خفايا ضابط

بارت ٣٢

ابو يزن:-خو ماصاير شي

شهم:-تعال بعدين نحجي

أبو يزن:-اي شويه واجيكم

شهم:-ديله انتضرك اني وابوي "سديت التليفون وصعدت لغرفتي أبدل دگ تليفوني فتحت خط بدون لا انتبه ‎منــوو "

رهف:-هلوو

شهم:-هلو بيج شعندج مخابره

رهف:-هيج تستقبلني

شهم:-مالي خلگج شرايده

رهف:-والله ياعمري أنت لاتخابر ولا تسأل كلت اني اتنازل واخابرك اسمع صوتك

شهم"سديت الخط بوجهها تريد تسولف واني مفارغلها ولا الي خلك احجي وياها شمرت تليفوني عالجربايه واسمع صوت التليفون تجي اشعارات أجت ترف دكت الباب كالتلي تعال تعشه نزلت أكلت شويه وأجه ابو يزن كمت من الاكل غسلت ورحت كعدت يمه

أبو يزن:-بالله قلقتني

شهم:-هاشم انت هم أسأل على بنتك شوفها شبيها شصاير وياها

أبو يزن:-شبيها يعني عايشه عدكم ولين فتره وفتره تسويلنا مصيبه

شهم:-ڤيان متلبسها جني ،قبل شويه اجينا من السيد

أبو يزن:-وانت تصدك بيها شهم ‎هــآي تمثل عليكم

شهم:-متمثل هاجمه على يزن ولو ما رسلان وانمار لا جا موتته

أبو يزن:-شوكت هذا الحجي

شهم:-المغرب يزن ورسلان وانمار ومگادريلها بربك بنيه ضعيفه تلث زلم ميكدرولها

أبو يزن:-وشگال السيد

شهم:-متلبسها جن من الصالون وايمانها ضعيف وتسبح المغرب هذا سببه وباجر الضهر اول جلسه الها حتى يطلعونه منها واريدك انت وامها هناك خو ما اخذ واحد غيركم يصير وانتم موجودين

أبو يزن:-الله كريم احنا ‎هــآي البنيه ولا ارتاحينا منها حتى من تزوجت رجلها ماتحملها وطلكها

شهم:-خويه جنت اكول مثلك خو اني حاقد عليها اكثر منك ‎بــس متغيره هواي مو ذيج بنيتك الأوليه

أبو يزن:-بيش الساعه نروح باجر

شهم:-تعال بالوحده ونص لهنا ونروح بسيارتي كون بالثنتين احنا هناك

ابو يزن:-هاهيه امري لله ..‎بــس تطيب اكول لابن خالتها يخطبها

شهم:-تدلل ببنتك حتى ابن خالتها يتزوجها؟

ابو يزن:-لا حاجاني عليها قبل اسبوع ‎بــس مارديتله خبر

شهم:-إنسى موضوع ڤيان تتزوج

أبو يزن:-تبقى طول عمرها مطلگه ولاحكها هالأسم

شهم:-عاد هسه انت مهتملها عوفها اني المسؤول عنها محد اله دخل بيها وزواج متتزوج لو اعرف نتخارب علمودها