ليلة زفاف لم تكتمل

الفصل الواحد والعشرون

الحلقة الواحدة والعشرون من رواية ليلة زفاف لم تكتمل
💟❤♥💝💘❣️💓💕💗💞💖💙💚🖤💔

ركضت حنان وذهبت الى صديقتها المقربة منذ الطفولة فلقد ذهبت الى ملك صديقتها منذ الابتدائية فكانت مروة صديقة الاعدادية ولم تعلم كل اسرار حنان مثل ملك ولكن ظل ادهم واقف مكانه فى صدمة لحتى اتى صديقيه حسن وروؤف
حسن: ادهم يا ادهم
ادهم: ها....
روؤف: ادهم يابنى سرحان فى ايه
ادهم: ايوة
حسن: مالك وحنان فين
ادهم: سابتنى ومشيت
روؤف: وسبتها تمشى لوحدها
ادهم: مش عارف
حسن: يابنى مالك مش مركز ليه
ادهم: حنان صدمتنى
روؤف: ليه رفضتك
ادهم: لا
حسن: امال ايه انطق
قص ادهم ما حدث لحسن ورؤوف وهما ايضا مصدومين من رد فعل حنان لمجرد انها قالت جملة واحدة جعلت عقولهم تشوشت
حسن: برضو ردها دة مش مبرر كامل لانها كان ممكن تعمل كدة
روؤف: بص انتا اطلع دلوقتى ارتاح وهى هتبقى ترجع متشغلش بالك
عاد ادهم الى منزله بعد انتهاء الحفلة ودخل غرفته واقفل الباب عليه وقام بالاتصال على حنان ليتطمئن عليها كانت حنان تجلس مع ملك وهى حزينة
ملك: اهدى بس وفهمينى مالك
حنان: ممكن ابات معاكى انهاردة
ملك: طبعا ممكن انتى بتقولى ايه يا حنان احنا اخوات بس قوليلى مالك
رن هاتف حنان
حنان: ردى عليه وقوليله انى نايمة
ملك: هو مين دة
اعطتها حنان التلفون
ملك: الو اه يا استاذ ادهم
ادهم: مين معايا دة مش تلفون حنان هو جرالها حاجة
ملك: لا ابدا حنان بخير انا ملك خطيبة شريف
ادهم: اه ازى حضرتك
ملك: تمام بخير وحضرتك
ادهم: بخير الحمدلله حنان...
ملك: متقلقش حنان كويسة ونامت هى بايتة معايا انهاردة فرديت عليك علشان اطمنك
ادهم: تمام متشكر جدا
ملك: ولا يهمك مع السلامة
ادهم: سلام
ملك: اتفضلى تلفونك وتحكيلى بقة حصل ايه وبتعيطى ليه
حنان: الى كنت خايفة منو حصل
ملك: هو ايه يا بنتى انا مش فاهمة حاجة
حنان: ادهم طلع بيحبنى
ملك: بجد طب كويس يعنى حبك طلع مش من طرف واحد
حنان: انتى بتهزرى لا طبعا مينفعش بعد ايه
ملك: انتى هتجنينى يا بنتى انتى بتحبى ادهم من وانتى صغيرة وكنتى خايفة تقوليلوا يضربك او يقولك انك اخته بس انا قولتلك من زمان ان ادهم عينه منك مصدقتيش وحجات كتير حصلت منه وبان عليه انو بيحبك بس خطوبتك من سامح وقفت حجات كتير
حنان: قصدك ايه
ملك: قصدى انو لو بيحبك من زمان كان بيفكر زيه زى اى شاب يخطب بعد ما يخلص تعليم وملحقش بسبب خطوبتك من سامح وانتى وافقتى على سامح بسرعة جدا
حنان: انا وافقت على سامح علشان انسى ادهم ومتعلقش بيه
ملك: طيب واديه كمان بيحبك فيها ايه لما تقبلى حبه دة دلوقتى عيشى حياتك
حنان: مينفعش
ملك: وايه بقى الى يخليه مينفعش
حنان: الغلطة غلطتى كنت حاسة انو بيبادلنى نفس الشعور ووافقت اتخطب لغيره وسبته
ملك: مين قال كدة هو كمان معترفلكيش بدة يعنى انتى مغلطتيش
حنان: لا غلطت طالما بحب حد كان المفروض افضل احبه وموفقش على غيره بالسهولة دى منكرش انى ابتديت احب سامح واحترمو بس حبى لادهم مقلش دة كان بيذيد اكتر بس حنية سامح كانت بتخلينى افضل معاه ومضعفش واقول لادهم انى بحبه
ملك: طيب تمام اتسرعتى واتخطبتى وربنا ما ارداش والى حصل حصل عاوزة تدمرى حياتك ليه بقى وهو اديكى عرفتى انو بيحبك وعمل كل الى عملوا دة علشانك وانو اتعذب طول السنين دى ومرديش يتجوز غيرك بدل ما ترحميه من العذاب دة بتعاقبيه زيادة حرام عليكى انا لو مكانك اروح اقوله انى بحبه
حنان: عندك حق انا نازلة
ملك: رايحه فين
حنان: هقابل ادهم
ملك: دلوقتى استنى الصبح
حنان: لا دلوقتى سلام
جريت حنان لحتى توصل بسرعة الى منزلها لتقابل ادهم واتصلت وهى تلهث بادهم لتطلب منه مقابلتها فى الجنينة الى تحت البيت
ادهم: الو اه يا حنان انتى كويسة
حنان:..... انزل تعالى
ادهم بخضة: مالك بتاخدى نفسك بالعافية ليه انتى فين
حنان: انا قربت اوصل الجنينة انزلى
ادهم: دقيقة واكون عندك سلام
ركض ادهم هو الاخر من شدة قلقه عليها

يتبع فى الحلقة القادمة 🙀🙀
توقيع مديحه عارف 🌺🌺🌺
#رواية_الف_ليلة_وليلة