البارت الخامس عشر
عم سراج والله يااخ سعد ماجنه نعرف انته مريض وعندك عمليه لأن اجينه بموضوع
سعد تفضل ابو أيسر شنو موضوعك
عم سراج والله ياخويه انته زلمه ونعم منك عشرة عمر وان شاء الله ماتردنه خايبين
سعد بعون الله ماتطلعون الا وموضوعكم خالص
عم سراج انته تعرف ابن اخويه سراج تخرج وتعين دكتور بمستشفى العائلة
سعد اي ونعم منه
عم سراج والله احنه جايين نخطب ايدك بنتك رزان لابنه سراج على سنة الله ورسوله
سعد اللي الشرف والله
يقاطع سعد قتيبة هو وين شاف بنت عمي
عم سراج هو طالب وياها بنفس الكليه زميلهه بالقسم
قتيبة والي يوجه نظره لجده الشيخ ضيف الله
الجد ضيف الله يطمنهه من خلال نظراته
سراج عمو سعد انى ماعندي اي مانع إذا صار النصيب اتكمل مهنة بالعكس راح اكون وياها بنفس الدوام
الشيخ ضيف الله والله جيتكم عالعين والراس بس لبنيه مخطوبه
سعد اللي ضل بصدمة من كلام ابوه
جنيد محمد شوف عمك سعد وجه اصفر وعيونه حمر
محمد عمك منصدم
جنيد مو بس عمك الكل منصدمين
سعد مايكدر يحجي ولاكلمة
الجد ضيف الله مخطوبه لابن عمه قتيبة
عم سراج الف مبروك والله يتمم على خير يارب
نضرات الحقد اللي تداول بين قتيبة وسراج
بعد نص ساعة يستأذن الضيوف
سعد كاعد بين ابوه وإخوانه ولدهم
سعد بويه ليش هيج سويت
الشيخ ضيف الله شنو اللي سويته
سعد لبنيه مامخطوبه
الجد ضيق الله وهاي انى اخطبه منك لاتزعل
انى شاورتهه وكالت انى موافقه إذا بابا موافق
وهاي كدام اخوانك ولدهم كاعد اطلبه منك كلت من تتعافى احجي بالموضوع بس دام هذا اجه ابن اخو صديق خلص
سعد قتيبة شاب ماكو منه اثنين واي اب يتمنه يكون زوج بنته مثل قتيبة وإذا رزان موافقه انى موافق
قتيبة وضحكت الانتصار انرسمت على شفته
الجد ضيف الله جنيد تعال
جنيد أمرك جدو
الجد ضيف الله اختك رزان خليه تجي للحديقة اريد احجي وياها وانته كلمة زايده ماريد تكولهه
