ليلة زفاف لم تكتمل

الفصل الثانى عشر

رواية ليلة زفاف لم تكتمل الحلقة الثانية عشر 😭😭

وصل ادهم واوصل حنان ووضعها على سريرها وتركها نائمة وخرج
ادهم: لو صحيت حنان فى اى وقت وتعبت كلمونى على طول وانا اجيلها
كامل: تعبناك معانا يابنى مش عارفين نقولك ايه
ادهم: ايه الى بتقوله دة يا عمى حنان زيها زى اى وحدة من اخواتى ويهمنى امرها
كامل: تسلم يابنى دة العشم برضو
ادهم: ولا يهمك يا عمى عن ازنك
نزل ادهم لملاقاة حسن ورؤوف ليعرف سبب الحادث منهم
ادهم: اخباركوا ايه
حسن: كويسين وانتا وصلت امتى
ادهم: من بدرى انا تمام قولولى بقى ايه الى حصل
رؤوف: احنا كنا مع سامح قبل ما نسيبه ينزل لوحده قلنا روحوا حصلونى وانا جاى وراكم وسبناه بعد اصرار منه وبعد كدة جالنا اتصال ان فى عربية وقعة من فوق الكوبرى فى المية وانتا عارف سامح ما بيعرفش يعوم على ما وصل الخبر لينا كان عدا ساعتين على غيابه وتاخيره على الفرح
ادهم: طب ومعرفتوش ايه سبب الحادثة
حسن: عربية سامح كانت بيظة وهو كان سيبها قبل الفرح بيوم كامل عند الميكنيكى علشان فى مشكلة فى الفرامل واستلمها يوم الفرح وهو جاى لاقى ولد صغير بيعدى الشارع حاول يفرمل معرفش وفضلت العربية ماشية وعلشان ما يخبطش الواد الصغير العربية خبطت صور الكوبرى وقعت من فوق وعلشان ما بيعرفش يعوم ملحقهوش على ما طلعوه كان اتخنق من المية
ادهم: يا حول ولا قوة الا بالله ربنا يكون فى عونك يا حنان دى تعبانة جدا
رؤوف: دة ربنا يعينها حماتها يوم الفرح بهدلتها ودعت عليها علشان سامح بس دة قضاء ربنا كان كاتب عمر جديد للطفل دة على ايد سامح ربنا يرحمه ويدخله فسيح جناته ويهون على حنان لحد ما تقوم بالسلامة
فى هذة اللحظة رن هاتف ادهم وكان المتصل شريف شقيق حنان
ادهم: الله يرحمه.... ايه دة دة شريف بيتصل لحظة ارد عليه .... الو
شريف: ايوة يا ادهم انتا فين
ادهم: انا فى الجنينة الى جمب البيتةمع رؤوف وحسن
شريف: تعالى بسرعة حنان صحيت وخاربة الدنيا محدش بيهديها غيرك
ادهم: طيب انا جاى حالا مع السلامة
حسن: فى اى يا ادهم
ادهم: حنان تعبانه انا ماشى
ركض ادهم باقصى سرعة ووصل الى منزل حنان وفتحله شريف
شريف:  اتفضل يا ادهم خش شوفها
دخلها الاوضة كانت بتكسر فى كل حاجة فى اوضتها
حنان: قولتلكم هاتولى سامح ليه مش عاوزينى اشوفه
ادهم: مين قال كدة يا حنان انا قولتلك فى المستشفى هنروحله
حنان: انتا بتكدب عليا
ادهم: لا يا حبيبتى مش بكدب انا جيبتك كنتى نايمة قولت اسيبك نايمة ونروحله الصبح
حنان: بجد يعنى مش بتكدب عليا هتودينى بكرة
ادهم: اه يا حبيبتى هوديكى بكرة بس انتى اهدى كدة ونامى والصبح اول ما يطلع انا هاخدك
حنان: ماشى
بعد نص ساعة من محولات ادهم فى تهدئتها استطاع ايضا ان يطعمها وكان هو الوحيد الذى كانت تسمع كلامه وتهدا معه
كامل: هتعمل ايه معاها بكرة يابنى
ادهم: بعد ازن حضرتك يا عمى ممكن اخد حنان هى ووفاء اختى يومين اسكندرية تغير جو وتفك عن نفسها يمكن تنسى شوية
كامل: بس يابنى هتقعودوا فين احنا ملناش حد فى اسنكدرية
ادهم: انا ياعمى كنت فى اسكندرية لما جالى الخبر جيت جرى كنت فى بيت عمى وفى مضيفة هناك للزوار انا هقعد فى بيت عمى ووفاء وحنان وشريف يقعدوا فى المضيفة معتقدش عمى هيرفض اهو يومين بس على حنان ما ترجع لطبيعتها ومتقلقش عليها حنان فى عنيا
كامل: بس....
ماجدة: ما بسش يا كامل حنان محتاجة تغير جو علشان تنسى الى حصل خلاص يابنى انا هجهز شنط حنان وشريف والصبح ابقوا سافروا
ادهم: ربنا يخليكى يا طنط شكرا انك وافقتى
ماجدة: وانا يعنى مش هثق فيك يا ادهم معزتك من معزة شريف وزياد بظبط ربنا يحميك يا حبيبى
ادهم: متشكر على ثقتكم فيا وانشالله هكون عند حسن ظنكوا هروح انا علشان اجهز حاجتى انا ووفاء
كامل: ماشى يابنى مع السلامة
ادهم: بابا
احمد منصور: اه يا ادهم انتا جيت
ادهم: اه يا بابا كنت عاوزك فى موضوع
احمد: اتكلم يا ادهم
قص ادهم على والده الحالة التى وصلت لها حنان وطلب منه انه سوف ياخذ شقيقته ويذهب الى منزل عمه يومين ليحسنوا من حالتها النفسية وانه يريد موافقة والدة على سفر اخته معه وكانت معهم والدته واستمعت الى الموضوع كله 
احمد: والله يا بنى انا معنديش مانع وانتى عائشة ايه رايك
عائشة: معنديش مانع يا حج لحسن حنان حالتها صعبة قوى اهم حاجة عندى انى اشوف حنان بتضحك زى الاول
احمد: خلاص يا ادهم احنا موافقين بس شوف اختك الاول وقبلها تبلغ عمك علشان يعمل حسابه
ادهم: حاضر يا بابا
ذهب ادهم لكى ينهى اتصاله بعمه وبعدها ذهب الى غرفة اخته ليتحدث معها

يتبع فى الحلقة القادمة 🖐🖐
🌹🌹😢😢♥♥💕💕🌼🌼🌷🌷💔💔😒😒
توقيع المجهول بقلم اسود 🌺🌺🌺
#رواية_الف_ليلة_وليلة