حرب القلوب 💔

بارت 2

حرب القلوب
الجزء الثانى
فارس ذهب الى آسر الشركه ودخل الى مكتبه فى عجله من امره فهو لم يشهد غضب صديقه فهو غاضب مثلما لم يره او يسمعه من قبل فهو حدثه على الهاتف بغضب شديد وهو متاكد انه الان مثل الثور الهائج دخل المكتب وقال
فارس:  ايه يا آسر مالك
آسر ببرود : انا كويس اهو
فارس  بغضب:  يا برودك يا اخى اومال جايبنى ليه على ملا وشي
آسر:  عادى كنت غضبان ودلوقتى هديت بس المهم جهز نفسك علشان هتيجي معايا المطار
فارس : اجى المطار معاك ليه ان شاء الله
آسر:  هنروح نستبقل مع بعض وعد هانم بنت عمى
فارس بفزع:  نعم يا اخويا بنت عمك مين بنت عمك ادم ولا انت ليك عم تانى
آسر:  لا مليش اعمام هو واحد زباله بس وبنته جت لحد عندى برجليها علشان اخد حقى
فارس:  بردوا اللى فى دماغك فى دماغك يا بنى امك قالتلك انه برئ ده حتى الحكومه برئته
آسر:  مهما تقولوا انا مقتنع تماما انه هو اللى قتل بابا ولما تجيبولى دليل قاطع ابقي اصدق ساعتها
فارس:  يابنى طيب حتى لو افترضنا انه هو اللى قتل اديه مات وربنا هيعاقبه بنته بقي ذنبها ايه
آسر: ذنبها انها بنته تبقي تتعذب مكانه زى ما سبنى بتعذب بموت ابويا وفراقه وانخداعى فى عمى اللى كنت بحبه جدا وكنت بقوله انى هتجوز اول بنت يجبها
فارس:  بلاش قسوتك ديه يا آسر حرام البنت ملهاش ذنب يا صاحبي
آسر بغضب:  وانا ايه ذنبي اتحرم من ابويا واتيتم كل ده علشان الفلوس ينعل ابو الفلوس يا شيخ اللى تخلى اخ يقتل اخوه
فارس:  اهدى يا صاحبي مش كده لو هو اللى قتل والله زمانه بيتعاقب وحق والدك رجعله لكن لو فكرت تأذى بنته ربنا مش هيسامحك ولا والدك كمان
آسر:  فارس اقفل على الموضوع ده بقي علشان انا مش هرجع عن قرارى خلاص لو عملتم ايه
فارس:  ما دام قولت عملتم يبقي طنط وفاء عرفت ورفضت زى بالظبط صح
آسر:  صح بس ولا كانى سمعت حاجه واتصل بسامح شوفوه اتأخر كده ليه
سامح وهو يدخل من الباب:  سامع حد بيجيب فى سيرتى
آسر:  تعالى انجز مش وقت هزار
سامح:  ازيك يا ابو الفوارس
فارس ببرود:  اهلا يا سامح
سامح:  مالك بتسلم من تحت ضرسك كده ليه يا فارس
آسر:  سيبك منه ده متضايق علشان الموضوع اللى قولتلك عليه
سامح:  اه اصل فارس مبيحبش اذيه الناس
فارس:  بالظبط اديك جبت الخلاصه
سامح:  المهم هتعمل ايه يا كبير
آسر:  هو فى بنت تقدر تقول ليا لا
سامح:  اكيد مفيش ولا بنت تقولك لا دول بيتمنولك الرضا ترضا
آسر:  بالظبط كده وديه الخطه يا شباب هنلعب على النقطه ديه
سامح:  ازاى مش فاهم
آسر:  هخليها تحبني وبعدها اجبرها تعملى توكيل بكل املاكها وبعد ده كله اكسرها كسرة متقومش منها
سامح:  اوبااا جامده الخطه بس هى ايه الكسرة ديه
آسر:  هاتجوزها عرفى وبعد يومين كده اقطع الورقه بعد ما اكون اخدت منها الفلوس والاملاك وفوق ده كله حق ابويا
فارس بغضب:  انت اتجننت هاتكسر بنت عمك هتتجوزها عرفى علشان تكسرها انت خلاص مبقاش عندك رحمه ولا رأفه انت ايه يا اخى مش كده
آسر ببرود:  ده اللى عندى ومش هيحصل غيره يا فارس فانتهينا
فارس:  براحتك بس متجيش تندم
سامح:  خلصنا بقي انتوا الاتنين بقولك يا آسر هي حلوة
آسر:  معرفش بس ابوها وامها عاديين يعنى اكيد هى عاديه انا هاعصر على نفسي غيط ليمون وانفذ الخطه علشان ارتاح بقي واريح ابويا فى قبره
سامح:  ماشي يا آسر
فارس:  انا رايح مكتبي
آسر ببرود :  الساعه 12 تبقي عندى علشان هنروح نجيب بنت عمى من المطار
فارس:  ماشي يا آسر ربنا يخلصها منك
آسر:  امشي يا فارس على مكتبك علشان ماتنرفزش عليك
سامح:  انا ماشي لو عوزت حاجه كلمنى واه صحيح نانسي قالبه الدنيا عليك كلمها علشان قرفتنى
آسر:  امشي يا سامح يلا
سامح:  ماشي بس ابقي احكيلى
آسر:  اوك
خرج سامح من الشركه وظل فارس يعمل ويدعى ان ينجى الفتاه من آسر وظل آسر فى مكتبه يفكر فى خطته ويحبكها جيدا
********************************************************************