البارت التاسع عشر
رزان مااعرف بابا
سعد انى حجيت وياه كتله اريد احجي وياك العصر
رزان بابا اني هم اريد احجي وياه قبل مااوافق
سعد خير ان شاء راح اصلي الضهر مابين تصبيلنه غدا
رزان ان شاء الله
مااعرف اوافق او لا صرت بحيرة
ماكو غير ماما هيه اللي تساعدني
ألوو هلو ماما شلونج
دارين هلا حبيبتي بخير الحمد لله انتي شلونج
رزان بخير انى وبابا
دارين سعد قبل نص ساعة خابرته
رزان صدك ماكلي المهم شلون خالة
دارين نطلب رحمة الله هاي العملية خطيرة عليه وكلبه كلش تعبان
رزان ان شاء الله تكوم بالسلامة
دارين الله يسمع منج ان شاء الله
رزان ماما
دارين نعم ماما حبيبتي محتاجه شي
رزان سلامتج بس ردت اكلج شي
دارين كولي
رزان بابا سألني رايدهه قتيبة او لا واني بعدني ماجاوبته
دارين تردين نصيحتي
رزان اي
دارين شكد جنت معارضه على قتيبة هسه اكلج احسنتي الاختيار
رزان شنون اللي تغير
دارين اليوم حجيت وياه طلع يحبج من كل كلبه
والله ياماما حسيت طيبة كلبه وكلامه اللي يحجي بيه مثل سعد
رزان قتيبة اللي عاقد حواجبه ومحد عاجبه مثل بابا
دارين الناس الهه الظاهر اني هم جان تفكيري مثلج بس اليوم غيرت رائي بيه الله يسعدكم يارب
رزان ماما راح اروح اصب الغدا لبابا سلميلي على خالة باليل اخابره مع السلامة
دارين الله وياج
رزان خابرت ماما حتى تساعدني هيه زادتهه عليه
صبيت الغدا وكعدنه ناكل تمن وبامية
رزان بابا شنو رائيك بقتيبة
سعد قتيبة ولد يعادل الف رجال من وافقت عليه كلت راح يكون السند الج وعزوة ابن عمج ماراح يكون احد يخاف عليج كده تصيرين بنت عمه وزوجته وام جهاله بالمستقبل يعني اموت وانى مطمن عليج
رزان اسم الله عليك بابا عمرك طويل ان شاء الله من عمري على عمرك
سعد هاي سنة الحياة كلنه علهل درب
