"Baek hyungကို မဆူပါနဲ့.... Krisဆီကို ကျွန်တော် ဖုန်းမဆက်ခိုင်းလိုက်တာ...."
ပေတေတေ ဂျစ်တစ်တစ်ပုံစံနဲ့ ပြောလာပေမယ့် အသံလေးကအနည်းငယ်တုန်နေသည်ကို Kris သတိထားမိလိုက်သည်....
ဒါကြောင့် Kris ဒေါသထွက်နေသော စိတ်တို့ကို အသာလျော့ချပြီး...
"ဟုတ်ပြီ ဘာကြောင့် မဆက်ခိုင်းရတာလဲ...."
"ကျွန်တော် Krisနဲ့ ကုန်တိုက်ထဲ အတူလည်ချင်လို့..."
"လည်ချင်တယ်ဆိုလည်း သေချာပြောလေ... hyungအားတဲ့နေ့ အတူသွားပေးမှာပေါ့.... ခုတော့ပြဿနာပါရှာလိုက်သေးတယ်... ဆိုင်ရှင်နဲ့ရော ဘာဖြစ်ကြတာလဲ...."
"ဘာမှမဟုတ်တော့ပါဘူး... သူကျေနပ်အောင်လည်း လျော်ကြေးလည်း ပေးပြီးပြီ... Krisအလုပ်တွေရှိနေတယ်ဆိုလည်း ပြန်လိုက်တော့လေ... ကျွန်တော်လည်း အိမ်ပဲပြန်တော့မယ်... အလုပ်ရှုပ်မိစေတဲ့အတွက် ကျွန်တော် တောင်းပန်ပါတယ် Kris..."
ပြဿနာဖြစ်တဲ့အကြောင်း မေးလိုက်တော့ သိသိသာသာညှိုးကျသွားတဲ့မျက်နှာရယ် ဝမ်းနည်းပုံပေါ်နေတဲ့ မျက်ဝန်းတွေရယ်က သေချာပေါက်ကို ကလေးငယ်နဲ့ ဆိုင်ရှင်တစ်ခုခု ဖြစ်လာပုံပင်....
တခြားသူတွေရဲ့ မျက်နှာအရိပ်အကဲကိုသာ အကဲမခတ်တက်ရင်နေမယ် ကလေးငယ်က ငယ်စဥ်ထဲက Krisလက်ထဲကြီးပြင်းလာသူမို့ ကလေးငယ်ရဲ့အပြုမူသေးသေးလေးကအစ ဘာဖြစ်နေလဲ Krisအကုန်သိသည်...
"နေဦး...."
Krisကို နှုတ်ဆက်ပြီး ထွက်သွားသော ကလေးငယ်ရော ကလေးငယ် အနောက်က Baekhyunရောက Krisအသံကြောင့် ရပ်သွားကြသည်...
"နေ့လည်စာရော စားပြီးပြီလား...."
"ဟင့်အင်း မစားရသေးဘူး... စားချင်စိတ်လည်း မရှိတော့ မစားတော့ဘူး..."
Krisရဲ့ မေးခွန်းကို ကျောခိုင်းလျက်သားနဲ့ပဲ ပြန်ဖြေလာသည်...
"မစားလို့ဘယ်ဖြစ်မလဲ... အဲ့လိုနေရင်းက ရောဂါရနေဦးမယ်..."
"ရောဂါရလည်း မြန်မြန်သေအေးရောပေါ့... ထိန်းမရသိမ်းမရ ဆိုးသွမ်းနေပြီး ဆိုဆုံးမမဲ့မိဘကမရှိ ရှိတဲ့အစ်ကိုကလည်း တစ်နေ့တစ်နေ့ သူ့ပြဿနာတွေပဲ လိုက်ရှင်းပေးနေရတဲ့ ပြဿနာကောင်,မရှိမှပဲ Krisလည်း အေးဆေးနေရမှာမလား.... အဲ့တော့ ကျွန်တော့်ကို ဂရုမစိုက်စမ်းပါနဲ့ ဒီအတိုင်းသာလွှတ်ထားလိုက်ပါ..."
Ep 5
Bắt đầu từ đầu