خيوط ام حبال

التاسع عشر

اسماعيل: بس انتي واكفه محد وياج

ايات: لالا امي والله ويايه بس جانت بالمحل ده ده تشوف البردات وهوسه ازدحام ضليت بره اني
والله شبيك حته اذا ماتصدك ادك ع امي احجي وياها

اسماعيل: اي دكي ايات

ايات: هاي شنو يعني ممصدكني اسماعيل قابل شنو اكذب عليك

اسماعيل: لا حشاج بس اريد اسلم عليهاواتحمد لخالتج بسلامه

ايات: هاا اي. بس

اسماعيل: شبيج ايات دكي. اذا ماعدج رصيد هاج من تلفوني دكي

ايات: لالا عندي هسه ادك

حلا: اسماعيل عافها ومشه ولحكته صارو يم باب دخول الصاله ورجعت لزمته من ايده ورجعته ليم الشباك اسمع بس صوتهم

ايات: الو ها يمه اكولج البارحه مو رحنه اني وياج لبيت خالتي بال…………  وطلعنه اني وياج ووليد وليد ابن خالتي ها موطلعنه للسوك وشفتي انتي البردات وهاي اسماعيل حمايه شايفني البارحه كتله خالتي مريضه  ورحنه مايدري خالد بيه فراد يحجي وياج اسماعيل هاي وياج وياج لحضه
هاك فتحت مايك الك

اسماعيل: الو السلام عليكم

-وعليكم السلام هلا اسماعيل شلونك

اسماعيل: الحمدلله حجيه انتي شلونج شخبارج

-لحمدلله خير اسماعيل صاير شي

اسماعيل: لا ماكو شي بس شفت ايات

-اي لبارحه اخذتها ورحت لبيت اختي شويه تعبانه وتدري ب اخوك مايقبل تواصل احد كتلها عيب خالتج وقنعتها تجي ويايه هيه مارضت وطلعنه شويه لسوك بيها شي يعني اذا اخذتها ويايه لمكان

اسماعيل: لالا ايات كالت رحتو بس

-اي مادام كلتلك ايات بعد شكو شنو قابل تكذب عليك لبنيه

اسماعيل: لاخاله حشاها بس هيه نكرت بالبدايه

-اي غير من خوفها من اخوك مسويلها رعب كاطعها من كل الدنيا الله واكبر شيصير يعني لو واصلت احد من كرايبنه لاتخابرين خالاتج ولاترحيلهن ادري شنو اذا اخذها يكطعها من اهلها

اسماعيل: خاله هوه من حبه الها

-ياحب هذا شو خانكها هاك مخليها تكذب من خوفها ليش تكذبين رحت ويه امي شكو قابل

اسماعيل: ماشي خاله عدها العافيه ان شاءالله اخت حضرتج وياج ايات

ايات: بعدين اخابرج يمه

اسماعيل والله من وره خالد تعرف بي طبعه شكد صعب
فدوه لاتكوله والله مااخلص منه ومن لسانه بعد

اسماعيل: ايات مااكوله بس عندي طلب

ايات: عيوني كوول

اسماعيل: بعد لاتطلعين من دون علمه وتكون هاي اخر مره