ليلة زفاف لم تكتمل

الفصل السابع عشر

رواية ليلة زفاف لم تكتمل الحلقة السابعة عشر 😜😜

فى صباح اليوم التالى كانت حنان تستعد لذهابها الى عملها
حنان: صباح الخير يا بابا
كامل: صباح النور يا حبيبة بابا
حنان: كنت عاوزة اتكلم معاك انتا وزياد وشريف انهاردة بعد الغداء فى موضوع كدة
كامل: فى ايه يا بنتى قلقتينى
حنان: ولا حاجة متقلقش هو موضوع بسيط بس لو عيالك قاعدين انهاردة هنخلصوا
وزياد وشريف: خير يا نونا
حنان: انا متاخرة مش هلحق اشرح المهم تستعدوا علشان نتكلم بعد الغداء سلام علشان اتاخرت
ماجدة: صباح الخير يا حنان
حنان: صباح النور ياماما سلام يا جماعة
ماجدة: فى ايه مالكوا متنحين ليه خلاص مشيت
كامل: اصلها قالت عاوزهم فى موضوع بعد الغداء
ماجدة: طيب وفيها ايه
شريف: انا خايف تكون رجعت فى كلامها فى موضوع خطوبتى
كامل: لا ما اعتقدش امبارح قبل ما تروح عند وفاء ماكدة اننا نعمل الخطوبة
توتر زياد بعد سماعه والده انها كانت عند وفاء فاخبرته وفاء انها سوف تخبرها امس ولكنه لم يستطع محادثة وفاء ليعلم ماذا حدث
زياد: خلاص لما ترجع هنعرف يلا روح شوف شغلك
شريف: طيب
على السلم وجدت حنان ادهم وقرر ان يوصلها بسيارته
حنان: ايه دة ادهم صباح الخير
ادهم: صباح النور يا حنان عاملة ايه
حنان: بخير طول ما انتا بخير نازل بدرى يعنى
ادهم: اه عندى مرافعة الساعة 9
حنان: طيب بالتوفيق
ادهم: مروة هتوصلك كالعادة مش كدة
حنان: لا مش هتقدر هى امبارح جاتلى بموصلات لان عربيتها عند المكينيكى فا هروح بتاكسى
ادهم: طيب تاكسى ليه وانا موجود اوصلك فى سكتى
حنان: خليها مرة تانية علشان ما اعطلكش
ادهم: تعطلينى ايه لا مفيش حاجة يلا تعالى اركبى العربية
حنان: بس....
ادهم: ما بسش يلا اركبى
حنان: تمام
اوصل ادهم حنان الى باب المدرسة التى تعمل بها وفى نفس اللحظة نزلت مروة من سيارة شخص اخر والتقوا على البوابة
حنان: صباح الخير يا ميرو
مروة:  صباح النور يا نونا
حنان: الله امال عربية مين دى
مروة: ها...
حنان: ايه مالك
مروة: ولا حاجة
حنان: انا بشبه على الى جوا العربية دة يكونش حسن شبهه بظبط
مروة: ايوة هو
حنان: هههه مبروك يا لوزة
مروة: على ايه هو بس سالنى على عربيتى امبارح وقولتلوا بتتصلح علشان كدة اصر انو يوصلنى انهاردة
حنان: ههه طيب مالك اتوترتى كدة ليه وفيها ايه حتى لو هيحصل حاجة انشالله خير
مروة: لا مفيش حاجة من دى
حنان: بصى مش هنعرف نكمل كلام دلوقتى انا عندى حصص نكمل بعد الحصص سلام .... بعد انتهاء اليوم الدراسى فى غرفة المدرسين كانت حنان تلس مع مروة
حنان: ممكن اعرف ايه رايك فى حسن
مروة: ليه بقى
حنان: قولى بس وانا احكيلك
مروة: هو الصراحة شاب كويس واخلاق ومشكلته حاجة وحدة بيحب الهزار ومش بيبطل بكش
حنان: هههه انتى لحقتى عرفتى شخصيته كدة من اول توصيلة
مروة: الله فى اى
حنان: خلاص متتكسفيش الموضوع يا ستى ان حسن كلمنى امبارح وقالى انو عاوز يتقدملك
مروة: بجد
حنان: هعهه خدودك احمرت كدة ليه ايوة بجد امال بهزار ايه رايك
مروة: مش عارفة
حنان: طالما ابتسمتى وسكتى يبقى السكوت علامة الرضا نقول مبروك يا وزة
مروة: الله بقى
حنان: هههه يعنى اقول للواد انك موافقة
مروة: لا لما اشوف بابا وماما فى البيت الاول انا ممكن اخليكى تديه رقمى وانا هتواصل معاه
حنان: تمام على بركة الله
مروة: ايه يا بنتى عمالة تخطبى فينا واحد ورا التانى ايه عاوزة تخلصى مننا
حنان: ههههه اه لكشة وحدة واخلص
واثناء ما كانو يمزحون ويضحكون رن هاتف حنان وكان ادهم
حنان: الو اه يا ادهم
ادهم: اه يا حنان انتى روحتى ولا لسة
حنان: لسة فى حاجة
ادهم: طيب انتى هتخلصى امتى
حنان: الساعة 1 ليه
ادهم: طيب هعدى عليكى واخدك نروح سوا
حنان: لا متتعبش نفسك انا هروح لوحدى
ادهم: اسمعى الكلام مش هتعرفى انا خلاص قربت اخلص وهكون عندك بعد نص بقولك مش هعرف اكمل كلام معاكى هكون عندك بعد نص ساعة سلام
حنان: الو يا ادهم يوه قفل
مروة: فى ايه
حنان: عاوز يجى يوصلنى وقفل قبل ما اخلص كلام ولازم استناه دلوقتى مع انى قولتله هروح لوحدى قلى مش هتعرفى ليه بقى مش فاهمة
مروة: وفيها ايه روحى معاه مش جيتى معاه
حنان: ايوة بس مش عايزة اتقل عليه
مروة: خلاص عادى
اخذت حنان تبحث فى حقيبتها على محفظتها ولم تجدها فهى كانت تريد دفع ثمن القهوة التى شربتها ولكن لم تستطع
مروة: ايه فى ايه
حنان: محفظتى مش فى الشنطة
مروة: خلاص خلاص دفعتلك انا
حنان: بس انا متاكدة انها كانت فى الشنطة الصبح
مروة: يمكن نسيتيها فى مكان تانى
حنان: لحظة كدة....  اه افتكرت علشان كدة بيقولى مش هعرف اروح لوحدى نسيتها فى عربية ادهم
مروة: شفتى انك لولا نسيتى المحفظة مكنتيش تعبتيه ههه
حنان: بتضحكى على ايه
مروة: على خيبتك كل دة ومش واخدة بالك
حنان: اخد بالى من ايه
مروة: من الغلبان الى باين عليه بيحبك من زمان
حنان: انتى بتقولى ايه يا مروة بطلى هزار
مروة: والله ما بهزر يعنى بزمتك واحد زيه يعملك كل الى عملوا بعد موت سامح ليه الا اذا كان بيحبك دة لو سامح نفسه مكنش هيقدر يعمل الى عملوا ادهم
حنان: طب قفلى يا مروة لحسن اسيبك وامشى
مروة: طيب طيب خلاص يلا بينا نبصم الانصراف بدا
فكرت حنان كثيرا ان تذهب الى منزلها مشى ولكن المسافة كانت كبيرة وفعلا مشيت خطوات وتوقفت مع صوت انذار سيارة ادهم
ادهم: ايه يا حنان مش قولتلك استنينى
حنان ظلت تنظر لادهم بشرود: ها
ادهم: حنان مالك انتى كويسة سرحانة فى ايه
حنان: ولا حاجة يلا بينا
ادهم:  مالك من سعت ما ركبتى العربية وانتى ساكتة فى حاجة يا حنان
حنان: ابدا مفيش.... لا فى
ادهم: طيب قولى فى ايه
حنان: الصراحة كنت حابة هى تبلغك بس هى خايفة منك
ادهم: هى مين
حنان: وفاء
ادهم: وفاء مالها
حنان: زياد ووفاء بيحبوا بعض قبل ما تتكلم وتقول عليها نص كلمة اعتبرها انتا ما انتا حبيت وعارف ان لما الواحد بيحب مش بيبص لكلمة لا عيب ولا غلط
ادهم: تمام واخرة الحب دة ايه
حنان: الجواز طبعا وهو دة الى هيحصل اليومين الجايين انا قررت انى خطوبة شريف وملك تكون مع خطوبة وفاء وزياد وطبعا بابا وماما هيزوروكوا قريب وحبيت ابلغك اول واحد
ادهم: تمام دى حياتها وهى حرة
حنان: يعنى انتا موافق
ادهم: وارفض ليه زياد وشريف واخواتى ومتربين مع بعض
حنان: زياد وشريف بس الى اخواتك طب وانا
ادهم: انتى انتى.....  وصلنا اتفضلى يا حنان
عدم جواب ادهم لحنان قد بدا يثير شكوكها بعد ما قالته مروة
ادهم: حنان
حنان: اه يا ادهم
ادهم: اتفضلى انتى نسيتيها فى العربية الصبح
حنان: متشكرة يا ادهم مع السلامة
ادهم: سلام

يتبع فى الحلقة القادمة 💐💐
توقيع مديحه عارف 🌺🌺🌺
#رواية_الف_ليلة_وليلة