متاهة عشك الجزء الثاني

البارت الثاني

البارت الثاني

.........يالله هاي شكاعده تسوي وي قتيبة
انى كلت هالبنيه راح تصير عقبه بطريقي
اي عوذة منج يعني مخطوبه وكاعده تسوي علاقات وي شباب

..... عيني قتيبة

قتيبة يلتفت عليه نعم

وسن اسفه على الازعاج اخاف قاطعتكم

رزان حسيت بكلامهه استهزاء رديت انى عليه
لا ماكو اي ازعاج

وسن جدو يريدك بالمضيف وجده شذرة كالت روحي كعدي

قتيبة راح انزل يله محتاجه شي رزان

رزان غير الموضوع اللي كتلك عليه تسلم

قتيبة الله يسلمج

وسن صارت مواضيع والله يالله

رزان ضليت واكفه انى وسن وقتيبة نزل

وسن وانتي شنو مطلعج لسطح

رزان اوكسجين بالغرفة قل وطلعت اشم هوا

وسن انتي مو جنتي نايمه

رزان اي بس كعدت

وسن وليش مانزلتي لو احنه مو كد المقام

رزان لا اله الاالله

وسن ماعاجبج الحجي خاتون

رزان هسه انتي شنو تردين مني ترى مالي خلكج

وسن اي طبعا قاضيته حبنجيه

رزان عفت وردت ادخل جوه بس من سمعته تحجي هالكلام رجعت شنو قصدج

وسن اللي سمعتي

رزان عفته ودخلت جوه مااعرف ليش طلبت من قتيبة بالذات انى علاقتي وي محمد اكثر يعني يمكن لان شفته كدامي ليش ماكلت لبابا هو اللي يشوفلي محامي عقلي مشوش
قطع سلسلة افكاري صوت تلفوني

باوعت روسلين

رزان الووو

روسلين الوو هلا رزان شلونج

رزان الحمد لله

روسلين رزان انى اعرف كل اللي صار وياج واعرف بفعلت معاذ الج

رزان باستغراب انى ماصار يومين من عرفت انتي شلون عرفتي

روسلين اخت طليقت معاذ راسلتني اللي بالاول رادت رقم تلفونج بالبداية بس ماقبلت ومن حجتلي انطيته اله رقمج اسفه لان انطيته اله من غير ماارجعلج بس اكيد جنت اعرف انج لازم تعرفين

رزان انتي

روسلين تقاطعه بعدني ماكملت سراج هو اللي جان رايد تعرفين حقيقة معاذ

رزان بصدمة انتي شكاعد تحجين

روسلين اي سراج بنت خالته انه تصير طليقة معاذ

رزان ياللله شنو هذا اللي كاعده اسمعهه

روسلين رزان حبيتي اسفه لان مااكدر اواسيج بمحنتج بس انتي بعيده