ရာဟု က သော်က ညာဖက်လက်ကို ဆုတ်ကိုင်ထားကာ နှဖူးမှ ချွေးများ ကို
သုတ်ပေးရင်းမှ ဖြေ သည်။
"ကိုယ့်တော့ လူ
ဒီဃ သော်က တဲ့"
ဘေးကရပ်နားထောင်နေသူ အေးပု မှာ
ယောင်ပြီး ခေါင်းခု ကို ပါးစပ်နှင့်
ကိုက်လိုက်မိသဖြင့် 'အွတ်' ခနဲ
အသံထွက်သွားလေတော့
ခေမာ က စူးစူးရဲရဲ ကြည့်ကာ
"အေးပု နင် အပေါ်မတက်ဘူးလား"
"ဟုတ် ဟုတ် မကြီးခေမာ အေးပု
အပေါ်တက်မှာပါ"
ပြောရင်း အေးပု မှာ ရေအိုးထဲ က ရေကို အကုန်သွန်ချကာ အိုးအလွတ်ပိုက်၍
လှေကား နှစ်ဆင့်ကျော်ကာ တက်ပြေးသွားလေသည် ။
'မကြီး ခေမာ မျက်လုံး ကြီး က
ကြောက်စရာကြီး
ဒါနဲ့ အစ်ကိုလေး သော်က က
အစ်ကိုကြီး ရာဟု လူတဲ့လား
ဟိဟိ ..ဘာတွေတုန်း'
အေးပု ကား မိမိကို သုံးယောက်လုံး
မမြင်နိုင်သည် ဟု ထင်သည့်
တံခါးရွက်နောက်မှ အသာလေး ကပ်ကာ ချောင်း၍ နားထောင်သည် ။
အေးပု အပေါ်တက်သွားပြီးသည့်နောက် ..
ခေမာ မဒီဆိုသော အမျိုးသမီး က
ရာဟု ၏ မတင်မကျ အဖြေ ကို
မျက်ခုံးနှစ် ခု တန်း သွားသည် အထိ
ကျုံ့ လိုက်ကာ ရာဟု ကို
နားမလည်နိုင်စွာ ကြည့်သည်။
"ကိုယ်တော် စောင့်ရှောက်ရမယ့်သူ
ခေမာ"
"ဘယ်လိုနည်းနဲ့လည်း
ခေမာ က တော်ရုံ ဆို ဒီလောက်ထိ
စပ်စုတက်တဲ့ အမျိုးသမီး
မဟုတ်ဘူးဆိုတာ
မောင်ကြီးရာဟု သ်ိမှာပါ"
ခေမာမဒီသည် သော်က တို့
စကားဝိုင်းတွင် လွှမ်းမိုး နိုင်ဆုံး
လူဖြစ်သည်။
ဝင်လာသည်မှ ၅ မိနစ် မရှိသေး
ရာဟုနှင့် သော်က ဆက်ဆံရေး ကို
က ကြီးမှ အစ အ အထိ
ဝင်ရောက်ကြည့်ရှုရန်လုပ်နေချေပြီ။
"ရာဟု ဘယ်လိုတွေ ပြောနေတာ လဲ
ခေမာ့ ကို မစပါနဲ့...
ကျွန်တော်က ဒီဃသော်ကပါ ခေမာ
ကျွန်တော့အကြောင်း ကြားထားမယ်လို့ထင်ပါတယ် မင်းတရားကြီး အမိန့်အရ
ကျွန်တော် အသက် ၁၈ ပြည့်သည်အထိ ရာဟုက စောင့်ရှောက်ရမည့်တာဝန်ပါ"
YOU ARE READING
ဂန္တဝင်၌တွယ်ငြိခြင်း (ဂႏၲဝင္၌တြယ္ၿငိျခင္း)
Historical Fictionဂန္တဝင်ထဲမှာ လှလှပပတည်ရှိနေသောသူနှင့် ဒီတွယ်ငြိခြင်းထဲ က မရုန်းထွက်နိုင်သောကျွန်တော်...! ဒိီစာကို ဖတ်ပြီး ကေတုမတီ ကို တစ်ခေါက်လောက် အရောက်သွားဖူး ချင်တယ်လို့ ခံစားမိရုံ သမိုင်းကြောင်း ကို မြတ်နိုးသွားမိရုံ နဲ့တင် ဒီ တွယ်ငြိခြင်း ကို ဖန်တီးရကျိုးနပ...
Part 21
Start from the beginning
