• M G A B I T U I N S A L A N G I T •
Dedicate to philautia_maria
Gandang nakabibihag,
Hindi mabigyang paliwanag.
Ang mumunting mga sinag,
Pinapayapa ang magdamag.
Sa liwanag ay nawawala,
Kung sa dilim ay mga tala,
Sa rikit ay mamamangha,
Katangian nila ay iba-iba.
Sila ang mga tanglaw,
Nagbibigay ganda sa ibabaw.
Liwanag na 'di nakakasilaw,
Mga kislap na nakaka-uhaw.
Malayo ang mga hugis,
Silayan ang kanilang wangis,
Makikita sa dilim ang labis,
Kagandahang walang bihis.
Mistulang palamuti,
Sa gilid ng buwan na puti.
Sa atensyo'y walang kahati,
Nag-iiwan ng ngiti sa labi.
أنت تقرأ
Isang-daang Tula
شِعرIsang-daang Tula, Iba't iba ang magiging paksa. Sa madla ay ilalathala, Ipapakita ang mga hinanda. Magbibigay ka-alaman, Sa iba't ibang aspekto at larangan. Hindi man gaanong kagalingan, Ngunit bawat salita'y may nilalaman. Tangkilikin ang atin...
