Ve güzel şeyleri sevdiğim için , ...
