ဖန်းရူကွေ့ဟာ အချိန်ပြည့်ကြည့်ရှုနေရင်း ရှန်ကျီချွမ်းခေါင်းငိုက်စိုက်ကျလျက် လှုပ်ရှားမှုကင်းမဲ့နေမှန်း သတိပြုမိလိုက်သည်။ သူ သူ့လက်ကိုမြှောက်လိုက်ပြီး ညွှန်ကြားချက်ပေးအံ့ဆဲဆဲ သူတို့မျက်စိရှေ့ထီးတစ်ချောင်း ရောက်လာတာကိုတွေ့ရလေသည်။ တော်ဝင်ဝတ်စုံဆင်မြန်းထားတဲ့ လှပတဲ့မိန်းမပျိုတစ်ယောက်ဟာ ထီးအောက်မှာရပ်လျက်...
ဖန်းရူကွေ့မျက်နှာပေါ်က တိမ်မည်းထုဟာ လျှပ်တစ်ပြက် ပျောက်ကွယ်သွားပြီး အပြုံးအဖြစ် ပြောင်းလဲသွားလေသည်။ သူဟာ ကိုယ်တိုင်ကိုယ်ကျ ရှေ့ထွက်ပြီးမနှုတ်ဆက်ပေမယ့် သူ့နံဘေးကငယ်ရွယ်တဲ့မိန်းမစိုးကတော့ သူမကိုကူညီဖို့ထွက်သွားနှင့်ပြီ။
''ကျွန်တော်မျိုး မိန်းကလေးစန်းကို အရိုအသေပြုပါတယ်။ ဒီကနေ့က ချမ်းစီးလှတဲ့နေ့ပါ။ တကယ်လို့ အမှာတော်ပါးလိုက်တာမျိုးရှိရင် တစ်ယောက်ယောက်ကို သတင်းပါးခိုင်းလို့ရသားဘဲ'' ဖန်းရူကွေ့ ပြောရင်းက ခြေနှစ်လှမ်းတိုးလိုက်သည်။
[T/N: 小姐 = လက်ထက်ရသေးတဲ့ မိန်းကလေး၊ 三(စန်း)ကတော့ နံပါတ်သုံးပါ]ဟွားရှန်းရီးက ရဲမက်တွေကို မလှုပ်ရှားဖို့ အချက်ပြလိုက်သည်။ သူမက သိမ်မွေ့ ပြီးလှပသည်။ ဒီနှစ်တွေမှာ ထိုက်ဟုတ်က သူမကိုပြုစုစောင့်ရှောက်ဖို့အတွက် အနားမှာခေါ်ထားခဲ့သည်။ သူမရဲ့မျက်နှာသွင်ပြင်ကလည်း ထိုက်ဟုတ်ငယ်ရွယ်စဥ်ကနဲ့ ဆင်တူလှသည်။ ချွိတူမှာတော့ သူမဟာ သိချန်းဟွားမျိုးနွယ်ရဲ့ မိန်းကလေးစန်းအဖြစ် ခံယူထားပေမယ့် လူတိုင်းကတော့ သူမဟာ နန်းတော်မှာထင်ရှားတဲ့သူမှန်း သိကြပြီးသားပင်။ ဇကရာဇ်ကိုယ်တိုင်တောင်မှ သူမကို သူ့ရဲ့နှမတော်လေးလို မြတ်နိုးပေသည်၊
[T/N : 太后(ထိုက်ဟုတ်) = ဘုရင့်မယ်တော်]ဟွားရှန်းရီးက ခပ်တိုးတိုးလေသံနှင့် ''ကုန်းကုန်း...မြေပြင်ပေါ်မှာလဲနေတဲ့တစ်ယောက်က ရှန်မျိုးနွယ်စုရဲ့သား ရှန်ကျီချွမ်းလား?''
ဖန်းရူကွေ့က ဟွားရှန်းရီးရဲ့ခြေလှမ်းအတိုင်းလိုက်လှမ်းရင်း ''သူပါဘဲ။ အရှင်မင်းကြီးက သူ့ကိုသေတဲ့ထိကြိမ်ဒဏ်ပေးဖို့ အမိန့်ချထားပါတယ်''
YOU ARE READING
Qiang Jin Jiu《Myanmar Translation》
Historical FictionBoth Zawgyi and Unicode Title: Qiang Jin Jiu( 将进酒) Author: Tang Jiu Qing (唐酒卿) Status in COO : 282 chapters (completed) Original publisher: jjwxc Synopsis ကျုံးပေါ်ရဲ့နယ်မြေခြောက်ခုဟာ ပြင်ပကျူးကျော်ရန်သူတွေရဲ့လက်အောက် ကျရောက်ခဲ့ရပြီးနောက် ရ...
Chapter 3
Start from the beginning