" ရှေ့ဘက် တစ်မိုင်လောက်ရောက်ရင် မင်းတို့ရဲ့အရင်ကလိုမျိုးစခန်းပုံစံကိုတွေ့ရလိမ့်မယ်။ သူတို့ကတော့ မင်းလာမယ်ဆိုတာပြောမထားဘူး။
ငါပြောပြမယ်။ အခုချိန်ကစပြီး မင်းတို့ရဲ့ဖြစ်တည်မှုက လူသေတွေလိုပဲဖြစ်သွားပြီမလို့ အနေအထိုက်ဆင်ခြင်ကြပါ။ ဧကရာဇ်ကိုဘာအခက်အခဲမှထပ်မဖြစ်စေချင်ဘူး။"
ဖုန်းရှင့်က ရှေ့သို့သာကြည့်ရင် တရစပ်ပြောနေသည်။ ဘေးရှိ ချီရုန်သည်ပင် အသံတိတ်နေမိ၏။ ဘာရယ်ကြောင့်မှန်းမသိသော်လည်း အရာအားလုံးက တိတ်ဆိတ်ကာဝမ်းနည်းဖွယ်အတိဖြစ်နေသည်။ သူ၏နှလုံးသားသည်ပင် ထိုနန်းတော်နှင့် ဝေးလေလေ၊ ပို၍အထီးကျန်အဖော်မဲ့လာသလိူခံစားရလေလေဖြစ်နေသည်။ သို့သော်လည်း ထိုသို့သော ခံစားချက်ကိုသူနားလည်မည်မဟုတ်ချေ။
ချီရုန်က ပိုင်ဝူရှန့်ထံမှလက်ခံရရှိထားသောစာလွှာအိတ်ကိုသူ၏ လက်ထဲတွင်ကိုင်ထားဆဲသာဖြစ်သည်။ ဘေးရှိ ဖုန်းရှင့်ကိုကြည့်ရင်း
" ဒါဆို ငါဒီလမ်းအတိုင်းဆက်လျောက်သွားလိုက်ရင်ရပြီပေါ့။"
"ဟူတ်တယ်။"
" ဒါဆို ငါသွားတော့မယ်။ မင်းတို့ကိုနှုတ်ဆက်ပါတယ်။"
"အင်း..."
ချီရုန်က သူတစ်ယောက်တည်းပင် မြင်းပေါ်မှဆင်းလိုက်ပြီးနောက် ဆက်လျောက်လာခဲ့လိုက်သည်။ သူ၏နောက်ဘက်တွင် ဖုန်းရှင့်ကသူ့အားမြင်ကွင်းမှ မပျောက်ကွယ်မချင်းကြည့်နေသည်ကိုတော့ သူခံစားမိသည်။
............................................
" အကိုကြီး....အကိုကြီး...အကိုကြီးကိုနောက်ဆုံးတော့တွေ့ရပြီ။"
ချီရုန် ထိုစခန်းကိုရောက်ရောက်ချင်းပင် နန်ဖုန်း၊ ဖူယောင်နှင့်အခြားညီအကိုများက စခန်းမှထွက်လာပြီး ဝိုင်းကာပွေ့ဖက်ခြင်းခံရသည်။ အားလုံးကလည်း အပျော်ကြီးပျော်တေပုံရပြီး ဝမ်းသားလွန်းသဖြင့် မျက်ရည်များပင်ကျကာ အာပြဲကြီးဖြင့်အော်ငိုနေသူများပင်ရှိသေးသည်။
ချီရုန်က စခန်းကိုတချက်ကြည့်လိုက်သည်။ စခန်း၏အပြင်အဆင်သည် ယခင်ကပုံစံအတိုင်း ပြောင်းလဲထားခြင်းမရှိချေ။ ပြောင်းလဲသည်ဟူသည်က အနည်းငယ်သစ်လွင်နေခြင်းသာ။
YOU ARE READING
Me and My Suspicious Partner(fanfic For WuQi)[Completed ]
FanfictionStory Title_ Me and My Suspicious Partner ဧကရာဇ်ပိုင်ဝူရှန့်သည် လုပ်ကြံခံရကာ ချီရုန်တို့ဓားပြစခန်းအနီးရှိရေကန်တွင် သတိလစ်လျက် ချီရုန်၏တပည့်များမှ ကယ်တင်ခဲ့ကြသည်။ ထိုမှတဆင့်် ကျွင်းဝူဟူသော အမည်ဖြင့် ဓားပြခေါင်းဆောင် ချီရုန်နှင့်အတူ ထောင်ထဲဝင်လိုက် ထွ...