Meet Me In Clark High (Reistre Series #1)

Chapter 45

Chapter 45: Bake

We all finished our school year and we’ll turn grade twelve this year.

Ang nakakuha ng pinakamataas na grado noong final exam sa aming tatlo ni Kent at kuya ay si Kuya, sobrang tuwa niya no’n, he also deserves it, though. Ikaw ba naman buong araw nakatutok sa libro. Gusto niya talaga kasing makakuha ng mataas na grado at mas lalo siyang ginanahan dahil sa BMW at iyon na nga ipoproseso na para maibigay na sa kaniya ang sasakyan.

Ang kigwa balak pa yatang magpa-party dahil sa tuwa.

“Kuya! Gala tayo,” nababagot kong sabi kay Kuya.

Naiinis ako sa kaniya dahil narito na naman siya sa garahe at nagka-carwash ng sasakyan niya, sa isang araw ay dalawang beses na nalilinisan iyon, parang shunga.

Kung hindi ko lang alam na sasakyan ang BMW na ito ay iisipin ko talagang mas itinuturing niya na iyong kapatid kaysa sa akin.

“Next time na, Ari. May ginagawa pa ako,” sagot niya nang hindi ako tinitingnan. Busy siya sa pagkalikot ng kung ano sa loob ng sasakyan niya.

Maarte akong humawak sa aking dibdib at umaktong nasasaktan. “Siya na ba ang bago mong mahal?” patukoy ko sa sasakyan.

Tumayo naman siya nang maayos at nag-stretch ng katawan habang papalapit sa akin. Tumawa siya. “Pangit ng acting skills mo.”

Sumimangot ako.

“Ari... I love you, okay? I’m just checking something. Saan ba tayo gagala?” malambing niyang sambit.

“Kahit saan basta gala tayo. As in tayo nina Trisha!”

Bumuntonghininga siya at tumango. “Sige, I’ll tell them tomorrow, okay?”

Pumalakpak ako dahil sa saya.

“Zirdy, Ariane! Pumasok kayo rito! I have an important announcement!” sigaw ni mama galing sa balcony.

Tumingala ako at sumigaw pabalik. “Wait lang po!” Sabay baling ko sa kapatid. “Kuya, tara na!” hinila ko siya sa damit, nagpatianod naman siya.

Nakarating kami sa kuwarto ni Mama at Papa. Nang pumasok kami ay pareho silang nakaupo sa kama at may kung anong hawak sila.

“What is it, Ma?” si Kuya, nagpupunas pa siya ng pawis gamit ang damit niya.

Itinulak ko siya nang bahagya. “Yuck, pawisan ka!”

“Grabe, hindi naman mabaho pawis ko!”

Hinampas ko siya.

“May bago kayong kapatid.”

Parehas kaming natigil dahil sa sinabing iyon ni Mama.

Tama ba ang narinig ko?

Sino? Nag-ampon?

“Seryoso?” si Kuya.

“Oh, my gosh!” I went hysterical.

Dali-dali kaming lumapit sa kanilang dalawa. “Sino po? Ilang taon na siya? Lalaki o babae? Ano name?” sunod-sunod kong tanong na ikinakunot ng mga noo nila.

“What are you talking about, Ari?”

“Like, may inampon kayo?”

Napa-face palm si Papa. Si Mama naman ay natawa at may inabot sa akin. It was a cellophane with a pregnancy kit inside. It was positive based on the two red lines.

Hindi ko mapigilang ngumiti nang malaki.

Sa sobrang tuwa ko ay nag-volunteer akong magluto ng lunch namin. Hindi na tuloy ako makapaghintay ng ilang buwan para sa bunso namin.