البارت الحادي عشر
رزان انتقلنه بالبيت الحمد لله
صارلنه يومين
صليت العصر وطلعت من غرفتي اكعد يم ماما بالصالة
لكيت ماما كاعدة بالصالة
دارين صليتي ماما
رزان اي ماما
دارين منا ومنكم صالح الأعمال
رزان أجمعين يارب
دك الباب
رزان اكيد بابا اروح افتح
دارين سعد راح يروح بيت عمج الشيخ خليج اني افتح الباب
رزان شوي ورجعت ماما
دارين جديتج شذرة ومرت عمج مناهل
رزان وينهم ليش مادخلوا
دارين بالديوانية خليتهم يدخلون
الجدة شذرة شفتيهه حتى من احجي ماتكولين اتبله عليه
ام قتيبة ياستار خالة حيشاج من النبي بس كوليلي شكو
الجدة شذرة دخلتنه بالديوانية مثل الغرب ولاليكول احنه أهل زوجه وهذا بيت ابني
ام قتيبة يمكن الصالة مامعزله ومارادتنه نشوفه
الجدة شذرة ومنو عدهم حتي يحوثهه
رزان دخلت اسلم عليهم
شلونج جدة وبوستهه
الجدة شذرة بخير الحمد لله
شلونج خالة مناهل
ام قتيبة بخير حبيبة أنتي شلونج
رزان الحمد لله
دارين وهي تدخل الديوانية نورتونه
ام قتيبة منوره بيكم حبيبة
الجدة شذرة يعني عالاساس انتو بيتي
ام قتيبة فدوة لاتسمعج عيب
الجدة شذرة العيب اخلي بالجيب
دارين ماما رزان ضيفيهم
رزان أن شاء الله
رحت للمطبخ وصبيت عصير وقدمته
ام قتيبة تسلمين ياكلبي أن شاء الله يوم عرسج
رزان وانتي الحاضرة خالة ليش مااجتي علياء وياج
ام قتيبة أن شاء الله تجي وي امهم ضلت بالبيت مانكدر نعوفه كلنه
دارين هلا بيهم
ساعة ونص وراحوا
صليت المغرب وفتحت الجنط وكعدت أرتب بملابسي لأن ما تلت بس ملابس بابا وماما
فتحت الجنطة وبديت اطلع بالملابس واني اطلع لكيت فستان الخطوبة اللي شتريته اني ومعاذ
