جمعة مباركة ♥️
ليته لم يولد. البارت الخامس والثلاثون
عنوان الحلقة ( كل شيء تغير فجاءة )
دانية رسول
سبب التاخير ..
(جان عندي ظرف طارئ وحاولت اكتب البارت والحك انزله بس مصارلي مجال ابد لذلك هسة زودت عليه الف كلمة صار 3000 ونزلته الكم هسة ♥️)
اصيل :- اني اسفة علي بس هذا الشي ابدا مو ببالي وسبق ان كلت لسلمى نفس الشي اني اعتذر مرة ثانية بس لا
مسح على وجهه وكال
علي :- زين ليش شنو السبب بالضبط
ترددت بالجواب مداعرف شلون اكله وارفضه ماكدر انطيها اله بصريح العبارة وكبل لا وخصوصا انه سالني ليش
اصيل :- ماكو سبب علي ماكو اني ممفكره بالزواج حاليا اني حاولت اني اوصل عن طريق سلمى بس ..
قاطعني واشر بعلامة الستوب بايده (🤚🏻) كال ببرود وكان شخصيته كلها تغيرت بلحظة وحدة ماعرف شنو الي صار
علي :- هاهيه تمام اني على الاقل اجيت من البداية وجنت صريح وياج وانتهى بعد هي مو جبر مع السلامة اصيل
كمل مشيه واني انداريت لغرفة مراد بس بالبداية اخذت اوراق من الغرفة بحجة اني داوديها اله
دخلت للمكتب خليتهم على الميز ومن داطلع رجعت انداريت
اصيل :- دكتور انت شوكت رح تسافر !
مراد:- ما بقى شي حليت كلشي تدرين الواسطة بالعراق تمشيلج كلشي وبسهولة هم
اصيل :-اي صحيح كلامك
دنگت ورجعت سالت
اصيل :- زين دكتور انت ليش تريد تسافر ؟!
دكتور مراد :- هناك احسن بهواي
اصيل :- بس ليش تترك وظيفتك وبلدك وهواي اشياء هنا
دكتور مراد :- الحياة مو بس هيج اهلي كلهم هناك والمهم هسة اني اريد استقر بحياتي هناك ويجوز لا يعني ممكن باي لحظة ارجع
هزيت راسي وطلعت من الغرفة بلكي هيج فجاءة يغير راييه بس للاسف تاتي الرياح بما لا تشتهي السفن
سافر مراد وبسرعة هم الظاهر الواسطة الي عنده قوية والا شلون هيج كلشي خلص احنا المعاملة اذا نريد نسويها نبقى شهر عاد هو ماعده شغلة الوظيفة مالته ومناك الفيزا وهو حالته المادية زينة
من سافر اني قررت انسى كلشي لان بعد مابيه فائدة السالفة ولا بيها اي امل وبالنهاية العقل الي
يحكمنا والمنطق والي يمشي ورى عقله ما يخيب بس الي يمشي ورى قلبه اي يخيب مرة وثنين وثلاثة واكثر هم
أنت تقرأ
ليته لم يولد
Non-Fictionحكاية حقيقية ( باللهجة العراقية ) تبدا من السبعينات الى يومنا الحالي عّن الحياة وكيف تدور ومن يكّون في الاعلى سياتي يوم ويكون في الاسفل تتحدث القصة عّن امراتان ترويان قصة حياتهم في زمنين مختلفين ( الجزء الاول) بين خدع وحيل بين نكران الجميل وعقوق...
