عباس خلة چفه على حلگ ظافر و عصرله حلگه لمن صفه على وحدة من السيارات
استاذ علاء صار بيناتهم و دفع عباس و هو يگله ـ وخر عنه يخوي، هسة اجيب الأمنية يطيحولك حظه
انسحب عباس لورة و هو يستغفر ، صوت استغفاره ماينسمع بس شفايفه تتحرك
إسراء حضنت عضده و هي ترجف فقربها لصدرهمو خوش موقف ، كل الي صار گدام طلابنا و طلاب قسم العربي
البنات خوش لگن سالفة يعلچن بيهاظافر عدل ملابسه و مشة
استاذ علاء سألني ـ تعرفي؟
جاوبته - ابن عمي ، بس ما ادري بجيته و اهلي نبهوه يعوفني بحالي
اتلفت استاذ علاء حواليه ، شاف كثرة الطلاب التتفرج جر حسرة و اشرلنا نجي وياه
فتنا للقسم و صعدنا لمختبره
گعدنا على الستولات و الاستاذ جابلي
ورقة و قلم گلي ـ اكتبي اسمه الكامل و رقمة إذا عندچ و خابري اهلچكتبت اسمه و ايدي ترجف گلبي يدگ سريع و الحرارة تنخر بجسمي ، بس مجرد شعور مو مرض و ألم
اخذ الاستاذ الورقة و سأل عباس ـ عباس تقدم شكوى بالرئاسة؟
هز عباس راسه و خلة اديه ثنيناتهن على وجهه
اني دگيت على مجتبى و خليت الموبايل على اذني
رد مجتبى ـ الو
گتلة بصوت ناصي ـ مجتبى تگدر تجي للكلية؟
عباس نزل اديه عن وجهة و باوع علية صارت عينه بعيني ، عيونه حمر
نسيت مجتبى على الخطسمعته صاح ـ شكو شصاير شبيچ تخربطتي ما تردين
نزيت و رديت على مجتبى ـ لا بس زافر إجة لقسمي و …
زفرت و كملت ـ لازم يجي واحد وياية حتى نرفع شكوى عليه
رد مجتبى بعصبية ـ شسوة ولچ؟
جاوبته ـ تعال انت لو ابوية و افهمك
استاذ علاء گلي و هو يطلع ماي من البراد ـ لازم ابوچ
سمعه مجتبى و رد ـ جاييين
نزلت الموبايل و أشرت لإسراء براسي حتى تجي يمي ، بيني و بينها ستولين
اجتي يمي و لزمت ايدي همستلي ـ بالله اني ليش حچيت، هسة ابو حسن يگلب الدنيا على راسي
گلتلها ـ عباس وياچ لا تخافين ، انتي ما غلطتي گلتيلي تعاي بس هو ابن عمي ما بي حظ، اني هسة ما ادري انقهر لو اعتذر منكم
ردت إسراء ـ لااا انتي شعليچ
صار استاذ علاء يخابر فسكتنا ، المقرر هَم صعد يمنا
سولف وية عباس و استاذ علاء و أخذ الورقة الي بيها اسم ظافر و خابر للرئاسة سأل عليه
أنت تقرأ
إلى أين تصل
General Fictionنبذة عن القصة بعد علم (سكينة) بعلاقة تشوبها الخيانة بين اقرب صديقة الها و خطيبها (ظافر) تتعرض لأزمة قلبية ينتج عنها مرض قلبي و فشل الكلى فتزرع كلية جديدة من مجاهد بالحشد الشعبي و يبتدي التغيير بحياة و نفسية سكينة بواسطة دفتر المجاهد