#خيوط ام حبال
البارت الخامس و الثلاثون
ل ورد العامري
لااعرف الم من يحمل
ذنب من يغفر
قلوب من يجب ان تغسل من الخطايا
حلا: تقرب صار كبالي واكف ايباوع بوجهي
خالد: لا ادورين ورد بكاع بور
خلص موسم زخ المطر بروحي
بعد ماضل ثمر عندي وانطيه
جفت كاعي وانقطع ميها
ضلت ارض صخر بور
لاتنفلح ولاتنزرع
لاتحاولين بيها
لمنجل ليدخل بكاعي
ينكسر وتموت حديته
داخلي اضلم مثل ضلام هل ليل
لابي كمر ولا بي نجمه
بي نار تحرك لاتوصلين لناري ابد
لاتحاولين تغيرين مساري
طريقي رسمته و حددت نهايته
الي يوكف بدربي
راح اتركه رماد
حلا: اول مره هيج اركز بنضر لعيونه وهوه مايندار ولايدنج مركز بوجهي
يحجي عيونه بيهن شعله غضب اذا طارت منها جمره صغيره ممكن تشعل حرائق محد يكدر ايطفيها
عافني وده يدخل
خالد
وكف من غير مايندار عليه
رحت صرت كباله
الطريق الي رسمته غلط لخاطر امك عوف الي ابالك
باوع عليه معرفت افسر نضرته وعافني ونزل
ضليت اباوع عليه ضهره عليه دخل ونزل
دموعي تنزل ع خدي وجع بكلبي صار فوك الوجع الي بيه انداريت اباوع ع شارع
حطيت ايدي ع صدري وشهكت النفس
وبجيت بكل حركه بداخلي
كعدت بالكاع جنت ابجي بصوت
اريد اخلص من هل الالم الي مده يقل
بالعكس ايزيد كل يوم اكثر
اضغط باايدي ع صدري وابجي
فات وقت واني. اريد اجر نفس مااكدر
حسيت ايد انحطت ع جتفي جفلت
رفعت راسي
خالد: نزلي لاتبقين وحدج بالسطح
حلا: ماجنت كادره حته احجي مد ايده بااتجاهي لزمت ايده وكمت
خالد: نزلي يم بناتج مايصير تعوفيهن وحيدهن
أنت تقرأ
خيوط ام حبال
General Fictionلاتوقع لحياتنا ولاادوار ثابته فقد يتغير كل شي قد يصبح الاخ غريبا ويصبح الحبيب بعيدا ويصبح ما لم تتوقعه قريبا واهل لك حياتنا هي تقرر مصيرنا فماذا مصيري انا
