သူ့အသွေးအသားကနာကျင်မှုက သူ့ကိုယ်တွင်းမှာ တငွေ့ငွေ့လောင်မြိုက်နေတဲ့ မီးစကဲ့သို့။ သူတို့တွေဟာ ရှန်ကျီချွမ်းကိုမလှုပ်ရှားနိုင်တော့တဲ့အထိ ရိုက်နှက်ကြလေသည်။ သူလုပ်နိုင်တာဆိုလို့ သူ့ပါးစပ်ထဲကအဝတ်ကို တင်းတင်းကြပ်ကြပ် ဖိကိုက်ထားရုံသာ။ သူ့သွေးကိုတောင် အချိန်မှီ မမျိုချနိုင်တော့... သူ့ပါးစပ်ထဲမှာ ငန်ကျိကျိအရသာက ပြည့်လျက် ။ စီးကျလာတဲ့ချွေးတွေဟာ သူ့ရဲ့ပွင့်ဟနေတဲ့မျက်လုံးတွေကို စပ်ဖျင်းဖျင်းဖြစ်စေကာ ရှန်ကျီချွမ်းကတော့ သေလုမျောပါးဖြစ်လျက်။
မိုးကောင်းကင်ဟာ အုံ့မှိုင်းညိုမည်းနေပြီး နှင်းထုတွေဟာလည်း ကြောင်မြီးပန်းတွေကဲ့သို့ ကျဆင်းလျက်ရှိပေသည်။
[ကြောင်မြီးပန်း/အင်္ဂလိပ်လိုဆို willo catkins။ သိချင်ရင်ဂူဂဲလ်ရှာလို့ရတယ်]ကြိမ်ဒဏ်ပေးသည့်အလုပ်က လူတိုင်းလုပ်နိုင်တဲ့အရာမဟုတ်ပေ။ ''၂၀မှာသတိမေ့၊၅၀မှာခြေဆွံ့ ''ဆိုတဲ့စကားအတိုင်းဘဲ လူတစ်ယောက်ကို ရိုက်နှက်နည်းများစွာ ရှိလေသည်။ ပေယဘုယျအားဖြင့်တော့ မျိုးဆက်အလိုက် လက်ဆင့်ကမ်းလာသည့် မိသားစုထုံးစံတစ်ခုဖြစ်ပြီး လေ့ကျင့်မှုဟာလည်း ကုန်သွယ်မှုသင်ယူရတာထက်တော့ မလွယ်ပေ။ ဒါတင်မကသေး ဒီအလုပ်ဟာ ကောင်းမွန်သည့်ကိုယ်ခံပညာရှိရုံတင်မက ပိုင်းခြားသိမြင်နိုင်သည့် အမြင်အာရုံရှိဖို့လည်း လိုအပ်ပေသည်။ ရိုက်နှက်သူတို့သည်ကား ဤအလုပ်ကိုကြာမြင့်စွာလုပ်လာခဲ့သည်ဖြစ်လေရာ သူတို့လုပ်ရသည်မှာ အကျဥ်းစခန်းမှူးရဲ့မျက်နှာအမူအရာကိုအကဲခတ်ပြီး မည်သူကတော့ အပေါ်ယံဒဏ်ရာနည်းပေမယ့် အတွင်းဒဏ်ရာပြင်းရမယ် မည်သူကတော့ပြောင်းပြန်ဆိုတာကို သိရှိအောင်လုပ်ရုံသာ။
ဧကရာဇ်ရှန်းသဲ့ရဲ့ ယနေ့စီရင်ချက်က သူ့ကိုသေတဲ့အထိ ကြိမ်ဒဏ်ပေးဖို့ဖြစ်ပြီး ဖန်းရူကွေ့ကလည်း သူ့အပေါ် နားညှာတာတဲ့ပုံ မပေါ်ပါပေ။ ဆိုလိုတာကတော့ အလှည့်အပြောင်းဖြစ်လာနိုင်ချေ လုံးဝမရှိပေ- သူဟာ အမှန်တကယ်သေရမယ့်လူတစ်ယောက်။ ဒီ့အတွက် ရဲမက်တွေဟာလည်း သူတို့တတ်စွမ်းသမျှ အရည်အချင်းတွေကိုထုတ်ကြလေသည် - အချက်ငါးဆယ်အတွင်းမှာပင် ရှန်ကျီချွမ်းသေရလိမ့်မည်။
YOU ARE READING
Qiang Jin Jiu《Myanmar Translation》
Historical FictionBoth Zawgyi and Unicode Title: Qiang Jin Jiu( 将进酒) Author: Tang Jiu Qing (唐酒卿) Status in COO : 282 chapters (completed) Original publisher: jjwxc Synopsis ကျုံးပေါ်ရဲ့နယ်မြေခြောက်ခုဟာ ပြင်ပကျူးကျော်ရန်သူတွေရဲ့လက်အောက် ကျရောက်ခဲ့ရပြီးနောက် ရ...
Chapter 3
Start from the beginning