حرب القلوب 💔

بارت 29

حرب القلوب
الجزء التاسع والعشرون
دوي صوت الطلقه فى المكان واغمضوا عيونهم ولكن كانت المفاجأة عندما فتحوا عيونهم وجدوا المسدس بعيد عن عصام وعصام خائف ويتصبب عرقا وآسر ممسك بالمسدس ولكنه أراد أن يخيف عصام حتى يتحدث ويخبرهم عن مكان سامح وبالفعل نجح فى جعل عصام يخاف .........
آسر : هتنطق ولا لا
عصام : حاضر هاقول كل حاجه
آسر : اتفضل قول العنوان
عصام : هو عنده شقه قديمه وشقه تانيه لسه مشتريها من كام يوم انا كنت معاه وهو بيشتريها بس والله معرف هو مخبيها فى انهي واحده
آسر : قول العنوان طيب
عصام : الشقة القديمه عنوانها (......)
فارس : والجديدة
عصام :عنوانها (........)
حازم : انا وسامر هنطلع على القديمه وانت وفارس اطلعوا على الجديدة
فارس : تمام
آسر : الواد ده يروح معاكم يا حازم
سامر : يروح معانا ليه بقي
فارس : علشان ميهربش ويبلغ سامح
حازم : طيب تمام انا كده فهمت
آسر : يلا نتحرك والآخر مرة لو لقيتوها تتصلوا بالبوليس تمام
حازم و سامر : تمام
وانطلق آسر وفارس نحو شقة سامح الجديدة وانطلق سامر وحازم إلى شقته القديمه
*************************
عند وعد كانت قد إصابتها الصدمه حين رأتها تدخل
وعد : انتى تانى مستحيل
البنت : لا مش مستحيل
وعد : انا عملتلك ايه يا نانسي لكل ده
نانسي بضحك هستيرى : بتقولك عملتلك ايه هاه ثم تكلمت بغضب وصراخ اخدتى اهم شخص فى حياتى اخدتى الإنسان اللى حبيته اللى كان عندى استعداد اقتل كمان علشانه ولولا أن سامح بيحبك كنت قتلتك بايديا دول وارتحت منك خالص
وعد : آسر مانتى كنتى قدامه دايما لكن هو حبني انا مش ممكن ده يكون بسببك انتى مش انا
سامح : اسكتى يا وعد
نانسي : لا سيبها تتكلم أيوة هو بسببي صح علشان اهتميت بيه وحبيته بزياده لكن اللى ضربته وأبوها قتل أبوه وكانت مش بتعبره يحبها هى ويكرهنى انا بعد كل حاجه انا ..انا كنت مستعده اعيش معاه من غير جواز علشان موضوع الجواز كان بيعصبه كنت مستعده اعيش معاه بدون اى رابط بس ابقي جمبه بحبه لدرجه محدش يتخيلها والله بحبه اوى اكتر من نفسي بحبه لدرجه لو طلب روحى هدهالوا مش بس كده لو طلب عيونى متغلاش عليه وبعد كل ده يحبك انتى ويهددنى عشانك كمان شفتى سخريه القدر هاه ردى عليا سكتى ليه
وعد : انتى صعبانه عليا اوى يا نانسي  بجد مش بتريق صعبان عليا حبك ده كله لانسان مش بيقدرك ولا انتى فى حساباته اصلا انسان حب غيرك و بيكرهك زي آسر انتى تستاهلى تتحبي بس لو رجعتى لعقلك اكيد فى يوم هتلاقى انسان مش بيحبك بس ده هيبقي بيعبدك
سامح : كفايه كلام بقي انا زهقت منكم انتوا الاتنين الزفت المأذون اتاخر ليه كده
نانسي : اتصل بيه
خرج سامح للحديث فى الهاتف
وجاءت منال ففتح لها سامح
سامح : جيتي ليه
منال : نانسي فين آسر بيدور على وعد
سامح : نانسي جوا ومتخافيش مش هيعرف طريق الشقة ديه اصلا
منال : ليه بقي
سامح : علشان ديه لسه جديدة ولو انا مكونتش بعتلك اللوكيشن مكنتيش هتعرفى توصلى اصلا
منال : انا داخله لنانسي
سامح : طيب هاعمل مكالمه واجيلكم
دخلت منال ولكن استوقفها كلام نانسي ..........
وعد : انتى عايزة ايه منى انا طيب
نانسي : انا هاتصل بآسر بعد ما تتجوزى سامح واقوله مكانكم وكأنى بساعده وبعدها اموتك واجيب التهمه فى منال اللى هموتها بردوا وبعدين يتبقي سامح اللى آسر هيموته اصلا وبعدها أفضل انا جمب حبيبي اللى ساعدته يوصل لسامح وآسر يحبنى انا وأفضل معاه لحد اخر يوم فى عمرى ايه رأيك بقي
وعد : ديه خطه هبله ومش هتقدرى تعملى كل ده اصلا
كانت منال تستمع لكلام نانسي كله وعرفت انها تريد قتلها بعدما تورطها فى قتل وعد فقررت ولاول مرة عمل الشئ الصحيح
فخرجت من باب المطبخ ونزلت إلى الاسفل واتصلت بآسر
************************
عند آسر كان يقود السيارة بسرعه كأنه يطير بها وبجانبه فارس المرعوب منه ومن سرعه السيارة وكانت يد آسر شديدة البياض كأن الدم هارب منها وكانت بذلك الشكل بسبب ضغته على مقود السيارة كانت سرعته تزيد شيئا فشيئا ولكن فارس كان خائف فأمسك بيده وقال : اهدي يا آسر وخفف السرعه شويه
آسر : انا خايف يعمل فيها حاجه
فارس : متقلقش ميقدرش
آسر : لازم نوصل بسرعه
فارس : كده هنتقلب ومش هنوصل خفف السرعه شويه
نظر آسر السرعه فصدم من سرعته وبالفعل خفف السرعه قليلا وما هى إلا عدة دقائق وكان هاتف آسر يرن برقم منال
فارس : ديه منال
أسر :فكك من امها دلوقتى
فارس : طيب افرض عرفت مكان وعد أو عندها معلومه
آسر : ديه بتكره وعد تفتكر هتساعدها ابدا
فارس : مش هنخسر حاجه لو ردينا عليها
آسر : لا هنخسر طبعا لو ادتنا مكان غلط علشان تتوهنا
فارس : احنا مش هنروح غير المكان اللى نعرفه ولما منبقاش نلاقيهم هناك هنطلع على العنوان التانى ايه رأيك
آسر : اهى فصلت اهه منها لنفسها
فارس : اهه بتصل تانى ارد بقي
آسر بضيق : اتفضل رد وافتح الاسبيكر
فارس : الو
منال : الو آسر فين
آسر : عايزة ايه مش ناقص رغيك
منال : انا عايزة اساعدك
آسر : ازاى
منال : سامح ونانسي خاطفين وعد ونانسي عايزة تقتل وعد وتلبسهالى وبعدين تقتلنى انا كمان وبعدين تتصل بيك وتقولك انها عرفت مكان وعد فأنت تروح متلاقيش غير سامح وجثه وعد وجثتى فسامح يتسجن او يموت وهى تفضل حبيبتك اللى قالتلك على مكانهم آسر ارجوك الحق وعد نانسي مش هتموتها على طول ديه هتسبها لسامح وانت فاهم قصدى ايه
آسر بغضب : والله العظيم لإقتله واقتلها المهم انتى فين
منال : انا تحت العمارة العنوان (.....)
آسر : ديه الشقة الجديدة
منال : أيوة
آسر : طيب انا جاى سلام وبقولك متطلعيش خليكي تحت
منال : لا هاطلع علشان الحق وعد لو حد منهم فكر يقربلها وعايزة اقولك تسامحنى يا آسر انا بجد حبيتك بس خلاص مدام انت بتحب وعد ربنا يخليكم لبعض انا آسفة على كل حاجه وياريت اكون عملت حاجه صح لما كلمتك وتلحقها انا آسفة تانى يا آسر وسلام علشان الحقها
آسر : استنى ..الو ..الو
فارس : طلعت جدعه
آسر : وربنا لو قربوا لواحده فيهم لأكون قاتلهم
فارس : الحق حازم بيتصل
آسر : رد وقلهم يحصلونا
فارس : الو
سامر : الو الحقني يا فارس
فارس : ايه اللى حصل
سامر : الواد هرب المكان طلع كمين وكان فى شباب كتير هناك ضربوا حازم بسكينه فى جنبه وانا كنت بحاول اجيب الواد ودلوقتى انا هاخده وهاطلع بيه على المستشفى بس الواد ممكن يتصل بسامح ساعتها هيهرب بيها
آسر : متقلقش اول لما توصلوا المستشفى طمنى ماشي
سامر : ماشي سلام
آسر : فارس اتصل بمروان ومالك وامير و قولهم يروحوا لحازم وسامر
فارس : واحنا محدش هيجي معانا افرض طلع كمين انا مش مصدق كلام منال ١٠٠٪
آسر : ولا انا بس نطمن على حازم الاول وبعدين انا عايز سامح لوحدى انا عايز اموته لوحدى
فارس : طيب هاتصل
وبالفعل اتصل فارس بمروان وامير ومالك وطلب منهم الذهاب لحازم ولكن اعترض امير وأخبرهم أنه قادم لهم ...
*************************
عند وعد
كانت نانسي تضرب وعد وتصفعها بشده وسامح يحاول أبعادها عنها ......
سامح : اتهدى بقي كفايه
نانسي : مش انت عايزها عايشه
سامح : ايوة طبعا
نانسي : خلاص سبنى اطلع القديم والجديد على جتتها والا هموتهالك
سامح : طيب ديه ماتت كفايه ضرب فيها بقي
منال : اوعى تمدى ايدك عليها
نانسي : اهلا بيكي عايزة ايه
منال : ايدك متتمدش عليها
سامح : ايه اللى فى ايدك ده
منال : ديه سكينه عاديه يعنى بس لو حد قرب من وعد هتكون فى بطنه وهاموته كفياكم قرف بقي سيبوها فى حالها
سامح : أهدى يا منال السلاح يطول
منال : لو مقربتوش منها مش هيطول
نانسي : سيبي اللعبه ديه بدل ما تقلب بغم وبعدين كلنا فالمركب سوا
منال : لا مش سوا انتى كدابه اسمع بقي يا سامح خطه الهانم هى هتموت وعد وتلبسهالى وتموتنى وتلبسهالك وهوب تكون كلمت آسر وقالتله على مكاننا ده. هوب آسر يجي يا يموتك يا تتسجن وهى تبقي حبيبه القلب
سامح بصدمه : الكلام ده بجد
وعد بتعب : ااي..أيوة ..ه.هى قالتلى ..ككده
نانسي : كدابه يا منال انا مقولتش كده
سامح وهو يخرج مسدس من جيبه : انطقى الكلام ده بجد
نانسي بخوف : ايه المسدس ده
سامح : علشان كنت متأكد انك خاينه
منال : سامح سيبها لما آسر يجي وكمان البوليس
سامح : محدش هيجي هنا
نانسي : قصدك ايه
سامح : انا هاقتلك وأهرب بوعد
منال : بلاش وعد يا سامح حرام سيبها
سامح بغضب : لا وعد لا وعد هتفضل معايا ومش هسيبها
منال : طيب نزل المسدس
سامح : تعالى اربطيها
منال : ليه
سامح بغضب : اسمعى الكلام
منال بخوف : حاضر
رمت منال السكين وامسكت بالحبال وربطت نانسي
ووعد تراقبهم بخوف وتعب فنانسي ضربتها كثيرا
سامح : امشي يا منال بدل ما اقتلك اهربي.
منال : ارجوك سيب وعد
سامح : انا بحبها
نانسي : كداب انت عايز تدارى على ابوك القاتل
سامح : اخرسي هاموتك
نانسي : ابو نانسي هو اللى قتل ابو آسر ولبسها لابوكي يا وعد
سامح :كدابه متصدقيهاش يا وعد
نانسي : ابو سامح اسمه امين هو اللى كان بيخلي ابوكي يتخانق مع عمك يا وعد علشان الورث لانه كان عايز فلوس ابوكي ويدخله فى مشروع وينصب عليه ولما معرفش راح لعمك المكتب وابتدي يهدده وفى يوم كان عمك بيتخانق معاه وأمين طلع مسدسه وهدد عمك لو ممضاش تنازل عن أملاكه كلها هيقتله عمك رفض وقام امين قاتله فعلا ولأن ابوكي كان هدده بالقتل علشان الورث قبل كده ابوكي لبس القضيه بس طلع براءة بعد كده ودلوقتى ابو سامح عايش بره وخائف يرجع يعنى ابوكي برئ وابو سامح هو اللى قتل عمك يا وعد
سامح.: كدابه والله كدابه
نانسي : انا مش هاضيع لوحدى هنضيع كلنا
رفع سامح المسدس فى وجه نانسي
منال : اسكتى شويه اسكتى بقي هيموتك يا غبيه
وعد.: سيبها حرام عليك متموتهاش
سامح : اخرسوا
ثم خرجت طلقه من المسدس تعرف وجهتها وسكنت فى صدر نانسي صرخ كلا من وعد ومنال وهم يرون دماء نانسي تسيل على الأرض وكانت نهايتها صعبه للغايه عاشت متألمه بحب شخص وماتت بسببه أيضا
***********************
عند حازم كان سامر ومروان ومالك ينتظرونه خارج غرفه العمليات ....
مروان: هو اتضرب فين
سامر : انا كنت فاكرها فى جنبه
مالك : طيب انت كنت فين
سامر : انا كنت مع حازم بس الواد قال فى مدخلين للشقة دخلت انا من وراء وحازم والواد من قدام سمعت صريخ وزعيق وانا بدخل وجريت لقيت حازم مرمي على الأرض ولقيت دم من جنبه واخدته وجريت والواد هرب
مروان : أن شاء الله خير
مالك : ربنا يسترها
خرج الطبيب فركض له الثلاثه
مالك : هاه يا دكتور طمننا
مروان : يا دكتور هو عامل ايه
سامر : انت مبتردش علينا ليه
الطبيب بحزن : البقاء لله انا اسف

ياترى آسر هينقذ وعد ولالا ؟
ياترى ايه اللى هيحصل مع سامح ومنال ؟
كل ده الفصل الأخير من حرب القلوب 💔🔥