___________/
#عشقت_طبيبة_عسكرية
#الحلقة ٢٣ _ Bölüm 23
و قلع لسوق .. بعدما فات على البنك جبد وشيستحق من مصروف .. قضى وش يحتاجو حتى تعبات كامل طوموبيل .. منبعد شد طريق الدار
________________
وصل علي للحي لي كبر و ترعرع فيه .. نزل يكمل يمشي على رجليه .. و يشوف مع جنابو من و من .. مزال كل شي كيما راه .. الأساس هو هو .. حاجة ما تغيرت .. تبسم بهدوء .. كي فات على وحد طريق .. كانوا ديما يلعبوا فيها بالون هو و خوه و ولاد لحومة .. كمل مشيتو .. حتى وصل قدام باب دارهم .. خرج يديه من جياب سروالو .. بعد ما سمع صوت يعيط عليه .. تلفت و هو مش مصدق
........ : علي ولدي !
علي : لعم محسن لغالي
محسن : راك طولت لغيبة علينا
علي : الله لا يغيبك و يطول فعمرك إن شاء الله
راح علي سلملو على يدو و راسو .. جارهم لي كان ديما واقف معاهم في محنتهم .. و صديق عزيز لباباه .. راه مزال عايش .. و الله يبارك واقف على رجليه .. بالرغم من كبر سنّو
محسن : تفضل أدخل دار دارك بني موش حتى نقولهالك هذي
علي : ههههههه راني عارف عمي
في هاذ دقيقة كانت لميس جاية و يديها معبيين بساشيات .. مزالها توجد لعرسها لي مابقالوش بزاف .. و ماحبتش تحكي لشاهين .. ولا توجعلو راسو كتر .. بسك حاسة بيه ديما ولا مهموم .. صح هو نساها بصح هي ماتلوموش .. أصلا من صغرها تحل مشاكلها وحدها كي مايكونش معاها .. هكا خير باه ماتوليش عبئ عليه .. وصلت قدام باب دار كانت راح تحل لباب .. كان ماسمعتش صوت لعم محسن و هو يضحك .. دورت شافت جهة دارو كان واقف مع راجل يبان حطة و كلاس .. بقات ثبت فيه و حاسة بشعور غريب .. رجعت عينيها للعم محسن .. شحال تحب تشوفو يضحك .. مالغري وجيعتو إلا أنو ديما يضحك معاهم .. مرتو لي يعشق فيها ماتت بكونسار قبل ما يموت عشيرو عبد الله لي هو جد شاهين و لميس و أب علي و جد بدرو (هكا باه تفهموها مليح 😂)
لميس : يا ريتنا نكونو كامل بقوتك
قص تفكيرها كي وقف علي و بقى يشوف معاها .. حتى تكاكات منو .. شاف محسن وين يشوف علي لقاها لميس ولا عيط عليها
محسن : لميس بنتي
لميس : كي راك عمو صافا !
محسن : حمدلله .. أرواحي سلمي على عمك
ولا علي شرق في ريقو .. بقى يضرب محسن على ظهرو حتى ردلو نقس و عطاه كاس ماء .. طلب من لميس تفري أمورها و تجي .. و هذا وش دارت مالغري نظرات تاعها مافارقوهش .. منعرف و علاه حاسة بالإحساس هذا لي مش نورمال .. دخلت حطت صاشيات .. و هزت كيسان آتاي حطت معاهم عفايس ياكلوهم معاه .. رفدت سينية و خرجت
YOU ARE READING
♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡
Actionرواية جزائرية 🇩🇿🇩🇿🇩🇿 تحكي على أقوى إنتقام عمرك ولا قريت(ي) لي كيفو حرب الحب ☠👻 __________________________________________.......%🔫❗ و لأنني أحبّ الأشياء الراقية ، التي يصعب وصول الآخرين إليها ، أحببتك أنت ❤ Ve güzel şeyleri sevdiğim için , ...
