عشقت أوزعتي ❤ مكتملة (تم تعديلها)

يا ستار 😳

(وحشتوني كالعادة .. عاملين إيه .. نكمل روايتنا يلا)
#نرجع فلاش باك بقى لما شادي و أمينة اتقابلوا أول مرة ... (الجزئية دي ليهم يا جدعان 🤭)

**في القاهرة .. عند شادي وهدان ...
=كان شادي في سيارته يقودها إلى المطعم وكان يستمع لأغنية (يا ستار - حماقي) وأثناء قيادته كاد أن يصدم فتاة .. فأوقف سيارته بسرعة ونزل منها ليراها هل تأذت أم لا ، فصدم عندما نزل ووجد فتاة جميلة بعيون بنية واسعة ولامعة جداً وبيضاء البشرة و محجبة وشفتان تشبه التوت البري الاحمر .. تاه في عيونها التي سرقت أنفاسه وأسرت قلبه بنظرتها المزعورة منه فأفاق من شروده عندما رأى دموعها ...
شادي بابتسامة :- طب إنتي بتعيطي ليه طيب .. المفروض أنا أعتذرلك دلوقتي على إللي حصل هو حضرتك كويسة ولا لأ تحبي أخدك المستشفى .
الفتاة بخوف منه ودموع :- لأ لأ لأ أنا كويسة والله الحمدلله .. بس أنا اتأخرت على مقابلة الشغل الجديدة بتاعتي دلوقتي وخايفة حد غيري ياخدها .
شادي بتأثر لدموعها :- طب ممكن تمسحي دموعك ولو حابة أنا ممكن أوصلك هناك علشان متتأخريش أكتر على شغلك .
الفتاة بحيرة :- مش عارفة بقى .. طب أنا رايحة وهدان أوتيل .. ممكن توديني هناك .
شادي بابتسامة :- أنا رايح هناك كمان .. تعالي وأخدك معايا ف سكتي ياستي ومتخافيش مني أنا أبقى ابن صاحب الاوتيل يعني أمان .
الفتاة بابتسامة أذابت قلب شادي :- أنا مش أقصد والله أنا بس مش متعودة أتكلم مع حد غريب .. طب خلاص ممكن توصلني معاك لأنه النهاردة أول يوم شغل ليا ف الاوتيل ومش عايزة أتطرد من أولها لأن عندي أخ صغير أنا إللي بصرف عليه عنده ست سنين يدوب .. فممكن نمشي يلا .
شادي بابتسامة وهو يفتح لها باب السيارة :- أهو يا آنسة اتفضلي علشان منتطردش سوا .. ربنا يخليهولك يارب .
الفتاة بخجل :- ويخلي حضرتك يارب .. ماشي متشكرة جداً لحضرتك .
شادي أغلق لها الباب والتف حول السيارة وركب بجانبها وأغلق الباب وقال :- بصي بلاش حضرتك دي وقوليلي شادي علطول ولو صعب عليكي ممكن تقولي مستر شادي .. هااا ايه رأيك .
الفتاة بخجل شديد :- هقول مستر شادي علشان أكيد صعبة بالنسبة ليا أقول شادي كده علطول للمدير بتاعي .. يعجب حضرتك كده .
شادي بضحك :- ههههههه خلاص إللي يعجبك قوليه وأنا موافق على كده .. قوليلي بقى إسمك إيه .
الفتاة بابتسامة صافية :- اسمي أمينة علاء ومتخرجة السنادي من شهرين يدوب كلية سياحة وفنادق .. أهلي توفوا ف حادثة عربية بقالهم سنة ومعايا أخويا الصغير كريم 6 سنين وأنا إللي بربيه وبهتم بيه وبأكله وشربه يعني تقدر تقول أنا مامته وباباه وكل حاجة بالنسباله .
شادي بحزن :- ربنا يرحمهم يارب ويخليهولك .. طب معاكي السيرة الذاتية بتاعتك طيب إللي قدمتي بيه على الوظيفة عندنا .
أمينة بإيماء :- أه معايا .. بس هتشوفه إزاي طيب  وحضرتك بتسوق دلوقتي .
شادي بابتسامة ويحك لحيته :- هممم بصي خلاص لما ننزل تيجي معايا المكتب بتاعي وأشوف ال cv بتاعك وأختارلك الوظيفة إللي تناسبك .
أمينة بخجل :- تمام إللي تشوفه حضرتك .
شادي بضحك :- هههههههه يابنتي والله اسمي مش صعب للدرجادي علشان كلمة حضرتك دي وبعدين فرق السن بينا مش كبير أوي يعني ولا إيه .
أمينة بضحكة خفيفة :- هههههه والله مش صعب بس لسه مش اتعودت علشان أقوله .. طب أنا عندي 23 سنة و أنت بقى عندك كام ولا استنى أنا أتوقع عندك 33 سنة أو 34 صح ولا لأ .
شادي بمرح :- يالهوي عليا أنا عندي 33 أو 34 ليه ياحجة ده ناقص تقوليلي متجوز ومخلف 3 عيال كمان .. لأ والله هما كلهم على بعضهم 29 بس مش أكتر من كده يعني الفرق بينا 6 سنين بس يا فالحة .
أمينة بضحك :- هههههههههه لأ خلاص حقك عليا أنا ظلمتك والله وكبرتك ف السن بس بصراحة الدقن لما تقيلة إدتك سن أكبر .. بس عايز تقنعني إنك محبتش أو خطبت أو إتجوزت قبل كده مثلا .
شادي بحزن بسبب تذكره الماضي :- لأ حبيت وخطبت واتجوزت بس محصلش نصيب إننا نكمل مع بعض وهي إتجوزت وأنا أذيتها هي وجوزها وبهدلت حياتهم لكن الحمدلله إتعلمت الدرس وصلحت كل حاجة وإتغيرت بمساعدتها هي وجوزها وأهلهم لغاية ما رجعت شادي وهدان إللي قدامك إللي بيضحك وبيهزر .
أمينة بصدمة :- معقول وليه كده .. كان ممكن تسيبوا بعض عادي ليه الانتقام والغضب يعموا قلبك ويخلوك تنتقم منها ومن جوزها علشان سابتك .
شادي بابتسامة حزينة :- كنت غبي وأنا إللي غلطت معاها وجرحتها ودفعت تمن غلطتي غالي أوي لما اغتصبتها وضربتها بالنار بالغلط وهي رغم كده سامحتني وخلت العيلة كلها تسامحني كمان وفضلنا صحاب وبكلمها علطول وأطمن عليهم وهما يطمنوا عليا .
أمينة بصدمة أكبر :- مش مصدقة إللي بسمعه وهي ببساطة قدرت تسامحك كده عادي للدرجادي هي انسانة قلبها طيب وحنين برغم الأذى إللي إتعرضت ليه على إيدك وبسببك .. ياااه أنا مستغربة أوي إن لسه في ناس طريقة تفكيرها كده وبتسامح علطول .
شادي بابتسامة :- ولو إتعرفتي عليها هتحبيها كمان .
أمينة بإيماء :- ياريت لو أقدر فعلا أتعرف عليها .. احم هو إحنا لغاية دلوقتي موصلناش للفندق .
شادي بمرح :- إيه هو أنا رغاي للدرجادي علشان تزهقي مني وعايزة تنزلي .
أمينة بخجل :- احم لأ مش قصدي بس علشان الشغل وكده .. حضرتك مش رغاي لأ بالعكس والله كلامك حضرتك مش وحش أو بايخ .
شادي بابتسامة :- إحنا قربنا نوصل خلاص .
أمينة بتساؤل :- وياترى بقى بتتعامل معاك عادي ولا معاملتها ليك إتغيرت .
شادي بتوضيح :- لأ بتتعامل معايا عادي جداً .. ضحك وهزار وقصف جبهات للصبح والله وجوزها والعيلة وصاحبي متجوز هناك عندهم وكل حاجة كويسة الحمدلله .
أمينة بابتسامة مبادلة :- طب الحمدلله إن كل حاجة رجعت تمام زي الأول .. وأخيرا وصلنا .
شادي بابتسامة :- لأ بقى أنا رغاي أوي كده علشان زهقتي مني بسرعة .. وصلنا خلاص ومتأخرناش ولا حاجة على الشغل .
أمينة بضحك :- هههههههههه لأ والله مش رغاي خالص ولا زهقت من كلامك كمان بس يعني علشان مش متعودة على كده خالص .
شادي بابتسامة :- ولايهمك خلاص .. يلا بقى ننزل .
أمينة بخجل :- احم يلا بينا .
#نزل كلاهما من السيارة ودخلوا المطعم ثم ذهبت معه إلى مكتب والده وقرأ ملفها وأعجبه للغاية وأخبرها بأنها ستوصل الطلبات للزبائن وتهتم بهم وستعمل معهم من اليوم وستأخذ مرتب عالي بالاضافة إلى المكافئات .. فرحت أمينة للغاية وشادي أيضا ابتسم من قلبه لسعادتها بحصولها على الوظيفة في الفندق والاهم من ذلك ستكون دائما قريبة منه وتحت عينيه ... (ودي كانت بداية قصة حب جديدة)