طلع المقرر و عباس إجة يمنا اني و اسراء ، چان متخصر
خلة اديه على البنج (ميز بالمختبر) رفعت راسيگلي ـ شيريد منچ؟ شعنده جاي عليچ؟
رديت ـ ما ادري ، حتى فخذ عشيرتنا گله لا تدنالها و أبهذلك إذا سمعت متقرب عليها ، بس هو ماجاي يعوفني بحالي و كل جياته حتى يأذيني بكلامه و يقهرني
عوج عباس رگبته و صفن ثواني يلا سألني ـ شنو يعني يقهرچ؟
ابتسم بإستهزاء و رفع ايده و هو يعلي صوته ـ و الله ! كل هذا السواه و بعدچ متعلقة بي ؟!
ضجت وگفت أرد عليه ـ لاااا، الحقير يجي يعيرني بمرض گلبي و يقهرني
استاذ علاء جر عباس من ايده و أخذه من يمي
و هو يگللنا ـ ياخذ عقابه ، ان شاء الله فصل بس اصبرو و الزمو اعصابكماجو اهلي نزلتلهم و طلعنا كلنا وية المقرر للرئاسة
صارلي أربع سنين بالجامعة ؛ بس اشوف الرئاسة من بعيد
أبد ما طابتلهاالمقرر سأل ابو الاستعلامات على غرفة ، فدلاه بيها
التفت المقرر علينا و طلب نگعد يم
ابو الاستعلامات و هو راح للغرفةمجتبى گعد بيني وبين ابوية و همسلي ـ شيسوي هذا هنا؟
قصده على عباس ، چنت عصبية فما خفت و توترت مثل كل مرة و جاوبت اخوية ـ اخته چانت واگفة وياية و لازمة ايدي
رفعت ادية لمجتبى و گتلة ـ الحقير مد ايده فرّق ادينا اني و إسراء و دفع البنية ذيچ الدفعة
عبالك يدفع رجال و فوگاها يگل لعباس «اني لمست ايدها مو ... استغفر اللهرد مجتبى بصوت مسموع ـ لا يا#*#*
جرجرت اردان قميصه و گتله ـ اس اس نصي صوتك خزيتنا
ابوية گام يخابر و اكيد يخابر عمامي
مجتبى رجع يسألني ـ و سكتله عباس لو تعاركوا؟
رديت ـ جعص حلگ ظافر بس استاذ علاء فرقهم
ابتسم مجتبى و رد بأريحية ـ بعد ايدي لو گاصله لسانه
گتله ـ كافي نصي صوتك فضحتنا
خلة مجتبى ايده ورة ظهري و سألني ـ و انتِ خوما تخربطتي ؟
هزيت راسي بـ لا و رديت ـ لا ماعندي شي
گال مجتبى ـ ان شاء الله ، هذا سمع بيچ تحسنتي إجة يخرب عليچ ؛ بس شيخلصه فخذنا متحلفله و عشيرة البت ما يسكتون ، الله شكبره يبنادم
ابتسمت و التفتت على عباس چان ضايج و زام شفايفه من الزعل ، راحت ابتسامتي و دنگت
صرت ابصبص من جوة لجوةدخلونا الغرفة بيها ثنين اشخاص سمعو من عدنا و خلونا نوقع على كلامنا
ربع ساعة و دخل ظافر علينا
مجتبى ابوية لازم ايده حتى مايسويلنا مشكلة
![](https://img.wattpad.com/cover/233380036-288-k714639.jpg)
YOU ARE READING
إلى أين تصل
General Fictionنبذة عن القصة بعد علم (سكينة) بعلاقة تشوبها الخيانة بين اقرب صديقة الها و خطيبها (ظافر) تتعرض لأزمة قلبية ينتج عنها مرض قلبي و فشل الكلى فتزرع كلية جديدة من مجاهد بالحشد الشعبي و يبتدي التغيير بحياة و نفسية سكينة بواسطة دفتر المجاهد