البارت السادس عشر
رزان ماما فدوة احجي وياي
ترى مايصير هيج تسوين
دارين انتي بنتي بس مو على كلبي
رزان شلون يعني مو على كلبج لأن وافقت على قتيبة ترى موافقتي مبدئيه
دارين ماما انى امج وادرا بمصلحتج مارا ح تكدرين تتأقلمين وياهم
رزان لا أن شاء الله اكدر
دارين احجيلي احد غاصبج جابرج كوليلي والله اكلب الدنيا ومااوكفه
رزان ماعاش اللي يجبرني على شي
دارين ماما حبيبتي اريد مصلحتج انتي تسرعتي وافقتي والله
رزان ماتسرعت
دارين تعرفين سراج اجه خطبج
رزان منو سراج
دارين اي وكالوله مخطوبه
رزان ماما لحضة أنتي منو وصلج هالكلام
دارين جنيد جان يحجي وي جديتج وسمعته
بس اريد اعرف انتي شلون تقررين بدون ماترجعيلي
رزان ماما هسه بعدين تحجي راسي يوجعني فدوة الج
دارين عالعموم اطلعي سلمي على عمتج مديحة
رزان عمه مديحة
دارين اي هي وبنته
رزان راح انام تعبانه كلش من اكعد اطلع اسلم
أخذت تلفوني واتصلت على جنيد لأن تخربطت كل أفكاري بسبب كلام ماما
رزان الوو جنيد
جنيد هلا بزونتي
رزان جنيد أريدك اشوفك
جنيد والله ما اكدر امي باجر راح تطلع عمره وتعرفين التحضيرات باليل اشوفج
رزان تمام انتظرك
جنيد محتاجه شي
رزان سلامتك
جنيد مع السلامه
رزان الله وياك
رزان راسي راح ينفجر مااعرف كاعده اريد افهم يعني سراج اجه خطبني بنفس اليوم اللي جدو فتح موضوع قتيبة
بقيت ساعة بالغرفة ونزلت وسلمت على عمتي مديحة وبنته غفران اللي تريد تفترسني بعيونه
دارين ماما رزان
رزان نعم مامت
دارين راح اروح نسلم على مرت ابوج هدية باجر راح تطلع عمره الكل راح يروح أنني ابقى لأن ابوج اخاف يحتاج شي
رزان تمام
غفران انتي ماراح تروحين وياهم
رزان لا
