Create A Day With You
ရေစက်ဆိုတဲ့အမျိုးက ခက်တော့ခက်သား...
Lim Yoona ဆိုတဲ့ကောင်မလေးနဲ့ သူမရဲ့ရေစက်ဟာ တစ်ရက်တာ နဲ့ပြီးဆုံးမသွားခဲ့..နောက်နေ့ မနက် မှာဘဲထိုကောင်မလေး သူမအိမ်သို့ ဆိုက်ဆိုက်မြိုက်မြိုက်ရောက်လာခဲ့သည်
မနက်စောစောစီးစီးအိမ်တံခါးခေါက်သံက အိပ်မက်ကမ္ဘာထဲသာယာနေသော သူမကို ဂုတ်ကနေဆွဲယူလိုက်သလို...
Pilot ဖြစ်တဲ့အဖေက အမြဲလိုလိုခရီးထွက်နေရသဖြင့် အခုလည်းအိမ်မှာမရှိသလိုအမေဖြစ်သူကလည်းသူ့ရဲ့သူငယ်ချင်းတွေနဲ့သွားတွေ့မည်ဟု မနေ့ညကတည်းကပြောထားသဖြင့် အိမ်မှာသူမတစ်ယောက်တည်းပင်...
ထို့ကြောင့် ဒီ တံခါးခေါက်နေတဲ့ကိစ္စကို သူမကလွဲဖြေရှင်းမယ့်သူမရှိဆိုတာ သိနေသည်။
တံခါးကိုဖွင့်လိုက်တော့ စူးကနဲဖြစ်သွားတဲ့နေရောင်ကြောင့် မျက်လုံးကိုမှိတ်ချကာ လက်နဲ့ကာလိုက်ရသည်။
"မုန့်လာပို့တာ အမ "
အသံကိုတော့ ကြားဖူးသလိုရှိနေသည် ဖြည်းဖြည်းချင်းဖွင့်လိုက်တဲ့ မျက်လွှာတွေကြား....
ကောင်မလေးတစ်ယောက်ကိုတွေ့လိုက်ရသည်။
"အင်း ကျေးဇူးဘဲ"
လက်ထဲက မုန့်ပန်းကန်ကိုဆွဲယူကာ တံခါးပြန်ပိတ်ပြီးအိပ်ဖို့ကြံပေမယ့် ထိုကလေးမကထိုသို့ခွင့်မပြုပေ...
"ရေ...ရေသောက်ချင်လို့ "
ဘုရားရေ သူ့အိမ်ကဖြင့် ခြေလှမ်းငါးလှမ်းတောင်မကွာတဲ့နေရာမှာကို...
ရှိစေတော့ ရှိစေတော့...လက်ထဲက ပူပူနွေးနွေးတော့ပိုကီကြောင့်ရှိစေတော့....
အိမ်ထဲရောက်လာတော့ထိုကလေးမက ငြိမ်ငြိမ်မထိုင် သူမအခန်းဘက်ကို မျက်စောင်းထိုးနေသည်....
ရေခွက်ကို သူ့ရှေ့ချပေးလိုက်တော့ သူက တစ်ငုံယူသောက်သည်။
"အမ....ဟိုနေ့က အမ တို့အိမ်ဘက်ကိုကျော်လာမိတဲ့အတွက်တောင်းပန်ပါတယ်"
အရင်ဆုံးမျက်နှာချိုသွေးရမည်လေ...
အမ ဆိုတဲ့နာမ်စားက သူမအတွက် နည်းနည်းစိမ်းနေသလိုပင် မိသားစုထဲမှာသာမက ဆွေမျိုးတွေထဲမှာပါ အငယ်ဆုံးဖြစ်သည့်အတွက် အမဆိုတဲ့နာမ်စားကတော်တော်ကြီးအောင့်သီးအောင့်သက်နိုင်နေသည်
STAI LEGGENDO
Create A Day with You
Fanfictionအခ်စ္ဦးန႔ဲ အတူ ေန႔စြဲ တစ္ခု ဖန္တီးျခင္း အချစ်ဦးနဲ့ အတူ နေ့စွဲ တစ်ခု ဖန်တီးခြင်း (Z&U)
