#خيوط ام حبال
البارت الرابع و العشرون
ل ورد العامري
زمن: حلا جوي اخوتج امي كالت اكولج هسه يطبون
حلا: استغربت من كالت اخوتج اشرتلها ب ايدي ماافتهمت هزيت راسي شيفهما الي اريده اشرتلها ع صدري بمعنه اخوتي ممصدكه وبعديش جوي
زمن: اني راح اروح اكمل شغلي
حلا: هزيت راسي وطلعت زمن واني رنت بااذني كلمه اخوتي شكد جنت متمنيه اول مايكون ويايه بمصيبتي اخوتي افضفض كل. الي بكلبي الهم واسمع احنه سندج وعندج
هسه يله جيتو وينكم الايام الراحت
متمنيه احجي واحجي بس اوف يالساني الي اربط
يمكن احسن حته لااحجي الحجي وياهم بلافايده
حاستهم غربه حته لهفه الهم ماكو بكلبي
اندكت الباب وانفتحت
ام مازن: ام مسك يمه اخوتج تفضلو
حلا: كمت وكفت كذب مو مابيه لهفه لا بيه لهفه ركض احضنهم واشكي الي صارلي وع صدورهم ابجي
طبو مرتضى ووراه منتظر
مرتضى: السلام عليكم
منتظر: السلام عليكم
حلا: هزيت راسي دموعي صارت تجري وحدها تقدم مرتضى باس راسي
مرتضى: البقيه بحياتج
حلا: وراه منتظر باس راسي
منتظر: البقيه بحياتج الله يرحمه
حلا: ماحسيت عدهم هل لهفه الي احس بيها بداخلي وكفو ببعد عني واحد بصف الثاني شفت بعيونهم غربه حته ماواحد منهم جاي ايواسي لا الي اجوي عزو عزو بطريقه افضل
كعد منتظر ع حافه الجربايه من شفته كعد كعدت بمكاني يم راس الجربايه
ام مازن: تفضلوو
مرتضى: شكرا
حلا: دخلت ام مازن شايله كراسي اخذهن مرتضى وكعد وكام منتظر كعد بصفه ع كرسي الثاني
باوعت عليهم بنضره ماافتهمتها ام مازن وطلعت بس حسيتها عصبيه
مرتضى: يكولون متحجين ليش
حلا: اشرت باايدي مادري
مرتضى: ابد ابد ماتحجين
حلا: هزيت راسي اي
منتظر: اكولج احنه جايين ناخذج العالم اكلت وجوهنه بعد مايصير تبقين. هنا رجلج ومات شعدج بعد يمهم لمي غراضج وتعالي ويانه
مرتضى: اي لازم ترجعين يمنه بعد كومي لمي غراضج احنه مانتحمل حجايه من احد كل يوم. واحد جاينه عايفين اختكم. تعالي ويانه وخلي نخلص
YOU ARE READING
خيوط ام حبال
General Fictionلاتوقع لحياتنا ولاادوار ثابته فقد يتغير كل شي قد يصبح الاخ غريبا ويصبح الحبيب بعيدا ويصبح ما لم تتوقعه قريبا واهل لك حياتنا هي تقرر مصيرنا فماذا مصيري انا
