ليته لم يولد

﮼البارت،الثاني،والعشرون

صباح الخير
ليته لم يولد. البارت الثاني والعشرون

* شوية تعديلات على الاسم *

سميرة : اااا تفضلي سولاف انتي موغريبة استريحي
كعدت على القنفة لاول مرة احس سميرة خجلانة لان يمكن عبالها جيت رافضة الموضوع الي طرحته عليه ويمكن تفاجئت هسة من قراري بس اعتقد انه رح يكون مفرح الها بقدر الصدمة الها

سولاف : باعي سميرة اني تزوجت بعمر 17 سنة تقريبا خضت تجربة فاشلة واتمنى لو اكدر امحيها من كل حياتي وذاكرتي مجرد الذكريات الي تخطر على بالي من حين الى اخر تقشعر بدني وتكرهني بكلشي

هذا الزواج دمرني خسرني مراهقتي وشبابي وكلشي وبعدها تطلقت بفترة زمنية قصيرة وبصراحة هم الحمدلله تطلقت لان جانوا ناس مينعاش وياهم وماريد اذكر

تفاصيل لان ماكدر المهم هسة مرت 17 سنة اخرى على هذا الزواج الفاشل بهاي السنوات جنت عايشة ماعرف اوصف مرات احس نفسي مراهقة ومرات امراة مرات عجوز ومرات طفلة كلام الناس ما انتهى

وحاولت اهرب منه لمن جنت اروح لبيت جدي بس هم مخلصت لاحقني دائما ومعافني اتقدموا لخطوبتي بس اني رفضت مجنت اكدر ارجع اعيد نفس التجربة الفاشلة يمكن رح تكولين مو كل اصابعج سوى بس اني

هيج جان باعتقادي مرت السنوات ودخلت الثلاثين هنا تغيرت كل افكاري نضجت اكثر بلشت اشتغل واشرف على الاملاك الي عندي وباسمي حتى لو مو يوميا كل اسبوع اتفحص كلشي لهذا كرست حياتي ومجان ببالي اي شي ثاني

بعدين ظهر وحدة جيراننا اسمها سميرة او ام عزيز وظهر ابنها عزيز شاب ببداية شبابه بكد ابني يتعبر بس هذا الشاب حرك مشاعر هواي داخلي برغم كلش كلش كلش قليلة المرات الي كعدنه وحجينا بيها يمكن مرتين

او ثلاثة كلمات سريعة ومابيها شي قوي بس هو حرك مشاعر جوايه اني بعمر ناضج مو مراهقة حتى اتاثر

بكلشي لذلك عرفت اني حبيته برغم فارق العمر الي بيننا لا وجنت احاول ابعد نفسي عنه برغم هو الي شاغل تفكيري دائما وميغيب عن بالي جنت اكول شلون

اعجب بيه واني بكد امه بس طلع لازم اسال نفسي هذا السؤال حچيت هواي ويمكن رح تكولين اني شنو الي علاقة بكل هذا اني اريد افهمج شنو الي رح يخليني اوافق او ارفض بالنهاية اني موافقة

سميرة : والله يا سولاف ما اچذب بكلمة اذا كلتلج هذا احلى خبر سمعته بحياتي اني هم عشت حياتي بالضيم والقهر وفشلت بكلشي بس عزيز من كلي اني انعجبت ب سولاف فرحت لو غير ام جان رفضت وكالت من المستحيل ازوج ابني لوحدة اكبر من عمره بسنواات بس اني احبج واعرف انج رح تداريه مثل عيونج