مساء الخير
ليته لم يولد. البارت الرابع والثلاثون
بقلم / دانية رسول
عنوان الحلقة ( خذلان )
وكفت مصدومة من كلشي مدافتهم الي ديصير
تقدم مراد وهو حاط ايده على الطاولة يدق عليها بخفة كال هو يكح
بعدها كمل جملته
مراد :- صباح الخير اصيل. تتذكرين دكتورة رواء ؟!
صفنت ببلاهة واني صافنة عليها عبالك داحفظ وجهه حتى اعتقد انها حست عليها حركت شعرها بايدها ودارت وجهه بلا اهتمام
وبعدها حسيت نفسي كلت
- اي دكتور . اتذكرها. كلت الجملة الاخيرة واني اركز على شعرها القصير جوزي ومائل الشقار حدة عيونها كانها مرسومة بقلم تنورتها السودة بارزة بياض رجلها من توكف الكعب الي لابسته يبين قوامها الرفيع الحزام الاسود الجلد رفيع مبين خصرها كلمة حلوة قليلة عليها من صدك تشبه التركيات
لابسة اسوارة ذهب بيها مثل العين وقلادة يمكن هم ذهب بيها اسمها رواء
تقدمت اليه ومدت ايدها تصافحني وكالت بصوت دلع
- شلونج اصيل
مديت الها ايدي
ـ الحمدلله زينة
قدمت الاوراق الها كلي حطيها على الميز وهو يحجي وياها بصوت مسموع بس اني ممركزة وياهم
بداخلي هواي اسئلة شجابها هي مو سوت نقل
ليش هسة رجعت ليش خربت فرحتي بكلشي معقولة رجع الها اي ليش لا
هي حلوة ومناقصها شي
جنت امشي واحجي ويه روحي عود ليش هسة يلا رجعت هي شنو الي صار رح يصيرلهم سنة منفصلين خاف بس هيج جايه
دخلت للغرفة جانت سلمى كاعدة وبصفها علي
سلمى :- شكو شبيج ؟!
ردت احجي شفت علي موجود
اصيل :- ماكو شي هيج
علي كام وحمحم ( جلى صوته او سعل بخفة )
علي :- من رخصتكم اني رايح
هزيت راسي وهو طلع رحت كعدت يم سلمى
حجيت بهمس واني اراقب اركان الغرفة خاف لا احد يسمعنا بالغلط واحنا ما مهتمين
- شفت خطيبته القديمة يمه بالمكتب
سلمى :- منو منهم رواء ؟!
اصيل :- اي عاد كم وحدة عنده قابل
سلمى :- ٣
اصيل :- صدكك شدعوة ثلاثة مرة وحدة
سلمى :- وحدة قبل لا يتعين هنا ووحدة من اجى بالبداية هنا والاخيرة هي دكتورة رواء المغرورة
اصيل :- المهم هي رواء ماعرف شرجعها ادري شنو من لبس شنو من حسن شنو من جمال وجسم تخبل والله. هسة النوب هاي شرجعها
أنت تقرأ
ليته لم يولد
Non-Fictionحكاية حقيقية ( باللهجة العراقية ) تبدا من السبعينات الى يومنا الحالي عّن الحياة وكيف تدور ومن يكّون في الاعلى سياتي يوم ويكون في الاسفل تتحدث القصة عّن امراتان ترويان قصة حياتهم في زمنين مختلفين ( الجزء الاول) بين خدع وحيل بين نكران الجميل وعقوق...
