ليته لم يولد

﮼البارت،الخامس

مساء الخير
ليته لم يُلد. دانية رسول

﮼البارت،الخامس

احيانا تصرفت النا نسويها
يمكن بدون قصد

ويمكن متقصدين
كسرة قلب

كلمة جارحة
منهتم الها  ونمشيها

وكان شيئاً لم يكن
وننسى انو الدنيا

ممكن تدور بيوم
ويرجع كلشي علينا

نحاول نتذكر شسوينا
بحياتنا وليش هيج  الله

عاقبنا بس لا تنسون
اكو اشياء امتحان من الرب

واكو اشياء عقاب السوء
اعمال البشر
راجعوا انفسكم زين !!

بعد المشكلة الي صارت
والهوسة الي منحلت بعدها
وبالعكس كبرت وزادت الطين بلة

رجعنا للبيتنا بالرغم امي
جانت رايدته بس هُو كلشي

قسمة ونصيب بعد
والي الله كاتبه رح يصير بعد
غصبا عّن الكل

بعد فترة من رفض خالي الهم
وعلساس انو الموضوع انتهى
بس طلع بالنسبة النا مِو اله

جنت واكفة بالباب انتظر كمال
حتى اوصيه يجيبلي زعفران
من عند العطار

صدفة مِر نادر من هناك باوعت
عليه بحركة سريعة ودرت وجهي
وكانني ملاحظته او مهتميت اله

هُو وكف السيارة ونزل من عدها
ومبتسم بطرف فمه

نادر : مرحبا
جاوبته بدون ما اباوع
فادية : هلا

نادر : شلونج
فادية : زينة
شرايد ؟

نادر : هيج مريت اشوفج
فادية : هااا بس اني ماريد اشوفك
يلى اتكل على الله

نادر : هاي ليش هيج مِو دنحجي
مِو تعرفين اني رايدج بس غير
خالج

فادية : والله كول للامك احنا طلبنا
وانتو معجبكم وانتهت السالفة
عاد لا تجي تكولي مِو اني رايدج
وهاي السوالف

نادر : بس اني جاهز للكلشي تريدوه
وهسة اروح اكول للخالج وانحل
المشكلة

فادية : اي يصير خير
يلى مع السلامة

دخلت وسديت الباب بدون ما اسمع
كلامه
او جوابه

حرب إيران مستمرة وكل يوم عائلة
تخسر شهيد من اهلها
فس سبيل الدفاع عّن الوطن
جراح والالم محد يكدر يسدها
ولا يعوض فراغها

مر يوم مشفته ولا شفت خالي ولا احد
رح فتح نفس الموضوع او حتى لمح
عنه شوية لا هدوء وماكو شي
يعني هُم بالنسبة الهم انتهى هُم
مِو بس بالنسبة اليه
لذلك قررت اشيله من دماغي