ليلة زفاف لم تكتمل

الفصل السابع

رواية ليلة زفاف لم تكتمل الحلقة السابعة 🤩🤩

جلست حنان مع مروة ووفاء يتحدثون وكانت تراقبهم سوسن من بعيد
حنان: دى بقى فيفى يا مروة اخر العنقود
وفاء: قلبى الى مدلعنى دايما
مروة: تشرفنا يا انسه وفاء
وفاء: لا انسة وفاء ايه انتى صحبة نونا يعنى تقوليلى فيفى زيها
مروة: تسلمى يا فيفى كلك زوق
وفاء:  على ايه بس.. صح يا حنان
حنان: ايه
وفاء: ماما كانت عاوزة تقولك حاجة بس قالتى انا اقولك
حنان: خضتينى فى ايه
وفاء: الله يا بنتى اهدى ما فيش حاجة للخضة دى كلها
حنان: طب انطقى
وفاء: ماما كانت عاوزاكى تكلمى ادهم وتقنعيه
حنان: اقنعه بايه
وفاء: انه يتجوز او حتى يخطب كل ما تكلمه فى الموضوع دة يدايق ويتخانق مع ماما ويسيب البيت فا ماما قالت محدش هيقدر يقنعه غيرك لانه انتى ليكى عنده معزة خاصة وهى عاوزة تفرح بيه وتشوف ولاده هو كمان
حنان: بقى هو دة الموضوع الصراحة مش عارفة اكلمه فيه ازاى لان دى حياته وهو حر فيها يتجوز او لا براحته
وفاء: بس انتى بس وصلى الرسالة وخلاص علشان خاطر ماما عائشة
حنان: جيتى على الجرح لازم يعنى تستغلى النقطة دى
وفاء: علشان انا عارفة انتى بتحبى ماما قد ايه
حنان: ماشى يا ستى حاضر هكلمه بكرة واقوله
واثناء حديث حنان مع وفاء اتت سوسن لتفعل مشكلة جديدة  وسكبت على حنان العصير
سوسن:....  انا اسفة معلش الكعب مسك فى السجادة
حنان: انتى اتعميتى ولا ايه مش تاخدى بالك
سوسن: الله طب وبتغلطى ليه ما قلنا اسفة
حنان: انتى كمان بتعلى صوتك هى البعيدة بجحة ولا ايه
سوسن: ما تحترمى نفسك بقى وكمان ليكى عين تيجى
حنان: لا دة انتى زودتيها قوى انتى قليلة الادب...
سوسن: انتى اتجننتى بتمدى ايدك عليا يا عرة البنات
ادهم: سوسن لمى نفسك لحسن ودينى امد ايدى عليكى ايه ملكيش كبير يلمك اخرسى بقى
سوسن: شايفة يا خالتو ابنك
عائشة: سوسن اعتذرى لحنان
سوسن: نعم انا اعتذر لدى ليه انشالله
حنان: مش عايزة اسمع حاجة عن ازنكو يلا بينا يا سامح يلا يا مروة
ذهب سامح ومروة الى منزل حنان وتركوا منزل ادهم فى وضوع فوضوى للغاية
ادهم: جرا ايه يا خالتو مش تربى بنتك بدل الفضايح دى
اميرة: جرا ايه يا ادهم اتكلم كويس بنت خالتك متربية كويس
ادهم: لا ما هو واضح فعلا تبهدل البنت وفى بيتنا وتبقى متربية كويسة
احمد منصور: خلاص يا ادهم مش كدة لم الدور حصل خير
ادهم: خير وهيجى منين الخير طول ما الهانم سوسن كل ما تيجى تبوظلنا اليوم
احمد: خلاص يا ادهم انا بكرة هبقى اصالح حنان
ادهم: اعملوا الى انتزا عاوزينه انا سيبهالكم وماشى رؤوف حسن يلا بينا
فى منزل حنان
سامح: متزعليش يا حبيبتى يمكن اتكعبلت فعلا زى ما قالت
حنان: خلاص يا سامح مفيش حاجة
مروة: طيب انا همشى بقى لحسن اتاخرت
حنان: طيب مع السلامة يا ميرو وخلى بالك من نفسك
مروة: ماشى يا نونا وانتى متزعليش يا حبيبتى
حنان: ماشى يا قلبى مش زعلانة
سامح: ايه بقى
حنان: ايه
سامح: هتفضلى لوية وشك كدة
حنان: عايز ايه
سامح: عايز ايه انتى ناقص تطردينى من الاوضة
حنان: انا مش طايقة نفسى اصلا
سامح: طيب اهدى اهدى كنت عايز اقولك ان انا وعمى حددنا معاد كتب الكتاب
بدون وعى ابتسمت: بجد
سامح: ايوة بقى اخيرا ضحكتى
حنان: الله
سامح: طيب طيب خلاص اه يا ستى الاسبوع الجاى كتب كتابنا وانشالله الفرح اخر الشهر وهتبقى معايا خلاص
حنان: انشالله يا حبيبى طيب وطنط
سامح: يوه احنا مش هنفرح ابدا ملكيش دعوة بماما هى طيبة بس مش عارف ايه الى بينها وبين مامتك مخليها مش طايقاكى فا متشغليش بالك ماما بتفرح لفرحى وطول ما انا مبسوط معاكى هى كمان مبسوطة
حنان: امممم
سامح: متقلقيش من حاجة طول ما انا معاكى
وكان كلامه صح ان طول ما هو جمبها متخفش لحد ما الدنيا جات عليها جامد وحرمتها من اكتر حد حبته فى حياتها
حنان: ربنا يخليك ليا وما يحرمنيش منك
سامح: ويخليكى ليا يا اغلى حنان فى الدنيا هامشى انا علشان تعرفى تنامى علشان تلحقى الشغل
حنان: ماشى يا حبيبى خلى بالك من نفسك
سامح: حاضر يلا تصبحى على خير
حنان: وانتا من اهله

فى مكان اخر
رؤوف: ما تهدى ياعم ادهم الله
حسن: رؤوف معاه حق خلاص ياعم مش حوار بنت خالتك غلطت وحنان مسكتتلهاش وخدت حقها وكمان انتا بهدلت بنت خالتك قدام الناس يعنى خلاص بقى
ادهم: حنان اتبهدلت مرتين قدامى المرة الاولى سكت ومكنتش عارف اتكلم والزفته سوسن دى الى مفيش يوم وحنان جات عندمنا وهى موجودة الا وديقتها
رؤوف: ما الاخر بنت خالتك بتحبك
ادهم: ايه الى انتا بتقوله دة
حسن: رؤوف عنده حق مفيش حاجة تخلى بنت تحط بنت فى دماغها الا لو كانت غيرانه منها وبعدين اهتمامك بحنان باين عليك ودة الى مخليها مش طايقة حنان
ادهم: حتى لو كلامكم صح فكراها بالطريقة دى انى ممكن افكر فيها دى بتحلم
رؤوف: خلاص ياعم الحبيب انسى الموضوع ما تطمرمطناش معاك الساعة 2 عاوزين نروح تعبنا
ادهم: طيب روحوا يا اندال
حسن: تصدق صح يعنى احنا واقفين معاك من الصبح وفى الاخر طلعنا اندال وقوفنا هنا لا هيقدم ولا ياخر اهدى وخلى الليلة تعدى
رؤوف: ايوة يا بنى ارحمنا ويلا بينا نمشى
ادهم: طيب يلا لما اشوف اخرتها معاكو

يتبع فى الحلقة القادمة 😜😜
توقيع المجهول بقلم اسود 🌺🌺🌺
#رواية_الف_ليلة_وليلة