حرب القلوب
الجزء الثالث والعشرين
فى الصباخ فى منزل آسر
فارس: يلا يا بنى بقي
آسر: انا جهزت يلا بينا
فارس: بقولك صحيح سامح ونانسي ملهمش آثر
آسر: طيب ومنال؟
فارس: فص ملح ودابت
آسر: يعنى هتروح فين وراها وراها
فارس: طيب يلا بينا
آسر: يلا بينا
انطلق آسر وفارس على الشركه
**************************
عند وعد
حازم: البنات لازم التاخير فى كل حاجه لازم والا متبقوش بنات
رودينا: اهدي شويه على نفسك منا مرزوعه جمبك اهو
حازم بضحك: ومين قال انك بنات هو انا جبت سيرتك
رودينا: يا حيوان احترم نفسك شويه
حازم: طيب اطلعى استعجلى وعد
رودينا: طيب يا زوم...اهه جت لوحدها من غير ما اطلع ولا انزل
نزلت وعد بخطوات ثابته رزينه واثقه بالكعب العالى كانت ترتدي فستان ضيق لونه اسود وبه خطوط بيضاء عن الخصر والكتفين كان طويل وقصت شعرها تزين رأسها كانه تاج جميل وترتدي قلاده جميله بها فص الماس واحد لونه ازرق ولكن جميل ورقيق فى ذات الوقت نزلت فكان حازم مصدوم ومنبهر من جمالها الشديد لدرجه انه فتح فمه ....
وعد بضحك: اقفل بوقك لحسن الدبان يدخل يعيش جواه
حازم: يخربيتك ايه الحلاوة ديه
رودينا: زوقى يا زوما
حازم: اسكتى انتى دلوقتى بجد يا وعد انتى زى القمر مشوفتش حد فى جمالك خالص
وعد بخجل: طيب احنا كده متأخرين صح يلا بينا بقي
حازم: من الجميل يتدلع والدلع لازمله تأخير يبقي اتأخرى براحتك
رودينا: الله عليكي يا ست
حازم: طب يا سيدي شكرا كفايه
وعد: انا بتصل بيه مش عارفه بيكنسل ليه
حازم ورودينا: هو مين ده
وعد: سامر
حازم: مين سام........
قاطعه رنين الباب ففتح فوجده سامر
سامر بإبتسامه: صباح النور على اجمل عيون شوفتهم ايه الجمال ده
وعد بخجل: بطل بليز احب اعرفك يا سامر حازم اخويا وشريكي ودراعي اليمين
سامر وهو يصافح حازم: ازيك بجد مبسوط انى قابلتك
حازم: اهلا يا سامر
سامر: هو مش مفروض ان احنا متأخرين وكده
وعد: ايوة فعلا
سامر: طيب يلا هتركبي عربيتي
وعد: لا عربيتى وحشتني
سامر بضحك: يبقس هاركب عربيتك
وعد: اتفضل
حازم: انا ورودينا هنركب معاكم
سامر: تنوروا طبعا
خرج الجميع ولكن ذهب سامر وفتح الباب بوعد فأبتسمت وركبت
وانطلقت وعد بهم الى الشركه
*************************
فى مكان ما كانت شقه فى عمارة فخمه وكانت تقطن بها منال وكانت تتناول الفطور ثم وجدت هاتفها يرن
والدتها: ايه يا مينو وحشانى
منال: وانتى كمان يا مامى
والدتها : طيب تعالى علشان انا مش هانزل خالص تانى
منال: ياريت يا مامى
والدتها: هاحجزلك تذكرة تمام يا قلبي
منال: اوك يا مامى ميرسي
والدتها: باي يا روحي
منال: باي
منال فى نفسها: معلش يا حبيبي هسافر لحد ما تهدي وبعدين ارجع ونعيش سوا وعمرى ما هابعد عنك تانى ابدا يا آسر ........
**************************
وصلت وعد الشركه فى نفس لحظه وصول آسر نزل فارس وآسر من السياة ولكن لمح فارس سيارة وعد
فارس: مش ديه عربيه وعد
آسر: هى فعلا
فارس: بتعمل ايه هنا
آسر: لغت التوكيل بتاع امير وهاتدير هى الشركه بنفسها
فارس: كده هتشوفها كتير وتبقي تقدر تصالحها
آسر: ياريت يا فارس
نزل سامر سريعا من السيارة وفتح الباب لوعد ثم نزلت هى بجمالها واشراقتها المعهوده التى تجعل الجميع ينتبه وينجذب اليها صدم آسر من جمالها ولكنه غضب واشعلت النار بقلبه حين راي الفستان الضيق الخاص بها وايضا الغيرة اشتعلت اكثر حين تذكر ان سامر فتح الباب لها ......
فارس: مين الواد ده. ،الحق رودينا اهه سلام يا برنس، وتركه وذهب لرودينا ....
آسر: انا شوقت الواد ده فين مش فاكر بس شوفته والله ولازم اتهبب افتكر شوفته فين
دخلت وعد الشركه وسط نظرات الانبهار من الجميع وصعدت الى مكتب امير وورائها حازم وسامر انا رودينا فذهب مع فارس
دخلت وعد بدون طرق الباب
امير: ايه ده ..وعد ازيك
وعد: تمام فين مكتبي
امير بأستغراب: مكتبك؟
وعد: آسر مبلغكش انى هادير نصيبي بنفسي
امير: مفيش مشكله بس المكتب لسه مش جاهز
سامر: مفيش اى مشكله يا استاذ ..
امير : امير
سامر: ممكن اى مكتب دلوقتى لحد المكتب بتاعها مايجهز
امير: مين حضرتك
وعد: سامر صديق ليا ومدير اعمالى
امير: وحازم؟
وعد: حازم ده اخويا وليه نفس صلاحياتى وهيبقي مسئول عن الحسابات بتاعتى
امير: طبعا طبعا تنوروا ، بس حاليا مفيش غير مكتب واحد فاضي
وعد: تمام احنا التلاته هنقعد فيه لحد ما المكاتب بتاعتنا تجهز
امير: طيب تحبي اجبلك سكيرتيرة
وعد: رودينا السكرتيرة بتاعتى انت عارف مش بثق فى حد غير التلاته دول بس
سامر نظر لها وابتسم
امير: براحتك يا وعد بس انا ابن عمك واخوكي
وعد: طبعا يا امير بس اديني شويه وقت استوعب
امير: براحتك اتفضلى اوريكي المكتب بتاعك اقصد بتاعكم
آسر: خليك اتفضلوا معايا
حازم : ياريت تعاملك معانت يقل خالص او ينعدم
آسر ببرود: حد وجهلك كلام انا بكلم المدير بتاعك صح يا مدير
وعد: مش عايزة مشاكل اتفضل ورينا المكتب
ظلت وعد تمشي بجانب حازم وسامر وآسر سينفجر من الغيظ فهو الان فى قمه غيرته عليها فمن ذلك الشاب الذي تمشي بجانبه الم يكفيها حازم لتجعله ينفجر فأتت له بشاب اخر حسنت يا حبيبتي سأوريكي ولكن صبرا فالصبر جميل فهو مفتاح الفرج
آسر هو يدخل اولا: اتفضلى يا وعد
دخلت وعد فأغلق آسر الباب بسرعه
وعد بفزع: انت مجنون افتح الباب
آسر بغضب: انتى شكلك نسيتى انا مين ايه الزفت اللى لابساه ده
وعد بثقه: انا حرة انت مالك
آسر: متحاوليش تستفذيني علشان بترجعي تعيطي
وعد: كان زمان اعيط بسببك لكن دلوقتى احب اقولك العب بعيد يا شاطر
آسر بضحك: انتى بتاعتى يا وعد فياريت تلمي الدور علشان مزعلكيش واللبس الزفت ده ميتلبسش تانى
وعد بضحك: فى احلامك اتفضل افتح الباب علشان من كتر الخبط هيتكسر سامر وحازم مش هيسكتوا وهيكسروا الباب اتفضل افتح
ظل آسر يقترب منها ويقترب وهى تتراجع كلما اقترب خطوة تراجعت هى ايضا الى ان وصلت الى الحائط ولم يعد يفصل بينهم شئ وكانت هى تستمه لصوت انفاسه وتشتم رائحه عطره التى تعشقها وكان قلبه يدق بسرعه وقلبها ايضا كالطبول كان يقصد فعل ذلك بها حتى تتوتر فهو يعرف مدي تأثيره عليها .....
آسر: مين سامر ده
وعد: م..مل..ملكش دعوة
آسر وهو يقترب اكثر: مين سامر يا وعدي
وعد بخوف: مدير اعمالى وصديق ليا
آسر: بس
وعد: ايوة
آسر: انا شوفته قبل كده بس مش فاكر فين
وعد: لما كنا فالساحل هو ده اللى لحقنى لما كنت هاقع قدام الفيلا
آسر: افتكرته يا قلبي بس مش بحبه وغيران عليكي منه ومن الزفت حازم خليه يمشي
وعد بذات تستعيد وعيها فدفعته بقوه وابعتدته عنها: انت مجنون اياك تقرب منى تانى
آسر: مستحيل انا بحبك يا وعد وانتى كمان بتحبيني والدليل تأثيرى اللى لسه زى ماهو عليكي
وعد: انت مجنون وكداب انا بكرهك
آسر: وانا بحبك
صرخت وعد فيه : بس بقي متقولش كده تانى حرام عليك
آسر بتوتر: طيب اهدى
وعد : متقوليش اهدي وابعد عنى و افتح الباب مش عايزة ابقي معاك اصلا بكرهك يا آسر وبكره اليوم اللى شوفتك فيه
آسر : طيب عيطي وخرجي كل اللى جواكي
وعد: مستحيل اعيط قدامك واعيط علشان مين علشانك انت تبقي بتحلم
آسر: انا هافتح الباب يا وعد بس ديه اول رواند وللاسف انا كسبتها اشوفك الرواند الجايه سلام يا قلبي
فتح آسر الباب فأمسك به حازم وركض سامر لوعد فوجدها هادئه
وعد: سيبه يا حازم
حازم: بس ده كان
وعد: سيبه بقولك يا حازم
تركه حازم ودخل الى المكتب وخلفه رودينا وفارس...........
فارس: حصل ايه
وعد بضحك: سيبك المهم الواد ياسين كلمنى وقال انه هيتجوز ليلى النهارده بليل
رودينا: الواطي من غير ما يقول لحد كده جهز كل حاجه لوحده والتانيه كمان والله لاربيهم
وعد: قالولى علشان يعنى حكايتى وكده
سامر : انا معاكم صح
رودينا: اكيد
فارس: وبعدين ماتلمي نفسك
رودينا: حاضر حاضر
وعد: طبعا يا سامر معانا
ظل يتكلمون وتعرف فارس على سامر ثم جاء هاتف لفارس فركض الى آسر بسرعه ......
فارس: الحق يا آسر
آسر بفزع: فى ايه
فارس: مصيبه الواد اللى بيراقبها اتصل
آسر: وبعدين قالك ايه؟
فارس: ديه مسافره
آسر: نعم يا خويا
ياتري مين اللى مسافرة؟
وياترى ايه الى جاى بين وعد وآسر؟
توقعاتكم ❣️
اشوفكم الجزء الجاى من (حرب القلوب) 💔🔥
**************************
KAMU SEDANG MEMBACA
حرب القلوب 💔
Romansaاحببتك ولكن اعماك انتقامك وعدى لك هو الا تنزل دمعه واحده من عيني قبل ان اري دموع انكسارك ومع ذلك لن اعلن انكسارى ابدا فالماء لا ينكسر 😉💔 حرب القلوب روايه دراميه رومانسيه رائعه 💔
