احببت طريدتي قبل التعديل ( مكتمله)

الجزء الثانى 9

( انقاذ بطولى 👏)

فى المخزن المهجور

ياسمين تتوسل بعينها برعب و بكاء فينظر لها كلبش بحسره:طيب اعمل ايه بس؟ و الله ما قادر غصب عنى.....بصى الراجل اللى معايا راح يجيب اكل و راجع انا حفكك بس اوعى تصوتى اتفقنا؟

تومئ راسها بالايجاب فيقوم بحل رباط فمها فتتوسل اليه قائله:و الله العظيم اللى حتتطلبه حتاخده....اسمع كلامى بدل ما ترجع تندم، انا حامل و النبى ارحمنى انا و اللى فى بطنى

كلبش بذهول:و كمان حامل...يسلم اللى نفخك
تمتعض ياسمين من اسلوبه الفج و لكنها تتغاضى عنه فهو خلاصها الوحيد فشريكه صارم معدوم الرحمه

ياسمين برقه:طيب ممكن اشرب
كلبش: يا سلام بس كده

يقوم بوضع فم زجاجه المياه برقه على شفتاه لترتشف بضع قطرات من المياه و تنظر له باعين متوسله و تكمل

ياسمين: ها قلت ايه؟ انا حخلى فارس يحميك و يديك اللى انت عايزه بس اتصل بيه قبل ما زميلك ييجى

كلبش:انا خايف تورطينى معاكى و اللى مشغلنى اسهل حاجه عندهم يخلصو عليا و على اللى جابونى

تبكى ياسمين بحرقه فهى لا تعلم ما الحل فقد علمت انها هالكه لا محال تظل تبكى حتى ياتى رئيسهم و تابعه

عطوه:ايه الاخبار؟
زرزور:مستنين اوامرك يا بوص
عطوه بقسوه:خلصو عليها و ادفنوها و حصلونى على الهنجر الشرقى
كلبش بصوت خافت:يا بوص اسمعنى...البت مش خساره فى الموت
عطوه:يا بنى احنا بنفذ الاوامر
كلبش:طيب ما نكلم جوزها ده بتقول انه غنى اوى و ممكن يدفع اكتر من الراجل بتاعك
عطوه بتهكم:و ساعتها نلاقى رقبتنا متعلقه على باب المخزن ده يا فالح...احنا شغالين مع واحد مبيرحمش
كلبش:بس اصل.....
يقاطعه عطوه بخبث:انا عارف ديتك يا زفت انت....البت لحست عقلك يبقى نعمل ايه؟
كلبش:ايه يا بوص
عطوه:نقضى سهره حلوه و الصبح نخلص عليها و لا من شاف و لا من درى
زرزور بسوقيه:يسلم فومك يا كبير
عطوه:طيب فكوها و هاتوها على الهنجر الشرقى اهو هناك فى فرشه و مَزه و اللى الذى منه
زرزور بفرحه:عيونى

يستاء كلبش فهو لم يرد فعل ذلك فما العمل فيقترب منها و يردد باستسلام:و الله حاولت بس انتى نصيبك كده بقى حعمل ايه

يقوم بحل رباطها وسط بكائها و توسلها له و  يقوما الرفيقان بسحبها خارج المخزن فتنظر للمكان تجده صحراء قاحله و تجد حفره فى الارض معده لتكون قبر فتنهار من الخوف و الرعب فلا تستطيع قدماها ان تحملها لتخر واقعه مغشى عليها

~~~~~~~~~~~~~~
يصل كشف المكالمات الصادره و الوارده لهاتف عاليا فى الساعات الاخيره فيجدها جميعا لارقام مسجله و متعارف عليها الا رقم واحد فيتقصى عنه و يامر رجاله بشركه الاتصالات باتباعه ليصل الى تلك المنطقه النائيه بالصحراء