#خيوط ام حبال
البارت التاسع و العشرون
ل ورد العامري
الهم اصبح كبيرا على عاتقي
لم اعد اتحمل….
في كل مره احاول بها النهوض اتعثر
بحجر اكبر وكأن هذا العالم تحالف على دماري… ..
وكأني انا الوحيده كتب لها ان تعيش
في ظل كل هذا الالم لم اعد احتمل
التفت الحبال حول رقبتي
هل من منقذ يأخذ بيدي ويقودني نحو السلام
ام انها ستضيق علي هذه الحبال
وتقتلني احترت بها انها خيوط مبعثره
ام حبال سأمسك بها….. (الخاطره للمبدعه شهد البياتي)
ام مازن : مازن طلك مرته تعرفون ماصار عدها اطفال وانفصلو
ام اسماعيل: انتي شتقصدين
ام مازن: بصراحه اريد اخطب حلا لمازن
ام اسماعيل: لالا خيه شتحجين انتي
ام مازن: والله خيه الي سمعتيه ولاتزعلين مني المات الله يرحمه مايرجع وهيه بعدها بت ال18شراح تكضي حياتها وحيدها مايصير
وبعتبار احنه اهل وهم بنياتنه ايضلن بنصنه
حلا: عمه اني ممفكره ازوج اريد اربي بناتي وبس
اني احجي وياها وانتبهت ام اسماعيل تحرك حواجبها ل ام مازن وام مازن تعض شفتها انتبهت عيونهن ع خالد
خالد جان كاعد وياكل ولاكأن احد ده يحجي بيده لخاشوكه
وياكل ومندمج ويه الاكل اصلا
ام مازن: حلا يمه منو الج تضلين من غير والي حته بناتج باجر يزوجن انتي منو الج
ام اسماعيل: ام مازن صدك كذب شتحجين انتي
ام مازن: ياام خالد ماحجيت شي غلط ومازن اوليدج
حلا: عمه فدوه سدو هل موضوع اني مامفكره بزواج
ام مازن: عمه هسه يجوز مامفكره باجر عكبه تفكرين ومازن نفس تربيه الولد وبنياتج ايصيرن بنياته وهوه هم يكون فوك راسهن
خالد: لاعمه لبنات طلعوهن خارج هل موضوع
ام مازن: شلون يعني ماافتهمت
خالد: عمه بناتنه يبقن عدنه وعود شوكت ماتريد تشوفهن امهن لبيت مفتوح
حلا: اني ماعوف بناتي ولامفكره بزواج عمه رجاء
ام اسماعيل: لحضه لحضه يعني انتي موافق حلا تتزوج مازن
خالد: اني مايحقلي لااوافق ولاارفض
YOU ARE READING
خيوط ام حبال
General Fictionلاتوقع لحياتنا ولاادوار ثابته فقد يتغير كل شي قد يصبح الاخ غريبا ويصبح الحبيب بعيدا ويصبح ما لم تتوقعه قريبا واهل لك حياتنا هي تقرر مصيرنا فماذا مصيري انا
