"အဲ့ပိုင်ကွမ်ဂန်က အရမ်းလည်းမကျော်ကြားဘူးမလား မင်းကဘာလို့ကြောက်နေတာလဲ?"
ရှောင်ကျန့်ဗိုက်ထဲအက်စစ်အလောင်းခံလိုက်ရသလိုပင်။ ကျန်းချိုးကိုသာ အကြမ်းဖျင်းပြောပြလိုက်၏။
ပိုင်ကွမ်ဂန်က အရံဇာတ်ကောင်တွင်သာသရုပ်ဆောင်ရလေ့ရှိပြီး အကောင်းဆုံးဇာတ်ရံဆုကိုရရှိခဲ့သူ။ သူ့သရုပ်ဆောင်ကောင်းမှုကြောင့်အနည်းငယ်ကျော်ကြားခဲ့ပြီးနောက်တွင်တော့ တဟုန်ထိုးကျော်ကြားလာပြီး ဒါရိုက်တာတို့ကလည်းမျက်နှာသာပေးသဖြင့် ဇာတ်ဆောင်မင်းသားတစ်လက်ဖြစ်လာကာ အခုတော့ လိုင်းပေါ်တွင် လူငယ်အကြိုက် မင်းသားတစ်လက်ဖြစ်နေခဲ့ပေပြီ။ တကယ်တော့ အနုပညာရှင်အသိုင်းအဝိုင်းတွင် ပိုင်ကွမ်က Gayဆိုသည်ကိုလူတိုင်းသိ၏။ သူက သူဌေးမကိုအမိဖမ်းလိုက်နိုင်သည့် ဂေးတစ်ယောက်။ ထိုသူဌေးမသေတော့ ထင်တိုင်းချဲတော့၏။ အခုဇာတ်ကားတွင်လည်း သူ့ရင်းနှီးမှုတစ်ချို့ပါပြီး သရုပ်ဆောင်ကလည်း တော်တော့်ကိုမိမိုက်လွန်းလှ၏။ ဒါရိုက်တာကျန်းကခေါင်းငြိမ့်ပြီးအသာတကြည်လက်ခံခဲ့သည့် ဒီဇာတ်ကားရဲ့ ဇာတ်ဆောင်မင်းသားပင်။
"ငါလေယာဥ်ဆင်းတဲ့ညက အဲ့ရုပ်ဆိုးအကျည်းတန်ကောင်က ငါ့တံခါးရှေ့ရပ်ပြီးဇာတ်ညွှန်းအတူတူလေ့ကျင့်ရအောင်တဲ့လေ"
ချီရှီက ဖဲ့ရသည်ကိုပျော်တတ်ပုံပင်။ ကျန်းချိုး သူလည်းဇာတ်ညွှန်းဖတ်ရသည်ကိုကြိုက်ကြောင်းပြောလိုလှသော်လည်း ချီရှီ၏ ပြီတီတီမျက်နှာပေးကြောင့် အရှိန်သတ်လိုက်၏။ ဒိတ်ဒိတ်ကြဲအသိုင်းဝိုင်းက တကယ့်ချီးထုပ်ကြီး။
ပိုင်ကွမ်ဂန်သည် လူသိများ ကျော်ကြားသူဖြစ်ရာ ဆက်ဆံရာတွင်အလွန်ဂရုစိုက်ရသူဖြစ်သဖြင့် ပြန်ရင်တော့ ချီရှီတစ်ယောက်အပြစ်ပေးခံရပေဦးမည်။ လက်တစ်ဆစ်ဒေါသနှင့် မနာလိုမှုတစ်ချို့ပေါင်းသွားသောချီရှီပင်။ ဒါကိုAnti fanတို့ကတော့ ချီရှီက အကြီးကိုမရိုသေဘူး ကိုယ့်ကိုကိုယ်အထင်ကြီးလွန်းတယ် ...စသည်စသည်ဖြင့် အမဲဖျက်ကြတော့မည်မှာမလွဲ။
"အကို နောက်တစ်ခါဆို နည်းနည်းလေးသည်းခံပေးလိုက်လို့မရဘူးလား"
YOU ARE READING
သွေးစုပ်ဖုတ်ကောင်၏ သန္ဓေသားနှင့်အတူနိုးထခြင်း(MMtranslation)
Adventureေသြးစုပ္ဖုတ္ေကာင္၏ သႏၶေသားႏွင့္အတူႏိုးထျခင္း Title : I woke up pregnant with a Jiangshi's child Original Author: Lu Guitu Genre: supernatural / historical Eng Translator: momochingu@ Novel status: completed 100+extras Translation status: on going(e...
Chapter 51.2
Start from the beginning
