[Unicode]
အမဲလိုက်ဌက်
ဖန်းရူကွေ့ သွမ်းချန်မြို့ဂိတ်တံခါးဆီကို လျှောက်လှမ်းလိုက်သည်။ ရဲမက်တွေက ဘေးနှစ်ဖက်နှစ်ချက်ကို အတန်းလိုက်လူစုခွဲလိုက်ကြပြီး တိတ်ဆိတ်လို့နေကြသည်။ ဖန်းရူကွေ့ ဧကရာဇ်ရဲ့နှုတ်မိန့်ကို ကြေညာလိုက်သည်နှင့်တစ်ပြိုင်နက် ကိုယ်ရံတော်ရဲမက်တွေဟာစတင်အလုပ်လုပ်ကြတော့သည်။
ကိုယ်ရံတော်ရဲမက်တွေက ရှန်ကျီချွမ်းရဲ့ပါးစပ်ကို ပိတ်ဆို့လိုက်ကြပြီး သူ့ကို ဂွမ်းကပ်ဝတ်ရုံထူတွေနဲ့ ရစ်ပတ်ကာ မြေပြင်ပေါ် မျက်နှာအပ်လျက် လဲလျောင်းစေလိုက်သည်။
ဖန်းရူကွေ့ ရှေ့ကိုကိုင်းညွှတ်ကာ ရှန်ကျီချွမ်းကို သေချာကြည့်လိုက်သည်။ သူ့လက်ချောင်းတွေကိုမြှောက်ကာ နှုတ်ခမ်းရှေ့ကာလိုက်ရင်း အနည်းငယ်ချောင်းဆိုးလိုက်ပြီးမှ နူးညံ့တဲ့အသံနဲ့ ''မင်းက အသက်ငယ်ငယ်လေးနဲ့ကို အရှင်မင်းကြီးရှေ့မှာ သမိုင်းတွင်လောက်တဲ့လုပ်ရပ် လုပ်ရဲလောက်တဲ့အထိ သတ္တိရှိသားဘဲ။ မင်းသာ ရှန်ဝေ့သစ္စာဖောက်ခဲ့တဲ့အပြစ်ကို အမှန်အတိုင်းဝန်ခံမယ်ဆိုရင် အသက်ရှင်ဖို့မျှော်လင့်ချက် ရှိလောက်သေးတယ်''
ရှန်ကျီချွမ်း မျက်လုံးကိုသာ တင်းတင်းပိတ်ထားမိတော့သည်။ ချွေးစေးတွေက သူ့အဝတ်ကိုရွှဲနစ်နေစေသည်။
ဖန်းရူကွေ့ မတ်တပ်ထရပ်လိုက်ကာပြောသည်။ ''စပြီးရိုက်ကြတော့''
ဘေးနှစ်ဖက်စလုံးမှာရှိတဲ့ရဲမက်တွေဟာ ''တုတ်ကိုချလိုက်ကြစို့'' လို့ သံပြိုင်ဟစ်ကြွေးလိုက်ကြသည်။ ထို့နောက်မှာတော့ ''ရိုက်!"ဆိုတဲ့အသံဟာ မိုးထစ်ချုန်းသံနှယ်။
သူတို့နှုတ်က စကားအပြည့်အစုံထွက်မလာခင်မှာပင် သံပြားပတ်ထားပြီး ဆူးချွန်တွေပါသည့်တုတ်တွေဟာ ရှန်ကျီချွမ်းကိုယ်ပေါ် ကို အရှိန်အဟုန်နဲ့ကျရောက်လာတော့သည်။
ရိုက်ချက်သုံးချက်အပြီးမှာ သူ တခြားအသံတစ်သံ ကြားလိုက်ရသည်။ ''သူ့ကိုပြင်းပြင်းရိုက်ကြစမ်း!''
YOU ARE READING
Qiang Jin Jiu《Myanmar Translation》
Historical FictionBoth Zawgyi and Unicode Title: Qiang Jin Jiu( 将进酒) Author: Tang Jiu Qing (唐酒卿) Status in COO : 282 chapters (completed) Original publisher: jjwxc Synopsis ကျုံးပေါ်ရဲ့နယ်မြေခြောက်ခုဟာ ပြင်ပကျူးကျော်ရန်သူတွေရဲ့လက်အောက် ကျရောက်ခဲ့ရပြီးနောက် ရ...