حرب القلوب
الجزء الرابع والعشرون
فارس: ديه مسافره
آسر: نعم يا خويا
فارس بخوف: منال يا آسر
آسر بغضب: على جثتي
ركض فارس خلف آسر الذى انطلق مسرعا يهرول نحو سيارته ليلحق بمنال ويمنعها من السفر ، فرأته وعد وهو يركض فقلقت عليه فليس بيدها حيله مازال قلبها يحبه فذهبت وراء فارس حينما كان يركض خلف آسر
فارس: آسر استنى وحياة امك اصبر
آسر: مش هتسافر مستحيل لو هاموتها مش هتسافر
فارس: متولع منال يا اخى سيبك منها طارك مع سامح ونانسي
آسر وهو يركب سيارته: معاهم هما التلاته
فارس: طيب خدنى معاك
آسر: لا خليك هنا
فارس: لا مستحيل اسيبك وقفز داخل السيارة وانطلق آسر متجها نحو المطار وفى وسط كل ذلك كانت وعد تسمع كل ما حدث فقالت فى نفسها: هو راح وراها ليه عايز منها ايه طيب ليه فارس قاله سيبك منها يووووه انا هتجنن انا عايزة اعرف هيعمل فيها ايه وياترى هو فعلا مكنش بيكذب فى موضوع منال ده وكان بيقول الحقيقه
عقلها: حتى لو مكذبش فى موضوع منال بردوا كان هيسيبك علشان ينتقم من ابوكي فيكي
قلبها: هو قال اتراجع عن انتقامه وحبك بجد متنكريش
عقلها: التسجيل طيب ليه قال كده في التسجيل مدام بيحبك ونسي الانتقام
قلبها: هو قال ان الكلام ده مش حقيقي وان هما اللى مركبين الكلام ده
وعد: يوووووه بس بقي كفااايه انا كده هتجنن كفاااايه بقي. قالت ذلك ثم صعدت لمكتبها مع سامر وحازم ورودينا
****************************************************
فى المطار يبحث كلا من فارس وآسر عن منال فذهب آسر الى بوابه الدخول وذهب فارس عن منطقه ختم جوازت السفر ليراها اذا جاءت كانت هناك نار تشتعل بداخل آسر حيث كان يتذكر يوم زفافه وجرح قلب فراشته الرقيقه وان كل ما حدث بسبب منال كان يريد ان يمسك بها ويحرقها بالنار المشتعله بداخله وبينما هو فى ذكرياته المؤلمه رأها تمر وتسحب حقيبه سفرها خلفها ابتسم بشر وركض لها وامسكها من يدها فأنتفضت على آثر جذبه لها ودب الخوف فى قلبها فقالت بخوف وهى ترتعش: آسر أن..انت ..بتعمل ايه هنا وعايز منى ايه
آسر بغضب: هتعرفى يا منال وحياة امك هتعرفى وهتندمي ساعتها على كل دقيقه فكرتي فيها بعقلك الغبي ده تفرقي بينى وبين وعد
منال بغضب: ايه اللى انت بتقوله ده واوعى ايدي بقي وجعتنى
آسر وهو يضغط على يدها: تؤتؤ لسه هتتوجعى اكتر من كده بمراحل ده كده ولا حاجه بالنسبه للى هيحصلك بعد كده يا بنت خالتى
فارس: هو انتى شرفتى يا حظك الحلو ياختى
منال ببكاء: فارس خلى آسر يسيبنى بليز ايدي وجعتنى اوى بجد
فارس: يا حرام ده انا لو اطول امسكك بداله واقطعها خالص هعملها قال يسيبك قال
آسر: قدامى من غير حرف ولا نفس سااااامعه قالها بصراخ
منال بخوف : ححاضر فااهمه
امسك آسر بها وسحبها خلفه وفارس يمشي خلفهم فى حاله حاولت التملص والفرار من آسر وبالفعل خرجوا من المطار واركبوها السيارة وانطلقوا الى الشركه حتى يجبرها آسر على قول الحقيقه امام حبيبه قلبه وعد
كان فارس يفكر فى رد فعل وعد حين تري منال وهل يمكن ان تفكر فى ان آسر قد اجبرها. ان تأتة وتقول هذا الكلام وانها ليست الحقيقه فقال فارس: استنى يا آسر ووقف العربيه ثانيه
آسر: عايز ايه
فارس: هو مش ممكن وعد تفتكر انك اجبرتها تقول الكلام ده وخصوصا ان الست هانم عماله تعيط وتتمسكن
آسر بغضب: ايوة صح ازاى مفكرتش فيها ديه
فارس: حلو اوى هنعمل ايه
نزل آسر من السيارة وفتح باب سيارة منال وامسك بها من شعرها فتألمت وظلت تصرخ وتضرب آسر حتى يتركها ولكنه لم يهتز حتى فهو اقوى منها بكثير امسك فارس بيده وقال: اهدي كده و سيبها علشان مهما حصل ديه بنت يا آسر سيبها
تركها آسر بعنف فوقعت على الارض فساعدها فارس على الوقوف وادخلها السيارة واغلقها عليها وكان آسر سيجن فالان هى معه ولكن من الممكن ان تكذب وتخبر وعد بعكس الحقيقه وحينها سيكون خسر وعد نهائيا فماذا سيفعل كان غاضبا جدا فمسح بيده على وجهه حتى يهدئ قليلا ولكنه لم يهدئ فضرب بيده بشده على السيارة فأسرع له فارس وامسكه من كتفه وقال : اهدي يا آسر هنلاقى حل اهدي
بس متتعصبش ومينفعش تمد ايدك عليها ديه بنت وكمان بنت خالتك
آسر بغضب: اهى بنت خالتى ديه اللى دمرت حياتى وطنعتنى فى ضهرى مجتش من الغريب وجت منها
فارس: لا جت من الغريب وهى ساعدته بس مش هى اللى دمرت حياتك انت اللى دمرت حياتك وبأيدك
نظر له آسر بإستغراب وقال: انا ..انا يا فارس دمرت حياتى ليه انا اللى صورتنى وبعت الصور لوعد ولا انا اللى سيبتها يوم فرحها بمزاجي
فارس: انت اللى كنت عاوز تنتقم منها وهى بريئه معملتش حاجه انت اللى قلبك اسود اوى وحاولت تأذيها بأى طريقه بس ربنا فوقك لكن كان لازم تتعاقب علشان انت اللى دخلت نانسي وسامح فى كل ده لو مكنتش بتفكر تنتقم مكنش سامح مسكهالك زله ولو مكنتش بتاع بنات ومغرور مكانتش نانسي حبت تنتقم من وعد وتبعدك عنها علشان بتحبك وزيها منال طبعا فلو دورت وراء كل ده هتلاقى السبب انت يبقي متلومش حد يا صاحبي ....
ظل آسر يستمع له ويفكر فى كلامه فبالرغم من ان كلامه يؤلم وكل كلمه كانت كالطلقه تخترق قلبه ولكنه صحيح تماما فهو السبب فى كل ذلك ولكنه كان يحترق لموت والده فهو مثل اى ابن كان يعشق والده اراد ان ينتقم له ويأخذ حقه ويبرد نار قلبه ولكنه تراجع فلما حدث كل ذلك نعم يجب ان يعاقب ولكن العقاب مؤلم للغايه فهو ليس عقاب بل حكم بالاعدام فوعد كانت الهواء الذي يتنفسه والان هى بعيده فهو لا يتنفس اذا حكم عليه بالموت ..........
نظر له فارس وعرف انه يتألم من حديثه معه فأحتضنه بسرعه لكي يهدأ قليلا ولكن كانت المفاجأة حين بكي آسر فى احضان اخيه وتؤام روحه فهو ليس مجرد صديق له بل اخيه واقرب الناس الى قلبه ظل يبكى وفارس يحتضنه بقوة ويربط على ظهره بحنو
فارس: اهدي يا حبيبي
آسر ببكاء: وحشني يا آسر مهو لو كان هنا مكنش كل ده حصل وكان رجعنى ونصحني ووقف جمبي انا محتاجله اوى يا فارس ياريته هنا ياريتك هنا يا بابا انا اتكسرت من بعدك محدش حاسس بيا كلهم فاكريني نسيت وانا معداش يوم من غير ما افتكرك فيه
فارس: هو حاسس بيك صدقني
آسر: انا عايز احضنه واعيط فى حضنه عايزه يزعق فيا ويقولى انى غلط عايزه ينصحنى اعمل ايه وارجع وعد ليا تانى ازاى محتاجه يا فارس
فارس: حبيبي انا جمبك وامير كمان ومامتك ووعد كمان
آسر: وعد راحت ومش هترجع ومعاها الحق علشان اللى حصل لها مش شويه
فارس: هى لسه بتحبك وهترجع بس اهدي وفوق علشان نشوف هنرجع مرات اخويا ازاى
آسر: انا مش عارف اقولك ايه بس من غيرك مش هاقدر اكمل ولا هاقدر اعيش ربنا يحفظك ليا يا فارس
فارس بضحك: اقل من 100 الف جنيه وشبكه عيار 18مش هاقبل وعايزة شبكه تملى صدري وغوايش تشخلل طول مانا بغسل المواعين اه يا كده يا تروح تشوفلك غيرى يا خويا
آسر بضحك: ليه يا ختى موناليزا
فارس: لا يا خويا فاروسه اللى فارسه البنات كلهم وكيداهم
آسر: طب يلا نطلع عالشركه ونشوف هنعمل ايه يا ختى
فارس: اه صحيح ده احنا نسينا الزفته ديه فالعربيه
آسر: يلا بينا
وبالفعل ركب كلا من فارس وآسر السيارة وانطلقا الى الشركه
****************************************************
عند وعد
سامر: بس يا ستى ديه كل حاجه فهمتى كده
وعد: اه بصراحه فهمت كل حاجه
حازم: وعد لازم ترجعي تروحي الجامعه وتنتظمى فيها
وعد: حاضر يا حازم
سامر: طيب ازاى هتوفقى بين الشركه والجامعه
حازم: انا وانت يا سامر هناخد بالنا من الشركه وهى ورودينا هيروحوا الجامعه وياخدوا بالهم من الدراسه وبس كده
رودينا: انا موافقه على اى حاجه
حازم: طول عمرك بتسمعي الكلام
وعد: يا سلام يا سي حازم انا اللى طول عمرى تعباك يعنى
سامر بضحك: البس يا برنس
حازم بهزار: لا يا يويو ده انا بسكتها بس
وعد: بحسب
حازم: المهم من بكرة ترجعوا الجامعه
وعد: ماشي يا سيدي بس سامر كده هنعطلك عن شركتك
سامر بإبتسامه: انا اسيب الدنيا كلها علشانك مش الشركه بس
حازم بضيق: وعلى ايه انا اقدر اشوف الشغل لوحدي وانت خليك فى شركتك
سامر: لا انا معاك هنا يا معلم
حازم بغيظ: طيب يا سيدي
وعد بإبتسامه: ربنا يحفظكم ليا يارب
الجميع: يارب
رودينا: المهم عايزين نلحق نروح علشان نحضر لفرح ليلى وياسين
وعد: ايوة صح
حازم: يلا بينا نروح طيب
سامر: انا هاجهز واعدي عليكي
حازم فى نفسه: ( عدي عليك قطر هو انا اخلص من واحد يطلعلي اللى اسخف منه ده آسر ارحم اووف ايه اللى انت بقوله ده)
رودينا: ايه يا حازم روحت فين
حازم: ولا حاجه يلا بينا
وعد: يلا بينا انا كمان محتاجه وقت كتير بس
رودينا : بس ايه يا وعد
وعد: ولا حاجه يلا بينا
كانت وعد تريد ان تري آسر وتعرف ماذا فعل ولكن لم تقدر على السؤال عليه او بمعنى اخر انتصر العقل على القلب مرة اخري ...
حازم: وعد بلا بينا
وعد: يلا
خرجت وعد خلفهم ولكن قابلها امير ونيرة ووفاء ايضا
وفاء: ازيك يا وعد عامله ايه يا حبيتي
وعد: الحمدلله
نيرة: وحشتني يا يويو
وعد بإبتسامه: وانتى كمان يا نيرو
امير: هي نيرة بس اللى ليها الضحك وانا وماما لينا التكشيرة
وعد: لا ابدا
وفاء: لسه مش مصدقه انى مكنتش اعرف يا وعد
امير: والله مكنتش اعرف يا وعد ولا ماما والله ياريت كانت ايدي تتقطع قبل ما اضربك بس يا وعد غصبا عنى يا وعد انتى اختى والله بنحبك جدا كلنا
وفاء: انتى بنتي يا وعد والله ربنا يعلم حبيتك من قبل ما اشوفك
وعد بدأت الدموع ان تتجمع فى عيونها فتركها حازم ورودينا وابتعدا قليلا ليتركوها معهم علها تسامحهم
وعد ببكاء: انا كنت مصدومه واسفه على كل اللى قولته يا طنط بجد اسفه
وانت يا امير اخويا وبجد فرحت لما حسيت انى ليها اخ يحميني وواقف فى ضهرى اسفه ليك انت كمان بجد
قالتها ثم انفجرت فى البكاء فأحتضنتها وفاء ونيرة وامير
امير : بس يا عبيطه في اخت تعتذر لأخوها
وعد بضحك: لا مفيش
وفاء: ربنا يحفظكم ليا يا ولاد
نيرة: يارب
وعد: يارب يا طنط وياريت تسامحيني على اى كلمه غلط قولتها
وفاء: لا مش هسامحك يا وعد
وعد بخضه: ليه بس
وفاء بضحك: غير لما تقوليلى ماما مش طنط
وعد: حاضر يا ماما
احتضنتها وعد مرة اخرى
وفاء: هترجعي البيت
وعد: مش هاقدر دلوقتى
وفاء: هاسيبك براحتك يا قلبي يلا بقي نروح نجهز علشان فرح ياسو
وعد: هو عزمكم
نيرة: اه كلنا
وعد: حلو اوى خلينا نروح نجهز
الجميع: يلا
جاءت وعد لتلتفت ولكنها تزحلقت
وكانت ستقع لولا يد قويه امسكت بها فقتحت وعد عيونها وظلت محدقه به
الشخص: انتى كويسه
وعد: انت!
ياترى مين ده؟
ايه اللى هيحصل فى فرح ياسين؟
توقعاتكم ❤️
انتظرونى الفصل القادم من ( حرب القلوب) 💔🔥
BẠN ĐANG ĐỌC
حرب القلوب 💔
Lãng mạnاحببتك ولكن اعماك انتقامك وعدى لك هو الا تنزل دمعه واحده من عيني قبل ان اري دموع انكسارك ومع ذلك لن اعلن انكسارى ابدا فالماء لا ينكسر 😉💔 حرب القلوب روايه دراميه رومانسيه رائعه 💔
