Volume 1 ဤတွင်ပြီး၏။ရှဲကျီ(9)
....ထပ်တွေ့ကြပြန်ပြီ......
လီစူးအပေါက်ကိုမီးထိုးကြည့်လိုက်သော်လည်း နက်လွန်းပြီးသေသေချာချာမမြင်ရသည့်အပြင် အထဲကအအေးဓာတ်တို့ကပါအပြင်ထိစိမ့်ထွက်နေ၏။
ကျန်းချိုး ချီရှီနှင့်အကို၂ဇနီးတို့ဒီအပေါက်ထဲမှာရှိနေသလားမသိသော်လည်း ဒီအပေါ်ပိုင်းအပျက်အစီးကြားကဘုရားကျောင်းကတော့လူတွေကိုမဝှက်ပေးထားနိုင်သည်ကတော့သေချာ၏။ ဒါအပြင့် ဒါရိုက်တာကလည်း သူတို့ဒီဖက်ပြေးသွားသည်ဟုညွှန်ခဲ့သေးသည်မဟုတ်လား။
"မဟုတ်ရင်တောင် အရင်ဆင်းကြည့်ကြမလား?"
လီစူးအနောက်ကလူတွေကိုလှည့်မေးလိုက်၏။
"လိုက်မှာလား နေခဲ့မှာလား?"
ဒါရိုက်တာ သူ့လည်ပင်းသူပွတ်ရင်း အပေါက်ကိုစိုက်ကြည့်လိုက်၏။ ထိုထဲကလာတဲ့အအေးဓာတ်ကပင်ကျောချမ်းစေတာ အခုလေးတင်သေဘေးကလွတ်လာတာကိုကိုယ့်သေတွင်းကိုယ်တူးပြီးတော့ ထပ်မဆင်းချင်တာအမှန်။ သို့သော်ဒီမှာဆက်နေလဲ ဟိုလူသေကောင်အန္တရာယ်က လက်တစ်ကမ်းအကွာလေးတင်။
"မင်းတို့ရှာနေတဲ့လူတွေ ဒီထဲ ရှိချင်မှရှိမှာပါကွာ ဘေးမှာထပ်ရှာကြည့်ကြမလား?"
ဒါရိုက်တာတိုးတိုးနှင့်အကြံပေးလိုက်၏။ သူကား နေလည်းမနေခဲ့လို လိုက်လည်းမဆင်းလိုသောသူ။ ပြီးတော့ ဒီအဖွဲ့ထဲအသန်မာဆုံးသော လီစူးကိုလည်းမဆင်းစေချင်။
"ငါလိုက်မဆင်းဘူး ငါ့အကိုကိုဒီမှာပဲစောင့်မယ်"
အိုက်ရှန်ပြောလိုက်သလို ကောင်မလေးကလည်း ထိုစကားကိုထောက်ခံလိုက်၏။ သူဆက်မပြေးချင်တော့။ အိမ်သာအမြန်ဆုံးပြန်ရောက်လိုသည်။ ဒါရိုက်တာမှာလဲ ဆံရှည်လောက်အားသိပ်မသန်သော်လည်း ဗလံမဟုတ်သည့်အိုက်ရှန်ကိုကြည့်ရင်း မကောင်းစိုးဝါးလောက်တော့တိုက်နိုင်မည်ဟုကောက်ချက်ချလျက်
"ဒါဆို ငါလည်း လိုက်မဆင်းတော့ဘူး မင်းတို့ခရီးမဖင့်တော့ဘူးပေါ့ကွာ"
လုဖန်နှင့်ဟွားတင်တို့ကတော့ လိုက်ဆင်းမည်မှာမလွဲ။ ကျန်းချိုး စားစရာများနှင့်ပစ္စည်းတို့ကိုခွဲထည့်ပေးရင်း အောက်ဆင်းလိုက်ကြ၏။
YOU ARE READING
သွေးစုပ်ဖုတ်ကောင်၏ သန္ဓေသားနှင့်အတူနိုးထခြင်း(MMtranslation)
Adventureေသြးစုပ္ဖုတ္ေကာင္၏ သႏၶေသားႏွင့္အတူႏိုးထျခင္း Title : I woke up pregnant with a Jiangshi's child Original Author: Lu Guitu Genre: supernatural / historical Eng Translator: momochingu@ Novel status: completed 100+extras Translation status: on going(e...