♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡

✔ |*الحلقة ١١ _ Bölüm 11*|

__________/

#عشقت_طبيبة_عسكرية
#الحلقة ١١ _ Bölüm 11

كانت إلين خارجة من عند دفنة .. لكن قبل ما تفتح الباب حبستها

دفنة : اصبري اصبري
إلين : وي
دفنة : الأمر المهم ما هدرتهولكش 🤦‍♀️ يا خي حالة
إلين : ههههه احكي
دفنة : عنبالك يا صاحبتي لعزيزة ليلة لخطبة تاعي !
إلين : آه !
دفنة : لي سمعتيه هههههه موش لوقت لمناسب لصدماتك و يسموك تحضري ليلة راهي في دارنا
إلين (قفزت حظنتها) : هههههه مبروك عليك يا كلبة ما تخافيش أنا أول وحدة تجي تاكل لاطارت إييي والله عمي إسماعيل الجنرال لكبير و لمسؤول على أقوى عملاء الجزائر منعرف كيفاه هداه ربي و قبل ياك قال أنا بنتي ما يديهاش واحد من دومان تع سلاح و المخابرات و الجيش و روح عليها بصح كيفاه حتى قبل ؟ صح والله غير سيريو كيفاه !
دفنة : يبارك فيك ههههه ديما ينتصر الحب هيهيهي و زيد ما عندي وين راح نلقط عريس الغفلة تاعي هههه من آبار دومان تاعنا و بالنسبة لسؤالك أنا تاني ما عنباليش و كي تعرفي بابا ملك المفاجآت و الأمور غير المتوقعة صباح جا يقولي ليلة خطبتك و من ياسين حبيب قلبي تعرفي صبحت نبكي من فرحة حمدلله و تعجبك كامل عنبالهم و وجدو رواحهم غير أنا كي لطرش فزفة
إلين : هههههه صدقتي في هاذي هههههه أوووهو فيلم هندو ليسونسيال أنا يسموني ندير رايي بشطيح و خلاص 😂 شحال ما بردتش خاطري
دفنة : ههههه و ما يهديكش ربي نتي و تحبيلنا واحد
إلين : نن قبل ما ننتقم لموت خويا منقدرش نحب و زيد ياك تعرفي شخصيتي هه
دفنة : ربي يرحمو .. على سيجي هذا راه جاي عندي واحد اسمو إلياس راه عميل كيفنا و يجيبلي أخبار على دوغان لكلب

على الإسم لي سمعاتو إلين تبدلو ملامح وجهها .. كبست على يديها قد ما تقدر .. كون ما كالماتهاش دفنة .. راهي قلبت كامل وش كاين

إلين : قوليلي شكون هذا إلياس !
دفنة : هو يكون إبن دوغان بصح راهو يخدم لصالحنا مش لصالح بوه
إلين : كيفاه كيفاه ؟ و وين عنبالكم بلي ما يخدمش لصالح بوه و يخدع فينا ! و هذا وين تقولولي ياك عنبالكم هذا سيجي متعلق بيا و غير أنا وحدي (خبطت الطابلة بيدها)
دفنة : مالكي كالمي روحك شويا
إلين : نتلاقا ليلة بعمي إسماعيل و نتفاهمو عليها
دفنة : بيناتكم هذي
إلين : لمهم نولي لخدمتي منبعد إنشاءالله و بلباراكة عليكم و ربي يكملكم ختيتو
دفنة : يعيشك لعقوبة ليك و ربي معاك

خرجت و ما بين هي تمشي .. راجعة لبيروها .. كان مخها يخدم .. أفكار تروح و أفكار تجي .. ممركزاش كامل فطريقها .. لدرجة أنها ما حستش كي خبطت في بنادم .. و لي هو إلياس .. إلياس كان ماشي بكل وهرتو .. مشية تعبر على قوة شخصيتو .. صح حس بلي تخبط فعبد طلب سماح بلا ما يشوف شكون .. و كمل مشيتو بزربة .. آلوغ ماشافوش بعض و كمل كل واحد فطريقو

دخلت إلين لبيروها شافت شاهين مريح .. زادت قعدت هيا فبيروها

شاهين : على السلامة يا طبيبتنا
إلين : الله يسلمك شاهين الدركي لمغوار تاعنا 😂😂
شاهين : هههههههه ههههههه ما رانيش دركي وين تشوفي فيا دركي راني رائد قدامك
إلين (في داخلها) : هههه كون تعرف شكون لي قدامك مالا بفف إلين لازم ما تبينيلوش غضبك
إلين : ههههه
شاهين : ياك صافا !
إلين : حمدلله و نتا ؟
شاهين : حمدلله
إلين : أهاه واش من رياح جابتك هههه
شاهين : آآآ نبدل لفاصمة برك
إلين : هههه مالك مخلوع فهدرتك
شاهين : ههههه زيد نجي وقت ما نحب ما تسالينيش
إلين : ههههه سكت سكت