Meet Me In Clark High (Reistre Series #1)

Chapter 30

Natawa pa ako nang may naalala. Dati kasi nang sumama kami sa field trip at nang nasa byahe kami ay naubos niya kaagad ang sandamakmak ng Yakult, ni laman ng duffel bag niya ay puro Yakult kaya naman nang nasiraan kami ng bus sa gitna ng tahimik at magubat na lugar, hindi siya mapakali at halos lahat nang kasamahan namin ay tinanong niya kung may Yakult sila at babayaran daw niya ng doble kapag nakauwi.

“By any chance, do you like Chesca?” Hindi ko alam, pero iyon kaagad ang lumabas sa bibig ko. Gusto ko lang malaman hindi dahil may gusto ako kay Chesca kung hindi gusto ko lang ipaalam kung ano siya sa amin.

Saglit siyang natigilan bago humarap sa akin, kaagad siyang humagalpak ng tawa na hindi ko inaasahan. “Demonyo ka ba, Zian? Hindi ako nagkakagusto ng iba!”

Napataas ako ng kilay. “Bakit siya pa rin ba?”

Umangat ang gilid ng aking labi nang mawala ang ngisi niya sa mukha.

“Sinong siya? Shut up, will you?”

Napailing ako. “Fine, sorry.”

Nilingon niya ako at bahagyang umirap. “I’ve already moved on, so there’s nothing to say sorry.”

I smirked. “Really? Kahit ipaalala kong... iniwan ka niya nang walang paalam?”

Sinamaan niya ako ng tingin.

Napailing na lang ako. “I’ll just sleep. Don’t disturb me.”

-Ariane’s POV-

Nasa harap na ako ng condo tower para pumasok sa condo ni Jace. I have a spare key with me, binigay niya ito sa ‘kin noong nakaraan if ever I want to go in his condo.

Nasa Egaro St. si mama ngayon at nag-uusap na sila ni Lolo. Pagkatapos ikuwento sa akin ni Mama ang nangyari noon para akong binagsakan ng langit at halos hindi ako makahinga kaya nagpaalam ako sa kanila na aalis muna. They didn’t stop me, though.

I don’t know if Jace’s here. I don’t know his schedule yet. Nasa harap na ako ng pintuan niya at dahan-dahan itong binuksan.

Inilibot ko ang aking paningin at tumigil ito sa sofa sa gilid. Napaawang ang aking labi sa nakita at kaagad may pumukaw sa kung anong parte ng aking puso.

Is he that tired? Nakasalampak kasi ang katawan nito sa sofa, natutulog.

Nakabukas pa ang butones ng kaniyang long-sleeve polo at ang kaniyang bag ay nasa sahig. He looked so peaceful while sleeping. Lumapit ako sa kaniya at humalik sa noo bago kunin ang gamit nito at ilagay sa maayos na lalagyan.

Pumasok ako sa kuwarto niya at kumuha ng blanket, kinumutan ko siya bago ako pumunta sa kitchen. Naisipan ko na lang na magluto habang hindi pa siya gumigising. Marunong akong magluto pero hindi ganoon kalawak ang alam ko tungkol dito. Though, I want to be a chef someday.

Nagprito na lang ako ng manok at nagsaing. It’s almost four in the afternoon. Hindi ko alam kung bakit kumuha pa siya ng condo, it’s not like ayaw ko, walang mag-aalaga sa kanya if he’s this tired. Kung sa bahay naman nila ay maaasikaso siya ni Tita Lyn, narito rin naman ako pero hindi ko naman iyon magagawa daily.

Nang natapos na ako ay inayos ko ang lamesa bago bumalik sa living area kung nasaan siya.

Naabutan ko siyang bumangon at nagkusot ng mata. Nang lingunin niya ang direksyon  ko ay unti-unting namilog ang mata nito. “Fuck! Babe, tell me it’s you or am I hallucinating?” he blurted out.

Nagtiim labi ako at ngumuso. “Watch your mouth!” sermon ko.

Napatulala pa siya ng ilang segundo bago tumayo. He closed the gap between us and didn’t say anything as he embraced me.