Unicode
ချစ်ခြင်းတို့ရဲ့ မိုးကောင်းကင်
💟အပိုင်း 6 💟
"ရေတွေအရမ်းမသောက်နဲ့လေ အို့အို့ ..."
"ဆီးအိမ်တင်းနေမှ ကလေးကဘာလေးလဲဆိုတာ သေချာမြင်ရမှာ မိုးသားရဲ့ ...
အို့အို့ ဆီးအိမ်က သိပ်မတင်းသေးဘူး "
"ရေတစ်ဗူးလုံးကုန်တော့မယ် သောက်ထားတာ ... ပြီးရင် သူ့အလိုလို တင်းလာလိမ့်မယ် ... ထပ်မသောက်နဲ့တော့
တော်ကြာ ultrasound မရိုက်ခင်
မအောင့်နိုင်တော့ဘဲ ပေါက်လိုက်မှ
တစ်ဗူးလုံးသောက်ထားတာတွေ အလကား ဖြစ်သွားလိမ့်မယ် "
"မိုးသားကလဲ "
သူပြောလိုက်တော့မှ အို့အို့က ရေဆက်
မသောက်တော့ပါ .... သူနဲ့အို့အို့ က အခု မာမီ သူငယ်ချင်း သားဖွားမီးယပ်အထူးကု ဆရာ၀န်မကြီးနှင့် ultrasound ရိုက်ရန် အာယုဆေးရုံသို့ရောက်နေခြင်းဖြစ်သည် ။
ဘေးနားတောက်လျှောက်က သူနဲ့အို့အို့လိုစုံတွဲလိုက်လာသည်ကနှစ်တွဲလောက်ပဲရှိပြီး ကျန်တာ ကိုယ်၀န်သည်တွေချည်းပဲမို့ မိုးသားမျက်နှာ ပူလာပြီး ရှိုးတိုးရှန်းတန်းဖြစ်လာရသည်။
အပေါ်ကိုပျံတက်တော့မယ့် မီးပုံးပျံလို
ဗိုက်ကြီးတွေကိုကြည့်ပြီးလဲ အသည်းယားမိသည်။ အို့အို့ဗိုက်လေးကျတော့လဲ ၆လကျော်လာတာတောင်
သိပ်မပူသေးပါ....
နဂိုထဲက ရှက်ပါတယ်ဆိုမှ အားလုံးရဲ့ မျက်လုံးတွေက သူနဲ့ အို့အို့ဆီ
မကြာမကြာရောက်လာတော့ မိုးသားဒီနေရာက ထွက်ပြေးချင်လာသည် ။
မိုးသားကိုကြည့်ရတာ ကိုယ်၀န်သည်တွေကြားထိုင်နေရတာ စိတ်ကသိကအောက်ဖြစ်နေပုံရသည် ။ ပြီးတော့ အို့အို့တို့ကိုငယ်ငယ်လေးပဲရှိသေးတယ် ဒီလိုအခြေအနေနဲ့လားဆိုတဲ့ အကြည့်မျိုးတွေက မကြာမကြာရောက်လာရတာကို အို့အို့ ခံစားမိသလို မိုးသားလဲခံစားမိမယ်ထင်သည်။
"မိုးသား"
"ဟင်"
"အို့အို့ကိုလေ အောက်က ရွှေပုလ္လင်မှာ တစ်ခုခု သွား၀ယ်ပေးပါလားဟင် ....
အို့အို့ ဗိုက်ဆာလို့ .... အိမ်မှာတုန်းကလဲ ဘာမှ ဟုတ်တိပတ်တိမစားလာရလို့ "
YOU ARE READING
💟 ချစ်ခြင်းတို့ရဲ့မိုးကောင်းကင် 💟
Romanceလွတ်လပ်မှုကို မြတ်နိုးပြီး အပျော်အပါးကိုခုံမင်တတ်တဲ့ ကောင်လေးနဲ့ ထိုကောင်လေးကိုမှ ငယ်ငယ်ထဲကသံယောဇဥ်တွယ်ပြီး ချစ်ခဲ့ရတဲ့ ကောင်မလေး ... ငယ်ရွယ်သေးတဲ့ သူတို့ ၂ယောက်ကြား မထင်မှတ်ထားတဲ့ အမှားတစ်ခုကြောင့် ရင်သွေးလေးရှိလာခဲ့တဲ့ အခြေအနေကြောင့် အိမ်ထောင်သည်ဘ...
