حرب القلوب 💔

بارت 11

كل سنه وانتم طيببن وعيد اضحي مبارك❤️ 
*******************************
حرب القلوب
الجزء الحادى عشر
سامح:  انتى!
الشخص:  مالك انت شوفت عفريت
سامح:  انتى جيتي امتى يا منال وليه
منال:  هتقوليله يا نونا ولا اقوله انا
نانسي:  لا يا منال انا هفهمه
سامح:  انتوا هتتعازموا حد يفهمنى اخلصوا بقي
نانسي:  منال بنت خالة آسر وبيثق فيها جدا وكمان هى بتحبه اوى اوى ما انت عارف
سامح:  وبعدين
نانسي:  هتساعدنا اننا نوقع آسر فى شر اعماله
سامح:  حلو اوى ازاى بقي
نانسي:  كل شئ بأوانه يا موحه
منال:  متقلقش انا معاكم لان انا عايزة آسر وانت عايز وعد نبقي متفقين
نظر سامح لنانسي بأستغراب من كلام منال فهى تريد آسر ونانسي ايضا تحبه فكيف ستسمح لمنال بأخذ آسر
فنظرت له نانسي بمعنى ان ينتظر وسوف تخبره بكل شئ
سامح:  امتى هننفذ
نانسي:  من بكرة يلا بقي اقولكم كل واحد هيعمل ايه
****************************************************فى المول
حازم:  وعد انا رجلى وجعتنى كفايه لف بقي
وعد:  هو احنا لحقنا
حازم:  احنا بقالنا فوق التلات ساعات بنلف ومش عاجبك حاجه
وعد:  انت بتثق فى ذوقى ولالا
حازم بحب:  طبعا يا وعد
وعد:  خلاص اسكت بقي وامشي
حازم:  حاضر اتفضلى قدامى
وبعد ساعتين تقريبا انتهوا من شراء ملابس لحازم
وعد:  احنا كده خلصنا ايه رأيك نروح ناكل بيتزا لانى نفسي فيها اوى
حازم:  من عيونى اتفضلى قدامى
وعد: يلا بينا
ذهب حازم ووعد الى مطعم داخل المول لكي يأكلوا ولكن كان هناك شباب ينظرون لوعد بأعجاب ولاحظ حازم ذلك وشعر بالغضب والضيق
وعد:  مالك مش بتاكل ليه
حازم : باكل يا وعد بس يلا خلصي خلينا نمشي بقي
وعد:  طيب مالك متعصب كده ليه
حازم:  مش متعصب يا وعد كلى بسرعه خلينا نمشي
وعد:  انا شبعت يلا بينا
وقف حازم وامسك بيد وعد وذهبوا الى الخارج ولكن سمع حازم الشباب يتهامسون ويتحدثون عن جمال وعد
الشاب 1: زى القمر يخربيتها فى كده
الشاب 2: لو مكنش معاها الواد الرخم ده كنت روحتلها واخدتها معانا عالبيت
الشاب 1: طيب ما حنا فيها نقوم يمكن ده مش خطبيها
الشاب 2: لا ياعم بلاش مشاكل خلينا قاعدين ولما يتحرك بعيد عنها نبقي نكلمها اه ديه موزة مشفتش حد كده
لم يتحمل حازم وذهب اليهم وضرب الشاب الاول فقام صديقه بضرب حازم وجاءت وعد وضربت الشاب الثانى  الذى يهاجم حازم ولكن حازم ظل ممسك بالشاب الاول وضربه حتى فقد وعيه فأمسكت وعد بكتف حازم وصرخت : كفايه يا حازم هيموت فأيدك
حازم:  احسن انا هاموته الحيوان ده
وعد:  قولتلك كفايه بقي
ترك حازم الشاب ملقى على الارض و امسك بمعصم وعد وشدها خلفه حتى وصل الى السيارة والغضب يعميه ولم يكن يستمع لوعد وهى تخبره ان يتركها فيدها تؤلمها بشده
وصل حازم الى السيارة فترك وعد وفتح لها الباب فركبت وركب هو ايضا وانطلق بسرعه وكان غاضب للغايه وكلام الشباب يتردد فى اذنه
وعد:  حازم مالك فى ايه وبعدين ضربتهم ليه
لم يرد عليها حازم وظل ينظر امامه
وعد بغضب:  ضربتهم ليه يا حازم رد عليا مبحبش اكلم حد وميردش وانت عارف كده كويس
اوقف حازم السيارة بسرعه
حازم:  عارفه ضربتهم ليه علشان كانوا عايزين الهانم تروح معاهم الشقه بتاعتهم
وعد:  طيب خلاص انت متضايق منى انا ليه
حازم:  مهو لو الهانم مش ماشيه تعرض نفسها للناس وفرحانه بجسمها وبالمعاكسات مكنش كل ده حصل
وعد بصدمه: انت ازاى تقولى كده انت اتجننت
حازم:  مش عايز اسمع صوتك فاهمه يا وعد لحد ما نوصل مش عايز اسمع صوتك
وعد:  انت تخرس خالص انت اتجننت ازاى بتقولى كده يا حيوان انت مش محترم وبعدين كان ممكن تتصرف بطريقه غير ديه ومكنتش ضربته بالوحشيه ديه ولتانى مرة انت مش محترم يا حازم
حازم : مش انا اللى لابس وكأنى مش لابس وماشي افرج الناس عليا
وعد:  قولتلك اخرس خااالص فاهم انت متوحش وهمجي
حازم:  واحده زيك مفروض متتكلمش وتخرس خالص انتى كان عاجبك نظراتهم ليكي صح كانت عاجباكي مش كده ي.....
لم يكمل جملته بسبب صفعه مدويه من وعد نزلت على وجهه
وعد:  انت زباله و حقير اتفضل سوق من غير ولا كلمه روحنى اتحرك
انطلق حازم بغضب وصدمه شديده من ما فعلته وعد ومن حديثه ايضا فهو لم يقصد ما قاله لكنه كان يغار عليها بشده من اى احد فكلام الشباب جعل عقله ينفجر وجعله يتحدث بلا منطق ......
عاد حازم الى البيت نزلت وعد بسرعه وهى تبكي وركضت الى المنزل وخلفها حازم  فدخلت وجدت الجميع يتحدثون مع بعضهم فتجاهلتم وركضت الى غرفتها تحت نظراتهم المتعجبه دخل حازم وركض خلفها الى غرفتها فوقف آسر و رودينا
آسر:  هى بتعيط ليه اقسم بالله لو الزفت ده عملها حاجه ليكون ميت
رودينا:  استنى بس انا هاطلع اشوفهم وانزل اقولك
فارس:  استنوا بس شويه. وبعدين اطلع يا آسر
آسر:  لا انا طالع دلوقتى
وفاء:  اقعد يا آسر شويه واطلع يا حبيبي
آسر:  بس يا امى ..
وفاء:  حبيبي اقعد وهما شويه وهينزلوا
آسر:  ديه خطيبتى وده يادوب صديق مش اكتر وطالع وراها وهى بتعيط انتوا عايزين تجننونى
رودينا:  اولا حازم متربي ومحترم ثانيا استنى دقيقه ونطلع انا وانت تمام كده
آسر:  تمام
****************************************************
عند وعد كانت تبكي بشده فدخل حازم خلفها للغرفه
حازم : وعد
وعد:  اطلع برااا مش عايزة اشوفك ولا اتكلم معاك اصلا فاهم
حازم:  انا مش عارف قولت كده ازاى بس انا بخاف عليك اوى يا وعد انتى امانه فى رقبتي ابوكى موصيني عليكي ولما سمعت كلامهم دمى غلى واتعصبت حقك عليا ابوس ايدك سامحيني وبعدين يا يويو مانتى لبسك ضيق وقصير اوى لازم تفهمى ان هنا غير هناك يا وعد
وعد ببكاء:  يا حازم انت قولتلى كلام صعب اوى
حازم:  حقك عليا انا اسف على كل كلمه قولتهالك وبعدين مانتى ضربتيني بالقلم جامد اوى جبتي القوة ديه منين يا بت انتى
وعد بضحك:  احسن تستاهل كان لازم تفوق علشان كنت عمال تخرف
حازم بضحك:  شكلى اخدت ضربت شمس من كتر اللف فى المول
وعد : احسن تستاهل
حازم:  انا اسف يا وعد حقك عليا
وعد:  خلاص سامحتك يا حازم
حازم:  بجد
وعد:  طبعا يا برو
ذهب حازم لوعد واحتضنها وهو يمسح على شعرها وفى هذه اللحظه دخل آسر الى غرفه وعد وحين شاهدها فى احضان حازم لم يتحمل وذهب الى وعد وشدها من احضان حازم ولكم حازم فى وجهه لكمه شديده جعلت انفه تنزف ووقع على الارض من شدة ضربه آسر له
وعد بصراخ : حازم ... ايه ده يا آسر استنى بس انت مش فاهم حاجه
آسر:  انتى تخرسي خالص مسمعش صوتك
صعد امير وخلفه فارس على صوت وعد
فارس:  يا نهارك اسود ضربته ليه تانى
آسر:  البيه كان حاضنها
وعد:  احترم نفسك يا آسر
آسر:  انا اللى احترم نفسي طيب قوللنا كان حاضنك ليه ..انطقي قالها بصراخ
وعد:  انا كنت زعلانه منه وهو كان بيصالحنى فهمت
آسر:  وهى لازم المصالحه بالاحضان المرة الجايه تبقي بحاجه تانيه بقي
امير:  آسر لم الدور شويه علشان انت زودتها اوى
آسر:  انا سايبهالكم وغاير فى داهيه
رودينا:  حازم انت كويس
حازم:  ايوة كويس ديه ضربه خفيفه
فارس بضحك:  ياعم اقعد ده انت مش قادر تقف على رجلك
وعد:  فارس ارجوك روح وراه لحسن يعمل حادثه زى المرة اللى فاتت
فارس : حاضر يا وعد
ذهب فارس خلف آسر فوجده جالس على الكرسي فى الحديقه الخلفيه
فارس:  انت قاعد هنا وهما مفكرينك خرجت وهتعمل حادثه تانى
آسر:  انا مش فايقلك خالص
فارس:  ضربته ليه جامد كده كنت اصبر وافهم الاول
آسر:  انت عارف انى محضنتهاش قبل كده خالص والمفروض فرحنا قرب
فارس:  طيب ايه المشكله
آسر:  انت عايز تجننى ازاى سابته يحضنها طيب
فارس:  يابنى هى بتعتبره اخوها
آسر:  بس هو لا ده بيحبها انت مشفتهوش كان حاضنها ازاى انا كل ما افتكر ببقي عايز اخنقه لحد ماروحه تطلع فى ايدي
فارس:  اهدي بس كده وصلى على النبي
آسر:  عليه الصلاة والسلام
فارس:  انت سيبت المشاكل كلها ومسكت فى حضن حازم لوعد
آسر:  مشاكل ايه
فارس:  انت مش خايف من تهديد نانسي انها هتقول لوعد
آسر:  طبعا خايف بس خايف اقول لوعد متصدقنيش بردوا
فارس:  انت مجنون اكيد هتصدقك علشان بتحبك وكمان مانت فعلا هتتجوزها يا آسر
آسر:  ايوة فعلا هتجوزها بس ممكن متصدقنيش وتضيع من ايدي يا فارس
فارس:  هاقولك على حاجه
آسر:  قول
فارس:  قدم معاد الفرح شويه علشان نانسي متلحقش تعمل حاجه
آسر:  معاك حق بس وعد هستغرب من تقديم معاد الفرح
فارس:  لما تسألك قولها انك بتغير عليها وعايزها تبقي مراتك بسرعه واللى حصل النهارده هيبقي فى مصلحتك
آسر:  طيب انا هطلع اكلمها
فارس:  لا مش هينفع دلوقتى الموضوع عايز خروجه حلوة وعشوة متينه وكلمتين حلوين فى مكان هادي كده ولا انا اللى هقولك
آسر:  طيب يا اخويا اما نشوف ربنا يستر
فارس:  هتدعيلي صدقني
آسر:  ياريت مدعيش عليك بس
فارس:  لو مش عاجبك طلقنى
آسر بضحك:  خاينه طول عمرك
فارس بدلع :  بموت فى الشتميه وبخنى
وظلوا يضحكوا مع بعضهم
****************************************************
عند وعد وحازم
وعد: خلاص انا نضفتلك الجرح وحتلك لازقه جروح وبقيت كويس خلاص
حازم بابتسامه:  تسلم ايدك يا يويو
امير:  مكفش اللى وشك ده بطل نحنحه
حازم:  انا مقولتش حاجه
وعد: خلاص اهدوا بقي انا مش عارفه آسر ماله
امير:  غيران يا وعد وده حقه
حازم:  غيران من ايه ديه اختى
امير بخبث:  انت متأكد انها اختك بس
وعد:  لو سمحت يا امير حازم اخويا بس
امير:  تمام
دخل آسر وورائه فارس
فارس:  حمدالله على سلامتك يا ميزو
حازم:  شكرا يا فارس
آسر:  وعد عايزك ثانيه
وعد:  لما تعتذر. الاول
آسر:  نعم يا ختى
وعد:  اعتذر لحازم لانك ضربته
آسر:  مش متهبب اعتذر لسي زفت
حازم:  احترم نفسك
وعد:  اسكت انت يا حازم
فارس:  يا كسفتك يا حازم حازم
حازم:  فــــارس
آسر:  وعد قدامى نتكلم ونخلص
وعد : قولتلك لا اعتذره الاول
آسر:  وانا قولت لا يعنى لا
امير:  انت غلطان يا آسر اعتذرله
آسر:  انت لو شوفتنى حاضن منى هتعديها عادى
امير:  ملكش دعوة بمنى وبعدين انت اخويا فعادى
آسر:  حلو اوى طب لو شوفت ابن خالتها بيحضنها هتعمل ايه
امير:  هاموته طبعا مش عايزة كلام
آسر:  اديك قولتها وكمان ابن خالتها لكن البيه صديق مش اكتر كان مفروض اجيب شجرة واتنين لمون صح
امير:  خلاص يا آسر عديها بقي اعتذار مش هيموتك
آسر:  لده هيموتنى
حازم:  لم نفسك بقي انا ساكتلك بقالى كتير
وعد:  متكلموش كده
فارس:  شكلك بقي وحش اوى
حازم:  بتقول ايه
فارس:  لا مبقولش حاجه
آسر:  وعد مش هكررها تانى تعالى ثانيه نتكلم وروحى مطرح مانتى عايزة بعد كده
وعد:  اتفضل قدامى
ذهب كلا من وعد وآسر الى الحديقه
آسر:  هتفضلي باصه للارض كتير بدورى على حاجه ضايعه منك
وعد:  خفه اوى
آسر بضحك:  تسلمي يا ختى
وعد : انت بتضحك على ايه
آسر:  لا ولا حاجه هتفضلى زعلانه كتير يا وعد
وعد:  ملكش دعوة بيا
آسر:  اومال يبقي ليا دعوة مين يا قمر
وعد:  انت بقيت كده ليه همجي اوى على فكرة ضربته جامد اوى
آسر بسخريه:  يستاهل يا وعد القلب
وعد:  انت مينفعش معاك كلام اصلا
آسر:  خلاص يا ستى انتى عايزة ايه دلوقتى
وعد:  عايزاك تعتذرله
آسر:  in your dream ,baby
وعد:  كده يا آسر
آسر:  اه يا قلب آسر
وعد:  على فكرة اسمها عيون آسر
آسر:  لا يا قلب آسر الواحد ممكن يعيش من غير عينيه لكن ميقدرش من غير قلبه يا قلبي
وعد:  انت كده فاكر هسامحك يعنى
آسر:  انتى سامحتيني اصلا يا قلبي
وعد بضحك:  لا على فكرة زعلانه
آسر:  طيب بتضحكي ليه
وعد:  علشان انت رخم وبقيت غيور اوى
آسر:  لازم ابقي كده. طول ما القمر ده. معايا
وعد:  بقيت بكاش اوى
آسر: طيب بما اننا اتصالحنا مفيش اى حاجه كده
وعد:  حاجع ايه
آسر:  هاتى حضن طيب
وعد:  انت اتجننت لا طبعا
آسر بغضب:  ما البيه كان حاضنك فوق
وعد:  تانى يا آسر
آسر بغضب : تانى وتالت ومليون
وعد:  انا قرفت بقي بجد
ثم تركته وذهبت الى داخل المنزل
وقف آسر يفكر مع نفسه فى حازم ووعد ونانسي وان المشاكل تأتى عليه اسراب وليست افراد...........
**************************
**************************
عند نانسي وسامح ومنال
سامح:  التسجيل جاهز
نانسي:  شطور يا موحه
منال:  هابدأ امتى
نانسي:  دلوقتى انتى هتروحى الفيلا وطبعا آسر هيفتحلك البيت ويرحب بيكي وانتى خطوة خطوة تبتدي تحسسي وعد ان فى سر بينك وبين آسر وتقربي منه وتدلعي عليه قدامها ولما تشوفيها تبعدي عنه وتعملى كأنك متوترة من الاخر تبينلها ان آسر بيحبك
فهمتى يا مينو
منال بضحك:  طبعا فهمت انتى جيتيلى فى ملعبي ديه اكتر حاجه انا شاطرة فيها
سامح بضحك:  ايوة العب يلا
نانسي بضيق:  ممكن تبطلوا قرف وتركزى بقي
منال بضيق:  خلصنا انا ماشيه هاروح على الفيلا على طول
نانسي:  تمام هنبقي على تليفونات
منال:  اوك باي يا موحه
سامح:  باي يا مينو
نانسي:  التسجيل فيه كل الكلام زى ما قولتلك
سامح:  عيب عليكي
نانسي:  تمام هانت خلاص
****************************************************
عند آسر ووعد كان الجميع يجلسون على المائده لكي يتناولوا العشاء وكانوا يضحكون ويتمازحون قليلا
حازم:  اسكتى يا بلوة فاكرة لما وعد كانت بتجرى ووقعت فى الحفرة وانا نزلت شيلتها وفضلت تضرب فيا وتعيط
رودينا بضحك:  كانت بتضربك وتقولك انت السبب انت السبب
حازم:  مسكتتش غير لما تبطبت عليها وشلتها لحد البيت
رودينا :  محدش قالك تفضل شايلها  لحد البيت
حازم:  على قلبي زى العسل ملكيش فيه
وعد:  انتوا بتفتكروا الحاجات ديه ليه يا رخمين
حازم:  وابوكى ساعتها زعقلك وقالك تسمعى كلامي
وعد:  كان بيخليك تتحكم فيا كتير اوى
حازم:  علشان كان عارف انى اكتر واحد بعده بخاف عليكي
وعد:  طب مانا عارفه
آسر وهو يضرب بيده على الطاوله بغضب:  كفايه بقي انا مش قرطاس لب
حازم: مالك يا عم انت اهدى شويه
آسر:  ولا انت تخرس خالص
حازم:  متخلينيش اقوملك انا ساكت بقالى كتير اوى
آسر:  لو راجل قوم وريني هتعمل ايه
حازم:  متنرفزنيش يا آسر هتندم
وعد:  انتوا مش عاملين احترام لحد ليه
حازم : وعد والله مكنش قصدى بس اديكي شايفه هو كل شويه يعمل ايه معايا ده مش طايقنى
آسر:  وياريت عندك دم وبتحس انى مش طايقك
وعد:  آسر بليز كفايه كده
حازم:  انت مش عايزنى فى بيتك صح
آسر:  فهمتها لوحدك مش كده
وقف حازم وقال:  وانا هحققلك امنيتك انا ماشي
وعد:  حازم صدقنى هو مش قصده
حازم:  خلاص يا وعد عادي انا اصلا كنت ماشي
وعد:  آسر اتكلم وقول انك مكنتش تقصد اللى هو فهمه
ظلت تنظر له ولكنه بادلها نظرات بارده
حازم:  انا ماشي يا وعد معلش
امير:  حازم بلاش لعب عيال ده بيتك
وفاء:  حبيبي يا حازم متزعلش منه هو بيهزر وده بيتك فعلا
حازم:  معلش يا جماعه
رودينا : حازم بليز خليك علشان خاطرى
حازم:  معلش يا رورو سيبيني براحتى
وعد:  حازم انت مش هتمشي..لوحدك انا جايه معاك
آسر:  نــــــعــــــم!

ياترى وعد هتسيب البيت فعلا؟
وآسر هيعمل ايه مع نانسي ؟
وياترى حب وعد وآسر هيكمل ولالا؟
كل ده الفصل الجاى من (حرب القلوب) 💔