#خيوط ام. حبال
البارت الرابع
ل ورد العامري
حلا: ماصدكت يطلع الصبح. تريكو. الولد وطلعو
واني كمت انضف وسهام مرت منتظر كل وحده بينه تكمل شغله
اريد بس امي تروح الهم
ها ماما شوكت ترحين
ام. حلا: وين اروح
حلا: موكلتي ترحين لبيت منال
ام. حلا: يااا ولج ساعه 8 الصبح شعندي ولج صبري شويه شبيج الي مايعرف عرف انج ملكوفه ع ابنهم وكاتله نفسج عليه
حلا: لاماما اني
ام حلا: روحي خلصي شغلج روحي لاتسمعج مرت اخوج روحي
حلا: اووف غير تروح عاد
سهام: شبيج عزه تحجين ويه روحج
حلا: لا مااحجي ويه روحي شنو احجي ويه روحي
سهام: مادري كأني سمعتج حجيتي
حلا: هاا لا ده افكر شبقه عندي شغل
سهام: مابقه شي كملنه اكولج تعالي كوليلي شايفته للولد صديق منتظر انتي
حلا: اي مره اجه سئل ع منتظر وجنت جايه من المدرسه وبالباب شفته
سهام: يعني عجبج شكله
حلا: لاشنو هل حجي اني اصلا مادققت بشكله
سهام: بس منتظر يكول خوش ولد هنيالج شلون قسمه بيتهم ملك وعنده محل حظوظ حظج كاعد
حلا: شبيج سهام
سهام: لايعني قصدي قسمه زينه منتظر البارحه يكولي بس هل ولد الاثنين وكلش خوش اوادم
حلا: واني شعليه هسه بهل حجي
سهام: شنو شعليج. مو خطيبج
حلا: خطيبي شنو لاعيني لا لاخطيبي ولاابد
سهام: شبيج عطتي هيج
حلا: لاماعطت بس اني ممفكره بزواج
سهام: ها ابيش مفكره لعد مفكره تكابلينه وتكعدين والله ياالله صدك لو كالو الله يطي لجوز للماعنده سنون
حلا: هزت ايدها وحجت ودخلت غرفتها ضجت من كالت خطيبج
حاولت التهي ب اي شي ومصدكت امي لبست عباتها
ام حلا: وينجن يمه
حلا: ها ماما
سهام: ها عمه
ام حلا: يمه راح اسير(اروح او ازور) شويه لبيت ام مالك عينجن ع جدر مااتأخر اني
حلا: اي اي يمه روحي اني اني انتبه ع جدوره
طلعت امي وسهام رجعت لغرفتها واني زاد توتري توتر جنت اريدها بس تروح هسه اريدها بس تجي وتكولي شسوت وشكالولها
YOU ARE READING
خيوط ام حبال
General Fictionلاتوقع لحياتنا ولاادوار ثابته فقد يتغير كل شي قد يصبح الاخ غريبا ويصبح الحبيب بعيدا ويصبح ما لم تتوقعه قريبا واهل لك حياتنا هي تقرر مصيرنا فماذا مصيري انا
